ما رأي الرجل في المرأه التي لاتدخل المطبخ؟

والله تختلف من رجل للثاني
بس اكيد معظمهم يحب ياكل من يد زوجته

اكيد اللي بتطبخ لزوجها بيحس انها مهتمه فيه
واذا لم تطبخ ماراح تفرق بين حياته الزوجيه والا العزوبيه

نصيحة للي ما اتعرف تطبخ تتعلم الطبخ

لأنه هي مو بس بتطبخ لزوجها

اهي راح اتأكل عيالها بعد

فكم وكم بنعتمد على المطاعم وعلى الشغالات !!!!!

في رأيي ابحثي في المواقع ذات العلاقة بالطبخ بالصور وبالفيديو
وكذلك لدينا [grade="FF4500 4B0082 0000FF 000000 F4A460"]منتدى المطبخ والمائدة[/grade]
:up: :up:

ياربــــــــــــي اشكثر اعانـــــــــــــــــي وزوجي يعانــــــــــــــي

موضووووووووع مررره حلو لنا الي ماتطبخ

انا ساكنه عند اهل زوجي

والمشكله خالتي تمووووت في شي اسمه مطبخ تحبه موووووت ومن هواياتها الطبخ والغسيل ووو

قولو ماشاء الله وصلو على النبي اللهم صلي وسلم عليه

<<<<<تخاف تحسدونها وينكب الشغل كلو عليها

ونا مشكلتي انا والمطبخ في زحمه وخصام وعراك بالمررره ما احب اطبخ

واتكسل بقومه الصباح ومشكلتي احب النووم والله حاله

مسكين زوجي دايمن يبغاني اطبخله بس انا اتعيجز واوقات فين وفين اطبخلو

بس الحلى اسويه والمعجنات بس برضو فين وفين

يالله والله مشكله

الحين قلتلو اش رايك
يكون لي يومين بالاسبوع اطبخ فيلو

عشان التزم واتشجع وان شاء الله ببدا فيه قريب

<<<<<هادا وجهي ادا بديت فيه بعد كم سنه

ومشكلتي في البدايه اتشجع واسوي وكلو وبعده بيومين اتكسل وخلاااص

بس يارب يارب يارب اتشجع وتكتمل همتي واسعد زوجي بطباخي الله يسعده

اشكرك على هذا الطرح

خلاصة الكلام

اي بنت راح تدخل حياة زوجية جديدة
المفروض انها وبالتعاون مع اهلها

تكون متهيئا نفسيا ومعنويا

وجاهزة لإدارة بيت وعائله

والطبخ مش معجزة بالعكس
الطبخ متعه

اما من تنشد الزواج لغاية أخرى الله يكون بعونها

ما اعرف اطبخ
وحاليا ماعندي نية اتعلم
وزوجي مرتاح جذيه..(امه مو مقصرة لا معاي ولا معاه),,الله يحفظها ويطول بعمرها..

انا بنات تزوجت وقعدت في بيت اهل زوجي وكنت ما اعرف اي شي في بيت اهلي وكنت دلوعتهم وما تعلمت الطبخ ولكن بعد ما تزوجت اهل زوجي اشرطو علي اطبخ وبالفعل وقفت بالمطبخ وكنت اسوي اكل ينوكل يعني عادي بس الحين انا فنانه وزوجي ممللني كثر ما يحب الكل فديته وكان عندي والله 5 يقومون بخدمتي والحين انا معتمده علي نفسي مليون بالميه

