اختي المتزوجة .. نصيحة من اخت قلبها يدمي .. لاتدخلي زوجك المنتدى

Ghrooobh:
:(

تألمت واايد من قصتج اختي

والله اني بعد ما خلصت القرائه ،، دعييت لج ولزوجج انه يرجعه لج ويهديه لج يا ربي

والله يبعد عنج كل عيين حاسده

وربي يفرجها علييج ويصبرج يا الغاليه ،، ما عندي غير الدعاء والله

فديتج حبيبتي .. ماقصرتي .. والله يعطيج على قد مشاعرج الطيبة

احس ان قلبي يذوب من داخل ... وكل مااتذكر اللي قاله .. احس جسمي يرجف واعصابي ترجف من داخل

الله يستر .. اخاف يصيدني انهيار عصبي

الليدي غزلان:
الله يكون بعونك الشي الي صار لك صار لي لكن الفرق بيننا اني كنت اتكلم عنه امام كل من اعرف والي مااعرف وهذا لصفاء قلوبنا تحسبي رب العالمين ماخاب من ارتجاه سبحانه وتعالى والله يهدي لك زوجك اااااااامين

حسبنا الله ونعم الوكيل ..


انا لله وانا اليه راجعون

اللهم اجرني في مصيبتي واخلف لي خيرا منها


تسلمين اختي .. والله يبعد عنج العين والحسد

ام حنانة:
[grade="00008B FF6347 008000 4B0082"]السلام عليكم
اختي نواعس العسلية لاتحزنين ان شاء الله ربي يرجع المياه لمجاريها
وترجع العلاقة ان شاء الله احسن من الاول
حاولي تتفهمي معاه بالتي هي احسن
والحسد موجود والله يكينا شرووو
حبيبتي الطريقة لي وصفتي بها حياتك الزوجية السعيدة
(والتي من كل قلبي اتمنى ان ترجع احسن احسن مما كانت عليه )
تخلي اي وحدة بقصد او بدون قصد
تتمنى مثل هدا الحياة
وهدا مبرر قوي يؤدي الى الحسد
اصبري هده سحابة وستدهب الى حالها وان شاء الله
ترجع حياتك احسن مما كانت عليه
واي شيئ وقع لينا في حياتنا ناخدو منه درس يعلمولنا الزمن
من الان فصاعدا حافضي على بيتك
واحنا ندعوليك من كل قلبنا
نتمنى نسمع عليكي كل خير ان شاء الله
وعليكي بقرائة القران واية الكرسي [/grade]

تسلمين اختي الغالية على هذه النصائح الغالية

وخلاص بعد توبة .. تعلمت درس قاسي من وراء تصرف لي كان عن حسن نية

اسأل الله ان تنتهي مشكلتي على خير ..

لانه لم يتصل فيني اليوم ابدا .. ولا حتى مسج .. خايفة يستمر الحال

ويؤدي الى الانفصال .. تفكيري متوقف ولاول مرة بحياتي ماني عارفة افكر زين

ماتخافى حبيبتى
ماتوصل الحكايه الى الانفصال

ربنا يصلح الحال بينكم ان شاء الله

اختي:
الف لابأس عليكم وعلى علاقتكم وانا من الاساس ضد ان تذكر الواحده محاسن زوجها عند الناس لاني والله عانيت كثيرا من هذا التصرف الذي يكون غالبا بسلامة نيه واعتقد في هذا الزمن لايجب ان تثق الواحده حتى بصديقاتها المقربات فمابالك بمنتدى يدخله الاف من السيدات والمحرومات وبعضهن لايذكرن الله ,ربما كان هذا الذي حصل درس تستفيدين منه في حياتك ,وانشاءالله ربي يهدي لك زوجك ويرده بأذن الله ولاتحزني .

السلام عليكم

ياااااااااااااااااه من العين والحسد 000 حبيبتي لاتتضايقين انا حاسه فيج والله 000 ماعليج الا الدعاااء له والله كريم انتي بس ادعي كثرة الدعاااء تغير الاقدار 0

الله يردكم لبعض ان شاء الله..

اختي نصيحة مني .. اقري سورة البقرة كاملة يوميا لمدة اسبوعين وبشكل متواصل

وكوني متاكدة ان الامور كلها بترد احسن من قبل ان شاء الله بارادة ربج..

لا حول ولا قوة اللا بالله العلي العظيم

وسط كل هالردود .. ما عرفت شو اقولج ..

حسبي الله ونعم الوكيل ..

والله شي مفجع .. حاسه فيج .. حتى انا صابني الحسد .. بس الحمدلله مش لها الدرجة ..

عزيزتي .. ارقي نفسج وريلج وعيالج دوم ..

عليج بالدعاااااااء والاستغفار ... والصلاة في الثلث الاخير .. لا تهملين هالشي .. انتي بحاجة لرحمة رب العالمين ..

واقولج شي .. تمي معاه بالمسجات .. لكن كيف ؟؟

الصبح .. صبحي عليه بمسج ..

والعصر مسي عليه ..

