بس حبيت اذكر اللي بتنسى:)

[SIZE=5]مرااااااااااااااااحب :D[/SIZE][SIZE=1][COLOR=skyblue][FONT=Verdana][SIZE=4]اشحالكم يا خواتي ؟ عساكم بخير كلكم بدون استثناء

سواء زوار المنتدى او المشاركين فيه :)


بصراحة انا حبيت اشارك معاكم في هالموضوع اللي مريت فيه ومجربتنه.

من جريب (انا معرسة من 3شهور) . الموضوع هو تجهيز العروس والاشياء

اللي لازم تسويها عشان ما تنسى شي من اغراضها (u) وشو هي

الاغراض اللي ما تتطري على بالها او ما تفكر فيها وهي مهمة وااااااايد

خلنا نبدا وحدة وحدة عشان ما ننسى شي :D

بنتكلم اولا عن الثياب هذا اهم شي في جهاز العروس ......

عزيزتي .... بالنسبة للثياب لازم العروس تجهز نفسها بالكامل من ( بدل و

خوار و ملابس للبيت وملابس للسهرة والاهم من هذا كله قمصان النوم :o

والعبايات والشيل )....

الغالية... البدل الحين في كل مكان في السناتر والمولات ، اخذي اللي

على ذوقك واللي تشوفينه يناسبك بس .........لا تكررين الالوان

والموديلات وعشان تظمنين هالشي اخذي من اكثر من مكان يعني نوعي

في المحلات مثل (زارا ـ مانجو ـ إتام ـ كان كان ـ الجعيدي ـ دبنهامز ـ

برومود ............الخ ) بصراحة في وايد محلات بس هذي اللي يت على

بالي الحين.:) ونوعي في الموديلات يعني خذي قمصان واسعة (شيفون)

او قمصان مخصرة او طويلة مع بناطلين (عالموضة:D ) او bady مع تنورة

فرنسية (كلوش) ......... ونوعي بعد في التنانير اخذي السادة اللي تناسب

اي شي (للاحتياط) والضيقات والشيفون الطبقات والاسبانيات (طايحين

فيها البنات من الخاطر:D ) ... والحين دارج سوق التنانير (الشامواه) والجلد

وغيرها وغيرها من الموديلات اللي تارسة المحلات (اختار ولا تحتار ما يردك

الا جيبك:D ) ...

هذا حق اليوم والباقي بنخليه للمرات الياية (تعبت من الكتابة :) )

الموضوع شيق وما ينمل وبحره واسع واتمنى تشاركوني وتساعدوني اذا

نسيت شي انتظر مشاركاتكم...........



اتريووووووني في المرةاليااااااااااااااااية ا



[FONT=Courier New]
ختكم المحبة :

زهووووووووورة الحلوة .[/COLOR][/SIZE][/FONT][/SIZE][/FONT]