السلام عليكم
هذه مشاركتي الاولى في المنتدى ارجو قبولها
رأي زوجي في المراة التي لا تطبخ هي ليست مراة هذا قوله
بس والله متعبني زوجي كل يوم لازم اطبخ وإذا ما طبخت في يوم اعرف انه يوم مشاكل يزعل ويصارخ عشان ما طبخت وانا خلاص اتأقلمت مع طبعه وصرت كل يوم اطبخ صحيح انه في بيت اهلي لازم كل يوم طيبخ بس لو مرة من المرات ما طبخت مامتي عادي ما يزعل ابوي الله يعطيه العافيه والصحه
ورأي انو ممكن المراة ما تطبخ كل يوم بس لازم اقل شي تلاته مرات بالاسبوع بس والله مافي احلى من طبخ البيت اكيد توافقوني الرأي صح ؟
بس مو كل الرجال واحد والله اعرف ام واحد قريبتي تصير يقولها ولدها انا ما ابي اسوي مطبخ في بيتي لاني ما ابي من اكل البيت ليش اخلي زوجتي تطبخ وتتعب نفسها والبلد متروسه مطاعم ومطابخ احسن من اكل البيت بس كل واحد ووجهة نظره:B_wink:

عروسة البحرين:
بالنسبة لتجربتي زوجي من ايام الخطوبة قال لي انا احب المراة اللي تطبخ وانا عموما احب الطبخ من قبل ..... بس الاحظ انه في بعض الزوجات حتى كوب شاي ما يسوون لازواجهم خصوصا انه هالشي منتشر هالفترة.... حتى زوجي يقول لي انه وياه ناس في الشغل يموتون وياكلون اي شي من زوجاتهم اما بسبب انها تشتغل او ما تعرف ......ومستغربة انا من هالشي يعني اذا كان زوجش يسوي اي شي يرضيش فانتي بعد ارضيه .......

امس وحدة وياي في الجامعة تقول اول مرة اتسوي عشا مع انها قلت بس ناجتس وسلطة بس تقول انه زوجها كان فرحان مع انه شي بسيط....

في بعض الاحيان اذا اكون تعبانة او عندي امتحان او نبغي نغير ناخد اكل جاهز بس انا وزوجي نحس ماله طعم ومو حلاوة اكل البيت.

واخيرا عن تجربة فعلا انه اقرب طريق لقلب الرجل معدته ((مو دائما بس غالبا)) والدليل اذا كنت زعلانة منه اطرش له مسج اقول له خسرت عمرك الطبخة الفلانية (شي يحبه) على طول يجي يراضيني..... حتى ساعات يحرجني صوب بيتهم اذا مثلا عطوه مكرونة يقول لخواته انا معاهد نفسي ما اكل غير مكرونة زوجتي لانه ما في احد يسويها مثلها ( عاد شوفوني انا يصير وجهي احمررررررررر من الاحراج والوناسة طبعا )

مو كاني طولت ما تسوى عليكم ...... الموضوع حلو كويتية كوووول و كول مثلش

عجبني ردش

و على فكرة أولادش قد أولادي و نفس الأسماء الله يحفظهم يارب

صمت الامل:
ما اعرف اطبخ
وحاليا ماعندي نية اتعلم
وزوجي مرتاح جذيه..(امه مو مقصرة لا معاي ولا معاه),,الله يحفظها ويطول بعمرها..

مثلي أنا للحين ما أطبخ الغذا فقط لكن العشا أسويه و أحيانا جاهز

ما تعلمت الطبخ لأنه والدة زوجي هي القائمه على الطبخ و ما تآآآمرني بالمرة و أحيانا أنا أطلب منها بأن أطبخ بس تعترض و تقول روحي الى أطفالش :sad:

في المرات الجايه أن شاء الله أدخل يدي في الطباخ لأنه أحس المراة ما تتكون شخصيتها الأ بالطبخ

انا بصراحة مأأيد الزوجة الي ماتعرف تطبخ!!!!!!!!!!!!!!!!!

انا اعارض الماة التي لا تدخل المطبخ لان المطبخ واجب الزوجة

ياهلا حبيبتي

بالنسبه الي زوجي املكه بصحن اسويه
واني ماقصر وياه احير شأسويله

كل يوم شي حلو ومرتب
ويفتح النفس

ومايحب اكل برى خير شر
طول وقته يقول احب الاكل من ايديج

وحتى هو يحب احيان يطبخ لو كان عنده مجال

وهذا نادرا

..