تريدين زوجك ما يتأخر 0000 الحل عندي

عزيزتي اذا قومك لا تقومين

والله حلوه بس والله زوجي ما ينفع فيه شى انا جربت كل الطرق ومافيه امل:p

اشرايكم نبحث عن طرق جديدة

هلا باختي عروبه

وصراحه طريقتك روعه

بس

وهم بس

انا ما تنفع وياي لاني لسه مخطوبه :(

وخطيبي يرد متاخر ويبي بعد يكلمني

ويش تنصحيني اعمل

لاني اخاف بعد الزواج يظل على حالته


تكفين :confused: :confused:

شوفو يا حلوين لقيت لكم الحل :
المرأة مفروض انها هي تفرض عليه انه مايطلع مثلاً:
في يوم توعده انها محضرة شي له بالليل وتنطرة على جمر والشاطرة اللي تقدر تخليه اذا يسهر بس ثلاث ايام بره البيت ة ورجاء خاص اللي عندها شي يقدر يقعد الرجال بالبيت تقول لي لاني
حاولت مع زوجي وقدرت على ليلتين بس !!!!!

نصيحتي يابنت الدار انك تحاولين من الحين تعوديه انه ما يتاخر وطبعا انت مخطوبة يعني في البداية يعني تقدرين تتدلعين عليه ;)
بكم من كلمة حلوة واعتقد انه راح ينظبط اذا كان يحبك:o

السلام..

:D :D :D ;)

وعليكم السلام

:) :) طمنتيني عمري


راح اتدلع وخليني اشوف اخرتها ويا السهر


ثنكيووووو على النصيحه ;)

بنت الدار لاتنسين تقولين لنا وش صار معاش :p

أخواتي ليش تلفون وتدورون ليش ماتعاتبن زوجك بلطف وتقولين لة بكل صراحة ان اسلوب السهر كل ليلة يظايقك ويحسسك بعدم اهتمامة فيك وانة لازم يراعي مشاعرك مثل ما انتي تراعين مشاعرة.....
وطبعا هو لازم يفك عن نفسة شوي ,, يعني خلية يحدد يومين مثلا في الاسبوع يسهر برى والايام الباقية يسهر فبيتة احتراما لحياتة الزوجية ولشريكة عمرة الي مو قطعة من اثاث البيت متى مايبي يستخدمها ومتى مايبي يركنها!!
.......................................................
.......................................................
تمنياتي لكم بحياة سعيدة

طريقه رائعه لكن عزيزاتي هذه الطريق ماتنفع مع الزوج الي أدمن السهر
لو ان زوجته ملكة جمال العالم حتى لو ندم يرجع بعد كم يوم
وكأن شيئا لم يكن !!!!!!

عزيزتي ام عبدالله اشكرك على المشاركة
بس يا أم عبدالله هالطريقة تستخدمينها اذا مليتي من الكلام اليومي والمعاتبة وما في فائدة الزوج مستمر على التاخير اعتقد انه هالطريقة راح تحسسه بقليل من الندم يعني لو الكلام والتفاهم والعتاب ما منه فايدة نستخدم اسلوب اخر;)

طريقه حلوه يا العروبه ,,

بس لما اكون عنده ,, انا اللحين مالجه والني بالتأخير ,, كل يوم اترييني بكلمج ,,ويخليني لين الفجر اترياه :confused::confused: ازعل وساعات اغلق التلفون ,, ومره اعاتبه واقوله هذا اللحين انته جي كيف لما اكون عندك ,, ولا حياة لمن تنادي ,, يعني اللحين انا اكتب الموضوع والقهر عندي فووووووول ضغطي صاير ملييييييييووووووووووووون :mad::mad::mad::mad::mad:

ممكن اتساعديني ,, والمصيبه كلامه... حلو ومثل العسل,, بس كله في الهوى انشالله عناتي الليوم برجع بدري ,, انشالله فديت روحج والله ما تهونين عليه ,, وكله في الهوى ,, يلا قولي لي شو اسوي

