شغالتك تختاريها مسيحيه ولا مسلمة؟

اخت كناري

هلا فيك

بصراحه مسألة النظافة تعتمد عليك انتي بتقولي لها كيف


التنظيف الي انتي تحبيه يعني لما تجيك ما راح تتريكها في البيت وتقولي لها

يالله رتبي بدون ماتجي تشيكي على تنظيفها وكيف هي تنظف اصلا

لازم بتتعبي معها في البداية لين ماتتعود على طريقتك انتي في التنظيف

عموما شكرا على مرورك

شوفي حبيبتي بالنسبة لي بالفعل المسلمة افضل وأأمن ولكن من كثر ما نسمع من الشغالات وكثر حركاتهم الوسخة وعملهم للسحر .... انا افضل المسيحية دام اني ربة منزل وما عندي وظيفة وجالسة حق عيالي دام انها ما تمسك عيالي وتعلمه امور دينها فانا افضل المسيحية 100 مرة اكثر من المسلمة

حبيبتي لونا شكرا على كلامك الحلو ورايك السديد

بس بصراحة احنا عادةً نجيب الشغالة فول اوبشن خخخخخخخخ سوري يعني


لان احنا لما نستقدم نجيبها لترتيب البيت ولرعاية الاطفال


بالنسبة لي انا ناوية استقدم ان شاء الله لاني موظفه وعندي بنت والبيبي الثاني جاي

ان شاء الله في الطريق وطبعا تعب علي كل يوم بجلس الصباح وألبس طفلين واخذهم معي من

الصباح لبيت ام زوجي علشان ترعاهم لي وبعدين ام زوجي كبيرة بالسن وزين منها

شايله بنتي فصعبه حط الاثنين معها علشان كذا راح استقدم ولهذا طرحت الموضوع

غير كذا من الطبيعي جدا ان الشغالة بتكون تحت عيني لين ما أأمن عليها

بعدها راح اترك عيالي معها

لان راح تجيني بعد شهر او شهرين يعني بكون لسه حامل في الخامس او

السادس ولما اولد

راح اجلس في البيت فترة طويلة يعني بتكون تعودت علي وعلى البيت والعيال

ان شاء الله

هي صعبه علي بس الظروف تحكم

غير كذا انا كنت اجيب الشغالة الي بالشهر وادفع لها 1200 ريال بس والله

عانيت بسببهم كثير

واحس ربي ما موفقني معهم وهم طبعا الصوماليات والحبشيات صرت لما اروح

الدوام اخذها

هي وبنتي لامي زوجي وتعرفي ما ترجع عندي البيت الا وهي انكرفت صح

عند ام زوجي و

عندي ما راح تسوي لي شي تعرفي هي بني ادم روح تتعب صعبة تشتغل

في بيتين الاخيرة كانت كذا وقبلها وحده كانت كويسه معي مره وكانت صغيره

ولما تركتها عند ام زوجي تذمرت ومارضيت تشتغل معها ورجعها زوجي مكان

ما جت

صرنا ندفع للي تدلنا 300 ريال غير راتب الشغاله ونخسر الشغالة ما عمرها

جلست شهر كامل

مع العلم اني اخاف ربي معهم واعتبرهم خوات لي بس المشكلة لما يروحوا عند

ام زوجي

لذلك قررت اجيب وحده على كفالتي واخليها عندي بالبيت كذا مهما صار في

النهاية انا كفيلتها وبتعمل لي حساب

ولاني لو استقدمت وخليتها تروح عند ام زوجي

بتشتغل معها وانا بتجي عندي بتسوي نفس الي قبل ومابترضى تشتغل في

بيتين يعني ما راح استفيد شي

بعد كم اسبوع ما راح يرضيها الحال بالذات وان ام زوجي صعبه اشوي مع

الشغالات وبتقول

انها تبي ترجع بلدها طبع انا الي بتوهق وبخسر فقررت خليها معي على طول

غير كذا الي بالشهر سبحان الله يجوك متمردات واقل شي يصير قالت لك والله

انا ابي اروح مكان

ماجيت خلاص مابي اشتغل ومو عاجبها شي وربي طفشت منهم نروح لهم

مشوار انا وزوجي علشان نجيبهم

مشوار مشوار

ونعطي الي تدلنا عليها مبلغ وفي الاخير تجي تشتغل يوم يومين وتقول خلاص

اتمنى انك فهمتي موقفي الحين ومعاناتي

تحياتي

حسب الجنسيه
اذا كانت اندونسيه اكيد مسلمه
وتكون متعلمه ومن مدينه مو من قريه
واذا كانت فلبينيه يقولوا المسيحيه افضل
بس اكيد الفلبينيات مايجوا الا مربيات
احنا عندنا ارترية وماشاء الله من عمرى الحين انا صرت عجوز
خخخخخخخخخخ
شلون هي
وللحين عندنا يعنى تقدر العشره
اما الاندونسيات والفلبينيات مايتامن عليهم
مجانين وتفكيرهم على قدهم

