اختي تبي تفاصيل الولادة في مستشفى الاهلي؟

مااعرف اتمنى اللي يعرفون يفيدونج

انا بعد ودي اعرف

هل الولادة عندهم زينه ؟ يعني من ناحية النظافة والتعقيم والاهتمام بالمولود والام

الاهلي

امممممممم

فديتج انا ربيت بالاهلي
الحمد لله كل شئ تمااااااااااااااام

للمعلوميه انا ربيت قيصري وبطلب مني

اولا عندج دكتوره رزفي وايد وايد ممتازه
ومعروفه ان خياطتها وايد حلوه ونظيفه

ربيعي اللى ربوا طبيعي عندها سوت لهم خياطه الكل يمدحها

الشئ الثاني

الفرق بين الولاده والاهلي


مافي فرق

الفرق في ان ماافي الزحمه واهتماام والعنايه زايده
طبعا لانج بتدفعيييييييين لازم يدلعونج

وانا حاليا حامل

وباذن الله بربي عند رزفي ومن غير تردد


اما عن الياهل والله اختي انا كنت بايته عندهم 5 اياااااااام
الله يشهد مايخلون ولدي عندي 24 ساعه عندهم

انا اجيبه عندي ومن انام او اتعب اضرب جرس ياخذونه
وكانت غرفه اللى فيها ولدي جمب غرفتي وهذا اللى خلاني مرتاحه
من يصيح اروحله او اخليهم يجيبونه

وايد وايد اهتموا فيه


هذ تجربتي يااختي ونصيحتي لاختج

تستخير

وكم تكاليف الولاده في الاهلي

غالي ياعمري

على حسب الغرف

في غرفه لحالها ( بحمام ) وانتم بكرامه

في غرفه بالصاله بحماميين وانتم بكرامه

وجناح غرفه بصالتييييييين ومطبخ وحماماتهم

سعر الغرفه مااعرف

انا ربيت في غرفه بالصاله ( اطلعت علي بالعمليه القيصريه + الختان +فحوصات الياهل )
19 الف ريال

اما الطبيعي بنفس الغرفه تطلع 10 الف ريال بالفحوصات والعنايه والختان وفحوصات الياهل )

طبعا بعد ماتربين

لج موعد مع رزفي +دكتور اطفال + جراح اللى سوى الختان + دكتوره اللى بتاكد من الخياطه انها اوكيه

كلها هذي المواعيد مجانيه من غير ماتدفعيين بعد الولاده

خواتي هذي الاسعار قبل 11 شهر انا ماادري عن الحالي

يمكن نزلوا الاسعار او ارفعوها مااادري

يريت اللى تنوي تربي بالاهلي تشوف غرفهم وبعدين تستفسر من الاستقبال
اسعارهم

انا عندي رقمهم اذا تبون ارسلولي على الخاص

والله يا اختي انا رح اقول رايي بصراحة وما احد يزعل لانها في الاخير حرية راي انا عمري ما ربيت عندهم دائما في الولادة واعتز بمستشفى الولادة وبصراحة اعتبر الاهلي تجا ريين وكل اللي اعرفهم ربواا قيصري حتى وحدة كان كل شىء عندها طبيعي والبنت لحين بكرية تعرفون شوي دلع وقالت ما اقدر ادفع الياهل وفي الاخير قيصري اضافة على ذالك ما عندهم المعدات الخاصة بالمولود يعني لسمح الله صار شيء ينقلونه لحمد وووووو المهم بالنسبة للغرف واللي يبي الكشخة مستشفى حمد ارقى من غرفه الخاصة مليون مرة اما عن العناية فما يقصروون النرسات داشين طالعين ليل نهار وانا اشوف حمد مضمون اكثر من الاهلي ولكم حرية الاختيار.

اول شي تسلمون على مروووركم حبايبي

ماقصرتواا كلمكم
kasolina

هذا رايج

وبنضري فية شي من الصحه

امهاتنا اول مايعرفون غير مستشفى حمد

وهذا احنا
بخيير وصحة

بس هذا مايمنع الواحد يتطور ويتغير

انا جربت الاثنين والفرق شاااااسع

مستشفى حمد حسيت انه مثل المقبره .. ذبحوني ميه مره ، ومعاملتهم مب زينه معاي والممرضات يصرخون ( ملائكه العذاب) وكنت باولد طبيعي بس هم اخروني وايد لين انفصلت المشيمه وسوو لي قيصريه .. وومنوع احد يدخل معاج لا ام ولازوج ولاغيرهم ، يتوحدون فينا ويصرخون علينا ..