وفي الليل تمني له نومه هاديه ..

وبأسلوب حلو وراقي وبدون عتاب ..

لا تيأسين من هالشي ولا تملين .. تمي انتي اسألي عنه بمسج بس ارجوج بدون عتاب ..

ولو في حد من اهلج مقرب منه ممكن يسأله شفيك ويفهم منه يكون افضل بس لو فيها مشكله لا تسوينها ..

والله يصلح من بينكم يارب

الله يسمح امرك ويرد لك زوجك ويالف بين قلبك وقلبه
دوم افتحي عندك القران وخليه يغسل بمويه مقر فيها
وهدي نفسك وادعي ربك في الليل يزيل الي صابكم

اختي اول شيء الله يسهل عليج...بس انتي ماتقدرين تتهمين المنتدي وانتي ماعند دليل..و
مايحسد المال اللى اصحابه...يعني يمكن احد حواليكي او احد من اهلك تكلم جدام احد
ومثل ماقالت اختي امواج انتي ماخليتي شيء ماذكرتيه...يعني يمكن انتي كنتي تتكلمين جدام
احد...
انا اقول روحوا حق شيخ خل يقرأ عليكم يمكن يكون عمل ماتدرين...
والله يزيل همج انشاءالله

ياحبيبتى احسن ما فى كتابتك انك كتبتى ماشاء الله ياحبيبتى والله انى عرفت انه فى شى الله يصلحكى الناس تحسد على العافية والسعادة شوفى الزوجات وشكواهم الله يرجع لك زوجك ياقلبى ما تستاهلى شكلك طيبة والله يدكى على قد نيتكى ومشكورة على النصيحة

غاليتي
..
مـشكلتج احزنتني .. عسى الله ان يرد لك زوجك كما كان وافضل ..ويبعد عنك كل عين حاسده
حبيبتي.. حبيت اوضح لج ان الحياه... يوم حلو ويوم مر
ومافي انسان في الدنيا ممكن يعيش متهني طوول عمره
الله يرزق البعض ويحرم البعض صح ولكن كل شي له فيه حكمه من الله عز وجل
انتي من صار لج هالموقف قلتــي حسد.. وما الوومج العين حق وأكثرنا مر وتعب وتألم من سبايبها
ولــكــن مافكرتي حبيبتي انه يمكن يكون (( اختبار من الله ))
المؤمن اذا كان عايش في خير شكر ,, واذا ابتلى من الله صبر

أوصيك حبيبتي بالصبر ثم الصبر ثم الصبر
لان الله مع الصابرين

تقربي لله أكثر .. أكثري الدعاء فإن الله يحب العبد كثير الدعاء
مثل ماوصوووج خواتنا اقري الكرسي البقره ويحرسج القرآن من كل عيين
..
وانتي في هالموقف اثبتي لزووجج انج مهما كبر الخلاف من بينكم انتي ما تستسلمين .. بالعكس يزيد حبج وتمسكج فيييه
..
قال مابا مسجات
طرشييييييله بالعكس ..اكيد هو هناك ينتظر مسج يبين فيه ردت فعلج
صبحيه ومسيه.. وذكريه ان اي خلاف صار في مسيرة حبكم كان ينحل بيسر.. لانه الطرفين كانوا يسعوون له وينحل..
خلا ل اليوم طرشيله مسج

(( لــــو مـهــما صــار ..... سأبقى احبك ))

مسج ثاني

(( اشتقت .. لاحساسك بي .. حي احتاج لك ..... فأين انت عني؟؟؟ ))

انتي تحبيينه وتعانييين صدقيييييني يطلع معااج كلااااام بيخلييييه يرد باذن الله ويتأكد انه ماله غيييييرج ..
,,
,,
اهم شي يحس انج ابدا ابدا ابـــدا .... ماتيئسييييييين في حبه
...
من كل قلبي اتمنالج الخير والله يرده لج حبيبتي
والله يحفظج يبعد عنج العييين
..
اسمحيلي لو طولت
..

اختج..

الله يرجعكم لبعض ان شاء الله


والله من قرأت موضعك تألمت بشدة وسأدعي لك ان يتم الصلح بينكما

وان شاء الله يهدى زوجك ويتصل عليكي ولاكأن شي صاير





والحسد اختي حوالين الكل اللي عنده نعمة واللي ماعنده

مانقول اللي اعوذ بالله من كل حااااسد يارب





(بسم الله الرحمن الرحيم)

قل أعوذ برب الفلق * من شر ماخلق * ومن شر غاسق اذا وقب * ومن شر النفاثات في العقد * ومن شر حاسد اذا حسد


(بسم الله الرحمن الرحيم)

قل أعوذ برب الفلق * من شر ماخلق * ومن شر غاسق اذا وقب * ومن شر النفاثات في العقد * ومن شر حاسد اذا حسد


(بسم الله الرحمن الرحيم)

قل أعوذ برب الفلق * من شر ماخلق * ومن شر غاسق اذا وقب * ومن شر النفاثات في العقد * ومن شر حاسد اذا حسد