بس اكيد افضلها مسلمه

غموض الورد حبيبتي انا سبحان الله

هذا العرق مادري ما ارتاح له وبعدين لسانهم طويل

بس دام تقولي انها عندكم من كنتي صغيرة فهذا شي حلو

عموما انا عندي قناعه ان الشغالة راح تكون نظافتها ومعاملتها على

حسب معاملة ونظافة اهل البيت نفسهم

تحياتي لك

سنديان شسكرا عيوني على مشاركتك معنا

وبيني وبين سبحان الله كل واحد وقناعاته


ودام تقولي انتي جالسة طول وقتك في بيتك ممكن ماعندك مشكلة

بس انا بعدي مقتنعه واقول المسلمة افضل ودامك بتعلميها على شغل البيت خلاص

بعدين مو كل المسلمات وسخات انا شفت كثير نظيفات عند اهلي وصاحباتي

عموما هذة وجهات نظر وانا احترمها

تحياتي

انا اركز على الثنتين ..المسلمه والمسيحيه ..

عندي خدامتين ..اندونيسيه مسلمه وفلبنيه مسيحيه ..

قبل الفلبنيه كانو الثنتين اندونسيات مسلمات وحده تمت ثلاث سنين ..الله لايرويكم وصاختها

وريحتها ..والقمل اللي براسها .. ماخليت شي ماعلمتها اياه ..عن النظافه ..وكله انزين وهي خبر خير ..
واخرتها اكتشفت انها تضرب عيالي ..وتصارخ عليهم اذا رحت مواعيد المستشفى ..

وتخرعهم من كل شي حتى الاذان تخيلو .. عيالي كانو يخافون من المؤذن ..يحسبون انه وحش

بيهجم عليهم ..والديك بعد يخافون من صوته ..والله بنتي كانت تصحى من نومها متخرعه من

صوته الفجر ..

حذرتها اكثر من مره وهددتها ..مافي منها حول ..وكلمت ام زوجي وماصدقتني ..

وهاي شي طبيعي لانها كفيلتها ..وعندها الخدامه احسن مني واصدق مني ..

يوم شفت ان مافي منهم حول قلبت البيت عليهم وكشرت عن انيابي خخخخخخخخخ

ورويتهم ان الله حق ..وطست بلا رده ..

وجبت الفلبنيه على كفالة زوجي ..ومعروفين الفلبنيات المسلمات باردات بشكل موطبيعي ..

طبعا المسيح مش كفار هم من اصحاب الكتاب .. وبالعكس اغلبهم شغلهم نضيف ..

انتي بس علميهم مره وحده وهم خلاص يستمرون على الشي .. وخصوصا النظافه

الشخصيه ..بالنسبه لي هالشي مهم وايد ..

وعيالي الحمدلله مااشتكو منها ابد ..

واهم شي عندي يكونون عيالي مرتاحين من الخدامه وانا مرتاحه من تنظيف البيت ..

عندي سؤال ..

في طريقه لتنظيف الدم من ثياب العيال غير الماي والصابون ؟؟

وغسيل السجاد بعد مو بشامبو السجاد يغسلونه والا له طريقه ثانيه ؟؟

ووبالنسبه للاكل ..انتو ماتطلبون من المطاعم ؟؟ اشدراكم اللي بالمطعم مسلم والابوذي ؟؟

وووواذا سافرتو بلد اوروبي او اي بلد غير مسلم ماراح تاكلون هناك والابتتطبخون في سفرتكم ؟

وبعدني ماخلصت للي يبي يتناقش .. ماعندي مانع .. الكلام اخذ وعطا..

مشكوره اختي على الموضوع

ههههههههههههه

الدمعة

بصراحة ردك مره حلو وفي نفس الوقت مضحك

بعدين وربي قلبي عورني على عيالك

بس سبحان الله تدري نفسيا احس بلاقي راحتي مع المسلمة

بعدين انا عاشرت الاثنين وعرفتهم زين

وعلى فكرة بالنسبة للمطاعم واذا سافرنا انا لما رحت ماليزيا

ان شفت مطعم عربي اومكتوب عليه حلال دخلت فيه

غير كذا هم نفسهم لما يشوفوا عرب راحوا عند مطعم فيه اكل حرام يقول لك نفسهم

ان المطعم مو حلال

وهذة السفره الوحيده الي سافرتها برا

اذا رحت دولة اوروبيه بقول لك ايش يصير معي خخخخخخخخ


تحياتي

أختي موضوعك حلو

انا اعتقد ان الديانه مو شي أساسي عند الخدم لأن بصراحه في منهم مسلمات بس يسوون سحر و اشياء و في منهم مسيحيين و يأثروا على الأولاد

اذا كان و لابد انك تجيبي شغاله فقد ما تقدري حجميها و خليها بس لشغل البيت و من الأول عوديها على النظافه و الأحترام

الله المستعان عليهم

ريم

تسلمي حبيبتي على الرد

بس لاني حسيته مهم بالنسبة لي حبيت اطرحه واشوف راي البنات

هل من رايي او يعاكسوني الراي

عموما جزاك الله الف خير على هالمرور