اكثر عن 100 عضوه جربت المجموعه ..والنتيجه الكل اعجب بها .اتفضلوا

أم خلافي;3697671:

بالنسبه للتوصيل لخارج الامارات
بيكون عن طريق البريد الممتاز والدفع عن طريق الحواله للانصاري للصرافه واقل طلب بحدود 350 درهم
او اذا عندكم احد جاي الامارات ممكن نوصله الطلبيه وحياكم الله

nsayem37173;9162665:
ما شاء الله الحجرالاسود أنا جربته وكااااااااان جد رووووووعة وعيب أمييييه وااااااايد

ام حامد;8658606:
السلام عليكم أختي أم خليفة بصراحة كلمة حق ولابد أني اقولها أنا دائم لما أسمع عن شي حلو وأسمع أكثر من وحدة تمدحه احب أجرب وهذا الشي مايضايقني ولاأنه ينقص مني إذا خذت من عند اي وحدة من خواتي التاجرات بما أني أنا بنفسي أتاجر وفي نفس المجال بس الحق حق عطر الحجر الأسود رووووووووووووووووووووووووووعة انا بروحي طلبت منه وعجبني وتراني مب إني أسوي دعاية أم خليفة غنيه عن التعريف بس حلو ان التاجرات يجربن شغل بعض ويأخذ فكرة وإذا شي عجبهن من شغل غيرهن مب عيب يقولن رأيهن بصراحة هذا الشي ماينقص منهن وأتمنى لج التوفيق أختي والعافية

%سجايا%;10823410:
مساء الخير
توتة
على فكرة كل ما ادخل القرية الاماراتية اسير صوب محلج
ما ادري ليش خخخخخخ
بس كل مرة اخذ مخلط الحجر الاسود ويوم ارد البيت يخذون عني
يتخبلون عليها
خذت كمية والي يقول حلو اعطيه
وتسلم ايدج حبيبي
وربي يدوم عليج الخير

فطمطم;10885478:
السلام عليكم ورحمة الله وبركاته

بما ان القريه قربت اتسكر ابوابها
قررت اسير مره ثانيه لان الايام الاخيره اتكون واااايد زحمه

افضل وقت الساعه 5 انا سرت عقب صلاة المغرب بس الزحمه استوت على الساعه 8 تقريبا
الي بتسير تتشرى اليهال اتيلسهم في البيت احسن لهم ولكم

وحطيت لكم صور مشترياتي واحب ان يكون فيه تفاعل في الموضوع وكل وحده خذت شي حلو وعلى القيمه اتحط صورته هنيه او اتخبرنا من اي مكان عشان نلحق ناخذه قبل ايام الزحمه

بحط لكم مشترياتي

نبدا بالقريه الاماراتيه محل ريانة العود للتجاره امخزنه الاسم في موبايلي عشان ما انسى
وهي اخر قريه سرت لها لانها عند بوابه 3 ومتعنيه للاخت ام خليفه (توته الحلوه)
وخذت عنها مخلطات رووعه انا زبونه دايمه عندها بس اطلب من خلال المنتدى وسرت لها عشان اكتشف اشياء يديده وبالفعل ما ندمت اني سرت لمحلها لانه يستاهل العنوه بس ما صورته للاسف مب شاله كاميرتي ويايه ولا كان ودي افاجا توته الحلوه

كنت ابغي اخذ الدخون الملكي والعود المعطر الملكي وللاسف كان مخلص ما شي عندها لاني سرت الاماراتيه متاخره

بس خذت دخون ام الشيوخ ودخون فزاع وايد عيبتني ريحة ام الشيوخ هاديه وتثبت

وخذت مخلط عليا ومخلط الحجرالاسود عاد هذا ما استغنى عنه لانه حلو ومركز

وخذت ميره وسيوف ريحتهم بارده وسعرهم حلو ميره 60
وسيوف 50 عطتني اياه بارده

وعرب زايد اول مره اروحه وظهر خبااااااااااال من الخاطر 120
والمخلط الخاص والسحريه لاختي لانها فديتها موصتني عليهم ان سرت عند ام خليفه اخذ لها مخلطاتها المفضله وكانت تبغي الدخون الملكي وما حصلته:confused:
والمخمريه مال الشعر رهيبه وعطر الفراش ب 70 وكريم الجسم ب 40 حلو لليد حق الشنطه

يعني ما خليت شي في خاطري وبصراحه ما قدرت اقااوم قلت دام اني هنيه باخذ احسن على ذوقي

وخذت هالشنطتين وحده لي ووحده لاميه فديتها ب 150 الحبتين من عند ام خليفه بعد
وحطيت اغراضي الي شريتهن من ريانة العود خذت فيها وانا امشي سايره صوب السياره وقفني حريم قالن لي من وين هاي الشنطه مال الدلال قلت لها في محل ريانة العود وكان الوقت متاخر قلت لها اكيد سكروا الحين وحليلها الحرمه اتقول انا من العين كيف ارد اخذها ودخلت خاطريه قلت لها خذيها فديتج عاد ذكرتني بيدوه الله يرحمها واتلومت اني ما عطيتها رقم ام خليفه تتصل بها على الاقل وبطرش لها اكيد



مالت اميه يديده بكيسها

وما قصرت البنت الي تشتغل وجزاج الله خير يا ام خليفه من قلت لها اني من المنتدى سوت لي خصم


ودعواتكم لي ان الله ايسر لي اموووري

مشاعر;14110672:
ماشااااااااااء الله تبااارك الله ..

