لو صارلك هذا الموقف كيف راح تتصرفين

لو انا من صديقتج اتصرف بعقلانية
اذا كانت البنت مناسبة وهو متعلق فيها ممكن نوفق بينهم بالحلال
لكن اني امنعها او منعة
راح يتعلقون في بعض اكثر
خاصة الاخ ممكن يقول لاختة هذا مو شغلك انا رجال وحر
ماني بنت

انا رايي من راي الاخت غزاله
ليش يكلمها اكيييييد يحبها ومو قاعدين يلعبون متفقين على الزواج يعني اكيييييد في خطوه ايجابيه
بس اذا كانت تشوف ان البنت اصلا مو عاقله او عليها حركات ممكن توصل المعلومه لاخوها باسلوب لطيف لان الاولاد ما يسمعون شي

اسوي عمري ما ادري
و اقول له بخطب لك فلانة بنت فلان الي هي البنت نفسها

وادعي الله يوفقهم

اختي دام انهم متفقين على الزواج وين المشكلة؟؟؟

طبعا ما راح ادخل الا بحالة وحدة بس اذا كانت اللي تتكلم اختي الصغيرة اللي مو بسن زواج

اما البقية بالعكس هذا يوم المنى وراح ابارك الموضوع بعد

انتي قلتيها بنفسك
متفقين على الزواج
خلاص ليش ارفض
الله يوفقهم ويسهل عليهم

اي انا مع البنات يعني ليش رفض خلاص مدام متفقين وفي نية الجواز ادعي ربنا ييوفقهم

والله من رايي لاتوقف عثرة بطريق زواجهم دام انج تقولين هم متفقين على الزواج وهو رجال اكيد عارف انها محترمه وانها هي المناسبه له ومهما سويتي ماتقدرين تمنعينهم اذا هم يحبون بعض خليج بدور الخير احسن من العدائيه والله يوفقهم (f)

[blink]السلام عليكم ورحمة الله وبركاته[/blink]

هلا حبيبتي..

اولا هل اهل البنت يعرفون بالموضوع...........؟!

ثانيا ان كان شارنها فليش ما يروح ويدق الباب.. ليش يتكلم معاها بتلفون بدون اي صله!؟

عفوا ما اايد ان يتكلم معاها بدون لا يعرفون اهلها بالموضوع ولا يتم بينهم اي صلة ربط..

والله لو كنتي انتي او اختج مكانه تتكلمون مع شاب والاهل مش دريانين وهو علم بالموضوع لذبحكم..

واجهوه ان كان جاد يروح ويطرق الباب ويتقدم.. مش بالتلفون ماخذينها مزه..
هذي بنت ناس وكما تدين تدان..

وربي يهديه..

وشكرا..




[color=#AC5668]يسرني مروركم على مواضيعي واضافة الاطلاله فيه

][®][^][®][ركن العناية بالشـــــــــــــعر][®][^][®][
من افضل الطرق لتطويل الشعر
بدك شعر حرير وبيجنن في نفس الوأت؟!
سر غلاظة وطول الشعر
عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويله
أنا بادي شعر أحمر وحلو وبيجنن وبدون لاصبوغو.. بادي بالحنى!؟
شعرج متقصف+ فيه قشره+ بطئ النمو+ يتساقط اذا زيت Trichup هو الحل باذن الله+ صوره
كريم يستخدم للشعر: (لغلاظته, نعومته, ولمعته) عن تجربه
لكل مشكله حل باذن الله (كل انواع الزيوت وفوايدها ومكوناتها مع الصور)
طريقة عمل زيت البابونج بالبيت ومن صنع يديك (حصريا ب عروس دوت كوم فقط)
الخلطه السريه هدية العيد (لاعادة صحة الشعر والتغلب على جميع مشاكلها) حصريا في عروس
الطريقه المضمونه باذن الله لزيادة طول+ كثافة+ قضاء على القشره= للشعر (مجرب)
_.:•‡ஐஇ زيت جوجوبا jojoba فوايد مهمه للشعر ال......... مع الصور حصريا ب عروس இஐ‡•:._
طريقة عمل المساج لفروة الرأس+ الصور (حصريا ب منتدى ال عروس دوت كوم)
ماسك للشعر طبيعي.. يخلي الشعر صحي+ لامع+ كثيف ومغذي للفروه ايضا (صور)
خطوه خطوه لشعر كيرلي رائع لمحبي Curly يالله على الطااااااااابور
KalaKola Hair Tonic لعلاج القشره ولسواد الشعر ولعلاج التساقط وتاخر الشيب معقوله؟؟!!
ღஐღ الخلطات والزيوت المجربه من قبل الاعضاء+ معلومات بدقه+ صورღஐღ
زيت الخروع الي استخدمه ورهيب

[/color]

اختي الحبيبه

صديقتك على اي اساس توقف البنت عند حدها ؟؟ مو حتى اخوها يكلمها ؟؟ غلطططط تكلم البنت لأن الموضوع مشترك بين الطرفين والبنت ماخذته من يديه حتى توقفها عند حدها