الله يصلحكم ان شاء الله وانتي طولي بالك شوي حبيبتي وقومي أكلي لك شي وأرتاحي



والله حالك أثر فيني

حبيبتي اقري سورة البقرة كل يوم ما تدرين من حاط العين عليكم

وإن شاء الله تحفظج وترقيج وترد لك زوجج و تحطم كل حاجز انبنى بينكم

و ادعيلي و إن شاء الله نسمع عنج الاخبار الزينه

ارقي نفسج ترى سلاااااااااااااااااااح خطيير

محد يعرف فايدته إلا اللي مجربه

سكر منثــــــور:

حبيبتي ليه متضايقه هالكثر؟؟
عااااااااادي لازم تمرين بمشكله!!
اصلا الحياة مالها طعم اذا كانت كلها سعاده!!
وبعدين المفروض كل وحده تقرا موضوعك تذكر الله واذا كانت قاصده ياويلها من رب العالمين
لاحول ولاقوة الا بالله
ماشاء الله تبارك الله لاقوة الا بالله
يابنت الحلال تعوذي من ابليس وروحي كلي لك لقمه وهذي صحتك بعد
وصدقيني سحابه وتمر ان شاء الله
وان شاء الله ماتكون عين ولا حسد ولاشي
يمكن مرت عليه ظروف وانتي ماعطيتيه فرصه يشكي لك
وخصوصا انه بعيد عنك وفي غربه
حاولي انتي تبادرين بالصلح ولاتيئسين
الله يوفقكم ويبعد عنكم كل شر
ويصلح حالكم ويرجعكم مثل اول واحسن
اللهم امين
طمنينا عنك

:shy: :shy: :shy: :shy:

اختي شلون عادي ؟؟!!!

لو انتي لا سمح الله او حد من الخوات مر عليها هالموقف .. بيكون رد فعلك عادي ؟؟ والا راح تحزنين وتتضايقين ؟؟

ردة فعل طبيعية خصوصا لوحدة ماقد شافت هالمعاملة من زوجها .. وبعدين ماانكر ان الحياة فيها الحلو والمر

لكن عني ماقد شفت الا الحلو .. فشيء طبيعي اني انصدم من معاملة زوجي لي .. وليش اكون مجبورة تكون حياتي فيها مر علشان تكون طبيعية؟؟ بالعكس حياتي كانت طبيعية بكل السعادة اللي فيها


عموما مثل ما قلتي ان شاء الله سحابة صيف وتعدي
وشاكرة لج سؤالج .. ومؤازرتج .. ربي يحفظج ويوفقج

محمد غناتي:
حبيبتي اقري سورة البقرة كل يوم ما تدرين من حاط العين عليكم

وإن شاء الله تحفظج وترقيج وترد لك زوجج و تحطم كل حاجز انبنى بينكم

و ادعيلي و إن شاء الله نسمع عنج الاخبار الزينه

ارقي نفسج ترى سلاااااااااااااااااااح خطيير

محد يعرف فايدته إلا اللي مجربه

صبحج الله بالخير ..

مشكورة اختي على النصيحة .. وفعلا قريت الليلة اللي فاتت سورة البقرة .. وحسيت براحة كبيرة

وحتى اني هديت شوي وماعدت ابجي مثل اول ماصارت المشكلة .. لاني قبل لا اقرا ..
كنت ابجي وارد أسكت وبعدها بدقايق ارجع ابكي واهدأ.. وهكذا

بس بعد ماقريت القرآن هديت شوي .. وهدت نفسي

سبحان الله .. كلام الله فيه شفاء لما في الصدور

تسلمين اختي وماقصرتي

بئر الصمت:
الله يرجعكم لبعض ان شاء الله


والله من قرأت موضعك تألمت بشدة وسأدعي لك ان يتم الصلح بينكما

وان شاء الله يهدى زوجك ويتصل عليكي ولاكأن شي صاير





والحسد اختي حوالين الكل اللي عنده نعمة واللي ماعنده

مانقول اللي اعوذ بالله من كل حااااسد يارب





(بسم الله الرحمن الرحيم)

قل أعوذ برب الفلق * من شر ماخلق * ومن شر غاسق اذا وقب * ومن شر النفاثات في العقد * ومن شر حاسد اذا حسد


(بسم الله الرحمن الرحيم)

قل أعوذ برب الفلق * من شر ماخلق * ومن شر غاسق اذا وقب * ومن شر النفاثات في العقد * ومن شر حاسد اذا حسد


(بسم الله الرحمن الرحيم)

قل أعوذ برب الفلق * من شر ماخلق * ومن شر غاسق اذا وقب * ومن شر النفاثات في العقد * ومن شر حاسد اذا حسد






الله يصلحكم ان شاء الله وانتي طولي بالك شوي حبيبتي وقومي أكلي لك شي وأرتاحي



والله حالك أثر فيني

تسلمين فديتج .. على شعورج وكلماتج الطيبة .. الحمدلله على كل حال ..

أنا اهدأ الحين .. والله يسمع منج ويصلح الحال