لو خيرت العروس بين الامرين فماذا تختار؟!!!!

انا اتمنى حفله كبيررررررررررررررررررره
لأنها ليله بالعمر ومارح تتكرر مره ثانيه عشان كذا بسوي أي شي غريب فيها
بسسسسسسس (الله يعين اللي بياخذني )

رمال
يا هلا بمرورك الطيب
ورأيك مشاطر للاخت الكريمة دانه


___


يا هلا بش عنووود
يعني افهم من خلال كلامش ان مش الحفلة الي بتخليش سعيدة بالدرجة الاولى
بيكفيش الرجل الي تحبينه .. لو ما عنده راحل تلجأين لحفلة البيت؟ صح؟
وان شاء الله الله يكتب لش الي فيه الخير
تسلمين على مرورش

______


aya2206
اختى الكريمة
نشكر مرورك الطيب على الموضوع مجدداً
ونفهم من كلامك انك مقتنعة بالحفلة البسيطة
مرعاتاً وتضحيتاً للزوج الصالح

_________


حبيت اوضح لكم يا خواتي ان من خلال أرائكم الطيبة
وضحت لنا الروؤية ان العملية في كلا الحالتين حفلة ..
بس تحددها الميزانية/ الأهل/ الأقرباء/ المستوى الاجتماعي/ مدى القناعة



وفي انتظار أرائكم الجديدة



ويا هلا

سعوديه فخوره
يا هلا بمرورك وصراحتك الشديدة
والله يوفقش ان شاء الله وتسوين الي في بالك


ويا هلا

حبيبتي اي بنت تتمني انها تسوي اكبر حفله زواج
ومثل ماقالت اختي نانا
هي مره واحده بالعمر والفلوس تروح وتجي بس ليله العمر ماراح تجي ثاني ولا بتتكرر
دام الخير موجود والحمد الله ليش احرم نفسي وما اسوي حفله كبيره
بس لو ان الحاله الماديه شوي ما سمحت عادي وشفيها اني اسويها عائليه بس هذي لو في حاله مافي زود الفلوس
بس يكون في خير وما اسوي مع احترامي لا ارائكم
لا ولا ولا ولا والف لا مايصير
والله يوفقني ويوفق الحميع

موضوع رهييييييييب

يسلموووووووووووو ياا الشيخة

والعرس الفخم الكبير ..... حلوو وله هيبته والاستعداد له بيكون كبير واستعداد غير شكل :)

واتمنى يكون عرسي جذي

او انه يكون في قاعة متوسطه ونضيف امور جمالية ولمسات تعطي العرس هيبتهاا

لكن لا افضل ان يكون في حفل محدود بالمنزل

هذي الملكه اوكي بسيطه جداا بحضور الاقارب المقربين جداا

لكن العرس احبه كبييييييييييير


بس همن قلبي يقرقع ........ واقووووول ليش الاسراف

وشكراا

شوفي حبيبتي المصاريف الي بتصرفينها بالحفلة العائلية مو بعيدة عن مصاريف الحفلة الكبيرة وهذا عن تجربة فالافضل انك تسوين حفلة كبيرة وتنبسطين هذي ليلة العمر وحلاتها بمعازيمها

[QUOTE=الدانـــــه]
[font=Motken K Homa][size=3][B]

أختي العزيزه [COLOR="DeepSkyBlue"]الشيخه

شكراً لج عالطرح الطيب

بالنسبه لي على حسب امكانية الزوج لوكانت امكانية الزوج تسمح

ومن غير سلفيات راح أسوي لي حفله كبيره لانها ليلة

وحده بالعمر وماراح تتكرر

لكن لوكانت امكانية الزوج ما تسمح راح اكتفي

بحفلة بسيطه ومرتبه بالبيت

أختج الدانــه



-------------------------------------------------------------------------------------------------------------------------------


وهذي نصيحتي لكل عروس



المهم ما نضغط ع المعرس


لان في واحد من الاهل ظروفه المادية صعبة فلما خطب العروس وااااايد تشرطت عليه


فتركها بسبب طلباتها


وهو الحين ماشاء الله تزوج وبيكمل سنة في شهر 6


وهي بعدها في بيت ابوها

]

رهف
الف تحية لش
وكلامك جميل جداً
وتعجبني الصراحه والاصرار ههههه
لا لالا لا طلعت منش من قبل حسيتها
الله يسهلها لش ان شاء الله
ونشوفك عرووس بالحفلة الي تتمنينها
حقش

حسب الضروف والحالة المادية

يعني اذا كانت الحالة المادية كويسة راح اعمل عرس كبير واذا كانت الحالة المادية

ضعيفة فمو مشكلة الوحدة تعمل عرس عائلي في المنزل


العرس مرة في الحياة

ان امن وجه نظري على ظروف الزوج ،،
لو الزوج مثلا ماعنده اي استطاعه اخليها عائلية بالبيت ،، وعقب نسافر شهر العسل ،،
اما اذا كان الزوج ميسور الحال وعنده استطاعه يسوي حفله من غير ديون وسلفيات هذي بيكون شي ثاني ،،