مستشفى الاهلي ، رحمه من رب العالمين انزلها علينا والله وريحنا من المعاناه في مستشفى حمدودكتوه زينات رزفي وااايد ممتازه كانت عميده الاطباء في حمد .. وانا اولد فوق راسي 7 ممرضات اللي تمسك راسي واللي تمسك يدي واللي تقرى علي واللي تشربني ماي هاي غير امي وزوجي داش وطالع وفي غرفه حلوه وتشرح النفس .. طبعا الولاده كانت طبيعي ولله الحمد ..

ولدي بعد طول الوقت هم يعتنون فيه وغرفته جنب غرفتي وفحوصاتهم ممتازه بالاضافه لتطهير المولود ..

التكلفه كانت 12 الف ريال وانا خذت غرفه بصاله بحمامين .. كان تاريخ 21/4/2006

جزاكم لله خير عالموضوع انا ربيت في الولاده 3 مرات وكل ولادة بمشكلة لكن هالمره الرابعه الحمدلله استخرت وناوية اربي في الاهلي ان شاءالله ومتابعتي كلها عند دكتورة زينات رزفي لحد الحين ماتقصر معاي
ادعوي لي الله يهون علي ولادتي 5/7/2007

جزاكم لله خير عالموضوع انا ربيت في الولاده 3 مرات وكل ولادة بمشكلة لكن هالمره الرابعه الحمدلله استخرت وناوية اربي في الاهلي ان شاءالله ومتابعتي كلها عند دكتورة زينات رزفي
ادعوي لي الله يهون علي ولادتي 5/7/2007

انا سويت عمليه عندهم بس بصراحه خدمة ولا أرووووووووووووع

وأسعارهم شوي غاليه مب وايد اذا ولاده طبيعيه تبتدي من 6 آلاف طبعا غرفة جمعيه إلى 12 ألف

وعلى حسب بعد اذا البيبي يطلع بروحه او بالشفط أو بالقيصريه أغلى شي بالقيصريه 20 ألف

والله يسهل عليها ولادتها

صرااااااااااااااااااااااااااااحه ارقي مستشفي بقطر..


وحتى يطمنووونج على التحاليل بالتلفووون..



ويفحصون من قلب..


وصراحه ادفع فلوس واشتري راحتي

انا بإذن الله مفكره أولد هناك لأن خدمتهم تريح القلب وصج اشتري راحتي

للرفع

ربي يهون عليكم جميعا

انا بصراحة ناويه اربي بالأهلي وموعدي الاسبوع الجاي للولادة .....

وان شاء الله ربي يسهلها ونولد ع خير ؟؟؟؟؟

وبالنسبه للاسعار في غرفه الضيافه + الغرفه الملكية

تبدأ من 10 الآف ريال بس زوجي يشوف الملكية ارقى واوسع وفيها مطبخ احط اغراضي وبعد صالتين وكرمكم الله حمامين ...

هذا السعر غير شامل فحوصات البيبي وسعر الشفاطة والختان وفحص السمع ..


وان شاء الله نشتري راحتنا واما مستشفى حمد خذت منهم موووووووووقف ماقدر أنساه ..... بأول بيبي وانا بكريه !!


أختي توكلي ع الله ومثل ماقالت اختي شهد استخيري !!

تبغون الصراحة اذا ربي كاتب حق الوحدة ولادة سهله بيكتبها حتى لو تولد في قصر.. بس مايمنع انة الواحد يشترى راحتة

وعن تجربتي انا اراجع في الاهلي عند رزفي احسها

ممتازة بس ماتعطي وجة كل فحصها سريع سريع وماسوت لي فحص عن السكر الا لما انا طلبت وبخصوص الولادة انا سمعت وعن تجربة اكثر من وحدة انة رزفي ممتازة بس تحول الحاله قيصري عشان تستفيد وتفيد المستشفى انا اشوف حرام .. ]

اختى خلي اختج تستخير وتروح وتشوف الاهلي ومستشفى حمد وهي بنفسها تقارن بينهم لنها اذا بتسمع اكثر من راي مارح تستغر على راي واحد وربي يسهل على اختج

upppppppppppppppppppppppppp

كل بنات خالتي والدين هناك واخرهم خالتي وبقيصريه ومرتاحين الحمدلله .. انا كنت احن عليها ابي قيصري هي اللي معيه تقول لالا .. والله العظيم والحين حالتي يمكن يولودون قيصري عشان الياهل .. سبحان الله وهي اصلا دكتورتي مولدتني بكل عيالي بحمد .. صج ممتازه