والسموحه طولت عليكم

هلا اختي عروبه

شخبارج عمري؟؟؟

جربت طريقتج بس ما نفعت وياي

تدلعت وزعلت بس ماكو فايده

انا بكفه والسهر بكفه ثانيه

:confused: :confused: :confused:


ويش تنصيحيني اعمل ؟؟؟؟

هلا عمري عروسة العمر

يافرحة ماتمت 00 انا وياكي في الهوى سوى

واذا نفع معاج اي طريقة لا تبخلين على خويتك

عروسة العمر حياج معانا
انتي وبنت الدار نفس المصيبة بس انصحكم من الحين تتشطرون لكن بدون تقيد لان انتو مازلتو في مرحلة الخطوبة يعني بشويش عالعريس قبل لا يطيروباسلوب وبشوية دلع مع زعل بسيط وبعض الكلمات التي تخليه يحس بتأنيب الضمير
بس حذاري حذاري من العتاب

السلام عليكم


مرحبا بنت الدار .. شوفي الغاليه .. البارحه جربت شي واليوم بعد ,, وبصراحه احس هذي الشغله تنفع 70% تقريبا ,, البارحه بعد ما كتبت الرد في المنتدى كنت قاعده اسمع قصيده لخالد الفيصل خذت بيت من القصيده وطرشت مسج له من غير ما اتصل ولا ثواني ويتصل من قلت ألوووو

إلا اسمع الثاني يقولي يا ويلي يا ويلي ياويلي هذا حقي :D:D:D:D:D طبعا اتشققت هههههههه .. قلت له تبا تسمع اكثر ارجع البيت ,, ونفعت معاه ,, واليوم بعد ,, اخوه مأخرنه برع ويريد يسهره معاه ,, قمت وطرشت مسج بعد حلو ولحقته بالثاني ,, وثواني وإلا متصل ,,من غير ما اقول الووو ,, على طول قالي غناتي 10 دقايق وانا في البيت ,, بس خليني اخلص من اخويه ,... :cool::cool: يلا بنت الدار جربي هذي الشغله بس اختاري ابيات مؤثره ,, وكلام حب من التئيييييييييييييل هههه :cool::cool:

بس مش لازم نتبع نفس الاسلوب في كل مره ,, قاعده افكر في اشياء ثانيه عشان يكون في تغير مش مسجات وبس

:) :) :) مرحبا اختي عروسة العمر 0000 أسفه لاني تأخرت بالرد عليج 000 انشغلت ويا الجامعه شوي


شوفي حبيبتي امكن هذا الشي ينفع وياي بعدين 000 لاني لسه بالبدايه واستحي اجول له كلام حب ثقيل فهمتي علي؟؟؟ :( :(


بس انا جربت شي ثاني 000 وكأنه شوي نفع وياي

صرت إذا بكلمه احسسه انه هو المهم عندي واهم شي راحته اهو :p سواء تأخر او لا انطره 00 وبكذا الريال حس بتأنيب الضمير 000 وشافني انا اللي اضحي وهو لا 000 وبكذا وبدون حتى انا ما اناقشه او اعاتبه يعترف بأغلاطه ويعتذر لاتفه الاشياء 000 وانا بالحالتين ربحانه
الاولى 00 بنظره وحده ملاك اهم شي عندي راحته
والثانيه 00 صرت ما أعاتبه وهو حاول بنفسه يضبط نفسه بدون ما أنا ادخل ;) ;)


وهذا وسلامتج 0000 بس لاتقطعين خويتج 000 بعدني انا في بدايه المشوار 000 محتاجه نصايحكم انتي وعروبه

تكفون :confused: :confused: :confused:

حبيبتي عروبة انا لي 9 سنوات وانا اسوي نفس طريقتك بس والله مانفعت مع زوجي برضو اختي عروسه سويت نفس طريقتك وبرضو مانفع شي معاه

الا اصراره على السهر يزيد

اختكم المعانيه

غروقة