أنا مو أول مرة أتعااامل مع الإخت الفاضلة ( أم خليفة) ..
ربي يشهد إنها قمة الأخلااااق والذووووووووووووووووووووووووق ..
ويشرررفني أتعاااامل معاااج على طوووول ..

أنا قبل فترة خذت عطرين بلاك لذر وغرشتين الدخون الملكي ..

لكن ربي يشهد علي إنه العطر روووووووووووووووعة بمعنى الكلمة ..
والله العظيم وبدون مبالغة إني رشيت منه رشتين على شرشف الصلااااة وتمت فيه الريحة إسبوع كامل ..
أما العطر الثاني خذاااه زوج إختي وكل شوي يسألونه ربعه عن العطر من وين ؟

والدخوووووون شي خيااااااااااااااااااااااالي عسى ربي يرزززقج من أوووسع أبوااابه ..

عسى عمرررج طووويل يا أم خليفة وعسى ربي يحفظ لج غاااليج ويحقق أماانيج ..

! رائعة !;14818552:
السلام عليكم

شحالج أم خليفة ؟؟

انا من زمان خذت من عندج مجموعة كبيرة من الدخون
والعود والمخلطات .... يمكن من 5 سنين ...

وألين اليوم دهن الحجر الأسود عندي وأستخدمه
والكل متخبل عليه ويسألني عنه ..

والله دوم في بالي وزين اني شفتج هنيه

بغيت اسلم عليج بس ..

الله يوفقج يا الغالية

متهور بس مزيون;3504091:
اي شي تسوينه انتي يا أم خليفه انا اشهد انه مرتب

موفق بإذن الله ... لك مني أجمل تحية .

ثرى الإمارات;10518886:
صراحة أم خلافي ذووق وشغلها حلو ومرتب
أنا أتعامل معاها الحين أكثر من 7 سنوات
ودايما أطلب العود المعطر والدخون الملكي

يزاها الله خير ويوفقها ويبارك إلها ف عيالها يا رب

om obaid;10537153:
مجموعة ريانة العود غنيه عن التعريف
ماشاء الله روووووووووووووووووووووووووعه

x Gucci x;3713694:
السلا عليكم ورحمة الله وبركاته

صباح الخير لأم خليفه وصبحكم الله بالخير يا زباين أم خليفه

فالبدايه أحب أشكر أم خليفه شكر خاص جدا

الموضوع وما فيه قريت هالإعلان وشفت مدح الناس للعطر ما شاء الله

وضربني فضول إلا أجربه ... طرشت مسج بالكميه اللي طلبتها بس كنت اباها

توصل بسرعه لانه كان عندي اجتماع فالشركه و معزوم على عرس اب نفس اليوم

المهم وصلت الطلبيه وصلها المندوب في بوظبي وانا فالشارع ساير صوب البيت متحرقص

إلا اشم العطر وأبطل الكرتون وأرش ........... والله يا جماعه فر مخي ... كسرت اول باركن يمين

اتنشقه ... ما شاء الله روووووووعه وفالاجتماع اتعطرت منه ودخلت ... عدالي ريال يسألني ياخي

شو هالعطر الطررر هههههه .. واخيرا واحد من الربع فالميلس شمها ودش خاطره قالي إلا آخذه عنك

بس انا ذكي خذت غرشتين لأنه كنت متأكد انه حد بياخذ لووول

عالعموم شكرا يا ام خليفه على هالعطر واتمنى اللي اف خاطره عطر حلوو يجرب عطر البلاك لذر وما بيندم

سبحااان الله;17648549:

انا جربتها والحق يقال شئ تعقيد ريحتها بتجنن وإن شاء الله إلي زياره للقرية العالميه ورح اخذ علبه ثانية ..موفقه اختي وإلى الأمام

angel2008;17712075:
الغاليه توته الحلوه (أم خليفه)

طبعا انا كنت ماخذه منج الدخون الملكي (الاكثر من روووعه )
وزرت محلج في القريه وخذت لي دخون جميراااااااااااا والله ريحته تجنن ماشالله
كله عطرررر
صورت بس المشكله ماعرف انزل صور من البلاك بيري

مووووفقه الغاليه بس عندي ملااحظه بسيطه
هالمره المحل مايبين وايد دورته وايد لين حصلته

أبو غاية;3803299:
عندي هالعطر ماشاء الله مركز غرشة كبيرة بس رشة وحدة تكفي الاهل مستانسين عليه

الاخت ام خليفة خدمتها مميزة و عطورها مميزة ربي يوفقها ما شاء الله تبارك الله في تجارتها

بس الله يهديج ام خليفة لا تذكرين كم غرشة بعتي لا يصكونج بعين

ربي يوفقج