لذلك انصحها تكلم اهلها عن البنت يخطبونها لأخوها لأن اخوها يبي هالبنت فمستحيل تتصرف عكس ذلك الموضوع خاص بأخوها مو فيها وكذلك اذا تقدر تكلم اخوها وتنصحه يتقدم لها على طول ويبعد عن المكالمات المحرمه

لكل اللي ردوا على موضوعي مشكورين ويعطيكم العافيه

وبرد على سؤالك يالغاليه أم سعيده وحمدان إن لاأهل البنت ولاأهل الولد يدرون عن شي وترى هي لها دور كبير بهالعلاقه واللي حار صديقتي إنها تجي وتزورهم وتتكلم عن الأدب ولاكنها سوت شي وهي تحس إنها تستغفل الكل وتتعامل معهم بغباء,ومثل منتو عارفين إحنا مجتمع محافظ مايتقبل الأمور هاذي

والله مب عارفه شو اقولج

انا احب واحد من اهلنا وارمسه فون بعد والولد ناوي يخطب بس انا ماخرتنه اشوي لظروف خاصه

واهلي مب ددارين بالموضوع ولا اهله بس اخته وهي اللي عرفتني عليه يعني الولد شافني وقال ابا هالبنت وصار اللي صار بس قهرتيني اشوي بعباره (( نوقف البنت عند حدها)) والله مب عارفه نوع البنت
وانا مب عارفه ارد عليج لاني اتخيل عمري مكان البنت

وانشالله الخوات يفيدونج

هلا فيك أختي صيدلانيه كيوت يشرفني مرورك
أولا حبيبتي إن شاء الله ماتكونين مثل هذي البنت لأن أغلب صفاتها ماهي زينه وماأبغى أذكرها
ثانيا إنتي قلتي بنفسك إن إخته هي اللي عرفتك عليه يعني لو ماشافت فيك الإنسانه المناسبه لأخوها ماكانت عرفتك عليه بنفسها ,,,وبعدين ياقلبي فيه أحد عارف باللي صاربينكم
بس أنا من رأي الأفضل إن الأمور لازم تكون بوضوح وبدون خش ودس خصوصا في الزواج
والظاهر عزيزتي إنتي غير عنها ...هي قاعده تستغفل الكل وتتخطط للأمور على هواها
الله يوفقك ويكتبلك اللي فيه الخير

عادي جدا اذا كانو يناسبون بعض الا اذا كانت مثلا البنت مو كويسه او تضحك عليه هنا
من حق الاهل يتدخلون بس اذا يناسبون بعض عادي بالعكس الفرحة تصير فرحتين
اذا تزوج وحده من الاهل

بدعيلهم الله يوفقهم

والله اذا ربيعتج تعرف ان البنية مب زينة وانها تضحك على اخوها فالاصل انها تكلم اخوها بطريق غير مباشر وتلفت انتباهه

اما احساسي ان البنت مافيها شي وان ربيعتج متضايقة لانها ما تدري. انا لو مكانها باتضايج لكن باسوي اللي في مصلحة اخوي لاني احبه واتمنى له الخير

وانها البنت تزورهم وتتكلم عن الادب فهذا وايد طبيعي لانها تحاول تغطي على روحها جدامهم وتحببهم فيها علشان لما يخطبها الولد اهله يحبونها وما يمانعون

خلي ربيعتج تحكم عقلها وتشوف مصلحة اخوها واذا يحبون بعض حرام تفرق بينهم حتى لو في اشياء ما تعيبها في البنية، هي ما تدري لو يحب وحدة ثانية كيف بتكون

وطمنينا شو يصير

عادي جدا

الله يسعد سعيد بسعيدة

مرحبا حبيبتي قبل ما اكتب ردي على هالموضوع إنتي وصديقتك ليه متحاملين لها الدرجه على البنت صدقيني البنت ماأضربت الولد على ايده وقالت له تعال كلمني شوفي بصراحه أنا اشوف أن الأثنين غلطانين خصوصا لوكانوا كبار وفاهمين وصدقيني أن البنت غلطتها أكبر البنت الي تكلم شخص من ورا أهلها مسكينه جدا ومستحيل تنسى انها في يوم من الأيام خانت ثقة أهلها فيها وكلمت شخص غريب من وراهم"الله يستر علينا اجمعين " و الولد برضوا غلطاان مثل البنت يعني مستحيل ان البنت هي الي بادرت وطلبته والمفروض انه يخاف على البنت الي حبها و على سمعتها زي مايخاف على أخته وزيادة بعد والمشكلة الأعظم لو كان الولد يتسلى بس أما إذا كان يبغيها ليه إن شاء الله مايطلبها ويخطبها لا تقولين لي ظروفه ماتسمح إذا البنت تحبه وراضيه فيه راح تتحمل معه وتصبر عليه ..
أفضل حل أنا أشوفه أن صاحبتك تكلم أخوها وتسأله إذا في نفسه يتزوج او يخطب اهي مستعدة تساعده وتطلب له البنت الي يبيها إذا تجاوب معها وطلب نفس البنت فأوكي وبكذا راح تنتهي المشكله ويكون كل شي بالنور وبالحلال والله يوفقهم ويوفق الجميع آآآآآمين ..