كيف تنظفين اسنان رضيعك؟؟

أختى أنا بعد من عمر عبودي تسع شهور شريت له معجون وفرشاة،، بس الصراحة أستغنيت عن المعجون لأن الولد مو عارف له وخفت يبلعه،، وأكتفيت بالفرشاة فترة طويلة أنظف بس أسنانه الصغار... والصراحة هلكني لحد ماتعلم يمسك الفرشاة بروحه ويعرف يطلع المعجون..

أنت الحين أشتري الفرشاة اللي تتركب على صبعج ونظفي الضرين بالليل بس وعقبال باقي الضروس...

انا كنت اعرف انه معجون الاطفال مصنوع من مواد مش خطر انه يبلعها بالعكس بيكون مفيدة له

انا كنت انظف ضروس سعودي بالفرشاه بس بدون معجون..ومن كمل سنه ونص تقريبا بديت احط له المعجون وقام يبلعه ولما سألت دكتورة الاسنان قالت لي عادي نظفيهم بعد كل وجبه بالفرشاه بس لين يتعود انه يستخدم المعجون من غير ما يبلعه..

شكراخواتي عالمرور و الرد ...

بجوف الحبيب اليوم اذا خلاني انظفهم له
المشكله انه اخر رضعه بالليل ينام وهو يرضعها..فكيف انظفله اسنانه...بيقوم و بيسويلي حفله :(

شريت لعزوز فرشاه ومعجون فراوله الو دنت ممكن بلعه كان يشوفني اغسل اسناني ويستغرب بس لما جا وقته هو صاااااااااح وسواني حفله

والله انا متضايقه مررره
ولدي ماكمل السنتين الا واسنانه فيها السوس
اخدت له فرشاة ومعجون قبل لايكمل السنتين بالبدابه انبسط فيهم وصار يستخدمهم بعدين صار لا مايرضى الحين لما شفت السوس قمت استخدم له الفرشاه والمعجون احيانا بالطيب واحيانا لا بس ضروري علشان لايزيد تسوس اسنانه مو ناقص من الصغر يروح طبيب اسنان

ام عزوز
شكرا الغلا بس متأكده ممكن ينبلع؟؟


foo6a

ابيييه يا حليل ولدج.ترا هذا اللي انا خايفه منه ....كله ولا السوس حرام بعدهم صغار

انا شريت الفرشاة بس ما لقيت معجون اسنان مناسب الحلو بالموضوع ان ولدي اسم الله عليه يحب يحك اسنانه و لثته بالفرشاة

السلام وعليكم

اختي انجا ايز و الاخت لولو جربي هذا المعجون الاسنان ووايد مناسب لعمر البيبي من عمر5 شهور الا سنتين وعادي اذا انبلع مايسبب اي خطوره لانه اساسآ للرضيع




تنظيف اسنان الرضيع مرتين في اليوم في الصباح وقبل النوم

اذكر شريت لبنتي فرشاه اسنان صغيره......طرفها فرشاه عاديه و من الجهه الثانيه عضاضه ..مثل الي يستخدمونها للطفال يوم تطلع اسنانها ... و كنت اعطيها في يدها تيلس تلعب فيها و تنظف اسنانها ... و شوي شوي كنت اخليها تشوفني و انا انظف اسناني و تعلمت الحركه الصح يوم كان عمرها سنه ....

اما المعجون الحينه بس قمت استعمله يوم صار عمرها سنتين ....لكن بعد بكميه قليله وااااايد و مره بالمعجون و مره لا ...لاني بعدها ما تعرف تطلع الماي ..مرات تشربه و مرات تطلعه

لولو.

الله يخليلج ولودج :)

نايت لوفر

الف شكر حبيبتي..انا ماخذتله معجون من صفر لسنتين بس ماركه ثانيه..اتوقع بعد عادي ينبلع لانه للرضع بس مب مكتوب عليه شي

مرمر

شكرا عالمرور حبيبتي