وفي اخت قالت ان الناس ماترحم وانا أييدها الراي ،،
لان الناس مهما تسوين لهم راح يعيبون ولا يعجبهم العجب ولا الصيام في رجب ،،


مشكورة شيوخه على الموضوع الراااااااااااااااااااائع

رشة عطر*****:
بالنسبه لي بختار حفلة عائلية بالمنزل



انا وجهة نظري يمكن ما يوافقني عليها كثير من البنات بس انا مقتنعه فيها قناعه تامه


اكثر شي يهمنى انى انا اكون سعيده وراضيه بالللي اسويه والناس مهما سويتي ما يعجبهم العجب والمصاريف اللي بخسرها على حفل زواجي افضل اني انبسط فيها مع زوجي بشهر العسل وارفه نفسي فيها لانى انا وزوجي اولى فيها من الناس


وخير الزواج ايسره واذا الله وفقني مع زوجي بعد ما نتزوج نسوي حفله واكون انا موجوده فيها ونفسيتي بتكون اكيد احسن من يوم زواجي بألف مره لان يوم زواجي ماراح يكون لي خلق لنفسي عشان اقدر اتحمل الناس

أنا نفس الرأي ونفس القناعة :) ويعطيج العافية أختي

عجبني راي رشة عطر
انا اهلي عرضو علي حفلة في ليلتي في جدة وحجزنا القاعة وقبل الزواج ب3 اشهر
استخرت وقلت ابي اسوية في البيت مع عائلتي واصحابي بغرض البركة وكل اللي كان مزعلني
إن الوالدة كانت زعلانة مني وتبي فرح كبير:sad:
والحمد لله اقتنعت وحسوي زواجي بعد شهر في البيت
واهم شي الله يسعدني انا وزجي ويبارك لنا
وبدل الفرح حطلع على كروز حول العالم ولله الحمد:B_wink:

فجرالليل
هلا بش اختى
وتسلمين على مرورش عالموضوع
بالفعل مثل ما قلتي العرس مره بالعمر


__


راعية الفراري
يــاهـلا بش عزيزتي
ويسلم لي مرورك عالموضوع
واثنى على كلامش بخصوص الناااااااس
لو جبتي لهم نجوم القايلة! بعـد ما بيرحمون
ولو عجبهم أخذي ذيش العيووون الي ما تصلي عالنبي

وطبعـا مراعات ظروف الزووج امر لا بد منه
في هذا الامر


والله يوفقكم ونشوفكم عرايس جريب ان شاء الله

بينونة
الله يتم عليش ان شاء الله
ونشوفك عرووس حلووه

___

NanaWewe
ااااااي يا اختى هذا الي كنت ابي ادق عليه
على وتر الاهل والاقرباء،، يـامــا سوينـا حفلات فاضية ما منها معنى
وكله عشان الاهل يرضون
والله يهدي حال الاهل قبل العروس نفسها
لانه احيانا ً الاهل هم الي يحتاجون للهدايه مش البنت


الله ييسر لكم يا بنات
وتتوفقون في حياتكم

nana12:
انا اختار حفله كبيره ووجهه نظرى ان الواحده مش بتبقى عروسه غير مره واحده فتعمل اللى نفسها فى اما الحفلات العائليه ممكن تتعمل فى مناسبات تانيه لكن زفاف لا
انا كانت خطوبتى عائليه لكن موافقش بزفاف عائلى

vinus
عزيزتي الف مرحب بمشاركتك
وصراحتك الجريئة والجميلة
والله يتمم لش عالخير
وتعملين الحفلة الي في بالك
انشاء الله



يا هــلا

والله يالغاليه لوبيدي سويتها عائليه بدون تكاليف واجد
بس الناس بتقول وبتقول والأهل بيقولون كيف والمعازيم يعني محد بيكون معاي
انا ماقول انه اعراسنا فخمه حيل عاديه جدا بالنسبه لغيرنا ...

H.S.S
صح كلامش في سالفة الاهل
بس ما اوافق الرأي ان افراحنـا عادية!!
بالخليج !!!! الأفراح مو عادية!

السلام عليكم

تسلمي على الموضوع الحلو
وعجبني تفاعل العضوات وحبيت أقول رأيي

فيه نقاط كتيرة تحكم أهمها الناحية المادية
يعني مو منطق الواحد يتسلف ويتدين عشان ليلة وحدة ويقعد باقي عمره يسدد في ديون وتنقلب حياتهم الزوجية
لجحيم

وكمان الأهل دورهم مهم لأن الجواز موبس فرحة العروسين ، إلا بيكون فرحة للاهل قبلهم
فأشوف إزا كانت الاوضاع تسمح فالجواز في قاعة بيكون أفضل وفيه قاعات كتير أسعارها معقولة
مو لازم نختار أسعار فلكية

وأتصور إنه البيت مهما كان كبير ماراح يسع للمعزيم والحوسة إلي بتصير في البيت كل هادي أشوفها
سلبيات الجواز في البيت

والله يسعد الجميع