فيني احباط.....خايفة أكون حامل....

مشكورات خواتي على مروركم....زين زين يعني كم وحدة استوالها نفس اللي استوالي وآخر شي نزلت الدورة...خلاااااااااص عيل...بطنشها وبصبر...ترا آخر شي بيكون واحد من اثنين...يا حمل أو دورة..والخيره فيما اختاره الله :)

ها فلونه..شو الاخبار؟؟؟

انا ميته هاليومين...مفروض الدوره تيني اول امس الجمعه بس لين الحين ما شرفت...وانا مرعوووبه...حاسه بهبوط وتعب...االله يسوي اللي فيه الخير :(

الله يصلحكم توك والدين وتتركون انفسكم بدون مانع يقول المثل لاتنام بالقبور ولاتشوف منامات وحشه
حرام عيالكم صغااار والدين يقول سنتين ماتتركون نفسكم كذا والله بتتعب نفسيتكم كل شهر

السلام عليكم أخواتي
الظاهر هذي المشكلة تواجه معظم الأمهات الحديثات
انا أيضا قلت أجرب جماع في أيام قبل الدورة ولوبدون قذف لكن بعدين هونت من الخوف من الحمل وطلبت من زوجي المداعبة الخارجية فقط مع إني أحسه ماارتاح من هالطريقة وألاحظ أن الأخوات ما جربوا موانع ياترى شنو السبب وأم ليونة شنو الموانع اللي تنصحين فيها لأن المشكلة مؤرقة لأخوات كثيرات والخوف يتكرر كل شهر

فلووووووووووووونة وانجل ايس ..... ها بشروا نقوووووووووووول مبروووووووووووك

شكلكم يقول ..... اممممممممم يا الله نتريا الاخبار الحلوة ..... بس اصدقوووون عادي يصير حتى قبل الدورة ب 5 ايام فما بالج ب 10 اياااااااااااااام !!!!! هذا والله اعلم

وعقباااااااااااال اللي يتمنى *__* .....


رووووووووووووز

مايندرا انا بعد متاخررررررررره

والله انكم اتخوفون
معقوله يصير حمل في غير ايام التبويض
والله كلامكم خوفني
مع اني استعمل العد والعازل
بس ماكنت ادري ان يحصل حمل في غير ايام التبويض
انا بنتي عمرها 8 شهور بس وخايفه من الحمل مره ثانيه واجد
ولهذا كل شهر لازم اخسر فلوس واشتري تحليل منزلي ويطلع مافي حمل بس الخوف ومايسوي
صايره كل عايشه في رعب ابغى لما تكمل بنتي 5 سنين بس إذا مره مره يعني على الاقل 3 سنوات اقل من كذا مااقدر بنتي صغيرونه

بس اطمنكم انا مره تأخرت الدوره عي 8 ايام ومت من الرعب بس كل مااسوي تحليل يطلع مافي حمل واطمن وانتظر ولا تشرف وارجع اسوي غيره ونفس الشيء ويطلع مافي حمل وفي الاخير شرفت وارتاح بالي

فمو ضروري انكم تكونون حمل
والله يساعدكم احس فيكم لاني كل شهر اعيش المأساة


أختكم
أم جود