الزوجه الثانية والغيره

لازم الاستخاره اول شي

لو حست نفسها مو مقتنعه لاتتسرع وتتزوج ولو هي حساااااااااسه كثير ماظن راح تقدر تتحمل

ولا تحط في بالها اننها كبرت ولازم تتزوج بسرعه لا ابدا

لازم تتريث وتفكر بهداوة وتحسبها صح وتقول في ننفسها هل أصلح اكون زوجة ثانية ؟

هي ادرى بنفسها وهي عارفه انها ما راح تقدر

نازو:
السلام عليكم ..

بقول رايي بكل أمانة وما بخلي العواطف - في ردي - تلعب بي أو بصاحبة المشكلة...

34 سنة مب صغيرة .. إذا رفضت هذا الشخص الحين - في زمن شح العرسان - فمتى تفكر إنها تنجب أطفال وتكون بيت وأسرة ؟!! إذا كنت ناويت تظلمين الحرمة الأولية فارفضي طبعا ، وإلا فوافقي وتوكلي على الله ..

تقول مب متخيلة آخذ ريال عنده حرمه وعيال ..مب مشكلة ابدئي اليوم في التخيل ..

غيورة وحساسة .. ترا الدعاء الصادق يروح الغيرة .. عندك ام سلمة يوم خطبها الرسول صلى الله عليه وسلم ترددت بس بسبة الغيرة ..قالت له : أنا شديدة الغيرة ، وأنت يا رسول الله تجمع النساء ، قال صلى الله عليه وسلم : أما الغيرة فيذهبها الله ، وفي رواية أخرى : وَأَمَّا قَوْلُكِ: إِنِّي غَيْرَى، فَسَأَدْعُو اللهَ أَنْ يُذْهِبَ غَيْرَتَكِ

ويا اختي ما في ضمان إن أي ريال عازب تاخذينه بيكون لك وحدك ..شو اللي يضمن لك إن ما بيتزوج عليك في يوم من الأيام ؟ حتى لو ما تزوج عليك ممكن يكون لك وحدك بعقد الزواج وهو في الأساس مب لك وحدك وتكونين من آخر اهاماماته ..

وإذا ما قدرت تنفردين بملكيتة الرجل ترا تقدرين تتملكين قلوب صغيرة تخفق باسمك وتعطي حياتك معنى ورونق وهدف ونعمة ما تماثلها نعمة التفرد بملكية الزوج ..

بس حذار من ظلم الزوجة الأولى وعيالها .. اتقي الله فيهم ..وتذكري إن الأعمال دين مهما نسوي في الناس بالأخير يرجع لنا أو علينا اللي نسويه فيهم ..


استخيري .. وتوكلي على الله ..

وانا مع الاخت

رأي اذا كان هذا الرجل بيتزوج على حرمته من غير سبب فالافضل انها ما توفق لاني حسيت بهذذه النار من اقرب القريبات لي والحرمة الاولى تنحرق وتنقهر مسكينة ايش ذنبها انا لسه ما وصلت لعمر صديقتك بس انا اعتقد اني ارفض هذا الشي الان وبعدين

انا يا عزيزتي مع الاخت نازو
وكلامها سليم ميه بالميه وزوجه ثانيه انا احس انه اريح واحلى يمديك تكشخين له وتستقبله وانت مشتاقه له احسن من انه كل يوم يكون في وووجهك

تتزوج على طول بس تكون مقتنعه وما يهمها رأي الناس والغيرة هذي شي طبيعي مش بس على الزوج ممكن الواحده تغير من فستان صديقتها والغيره ورانا ورانا بس اذا تبي تعيش حياتها لازم ما تنكد على نفسها وتشيل موضوع الغيره من حياتها وصدقيني حاتعيشي طبيعي جداجدا وانا مجربه بعيش اجمل لحطات بكون زوجي فيها معاي وبنسى كل الدنيا

اذا بتسيطر على غيرتها خل تاخذه لكن اذا لا لاتغربل الريال و مرته

تستخير واذا طلع زين تاخده عادي ايش فيها

الزواج برجل متزوج لاهو عيب ولا حرام
لكن اهم شئ هو ليش يبغى يتزوج؟
فيه سبب مقنع يعني؟
وله نزوه او خلاف مع زوجته الاولى
ترى الخلاف مسيره يذوب ويزول وترجع المياه المجاريها ويصير عسل بعين زوجته الاولى
وتحارب الكون علشان ترجعه لها.
خليها تنتبه وتسال ولا تتسرع واذا حست ان الاسباب مقنعه وان هالانسان زين من بعد صلاة الاستخاره
تتوكل على الله.
تحياتي

خلله تاخذه مدام خايفة انه اخر العرسااان والغييرة تخليها على الله

موقف صعب جدااااااا بصراحه ....

بس لو كنت انا مكانها بستخيييييير و بتبع احساسي ....لأن مهما الناس قالو زين او مب زين مافي شي مضمون من كلام الناس ما تقدر تعرف اذا زين الا بالعشرة ...

بس فالنهاية احس ما بوافق لأني غيورة مثلها إلا في حال استرحت بعد الإستخارة ...


الله يوفقها للي فيه الخير يا رب

ياجماعه الاستخاره مشروعه ان كان الشخص بيسوي الشئ مب متردد فيه

لقول الرسول صلى الله عليه وسلم ( إذاهم أحدكم بالأمر ) يعني اذا عزم على الشئ

وفايدتها طبعا ان الله بيسر الامر ان كان فيه صالح

مب ان كان الشخص متردد يصلي 000 لا

ومادام اهي غيوره وايد ترفضه وتسأل الله أن يعوضها خير

هذا من رأيي

والله يوفقها

انا احسه انه عادي لانه هي مب صغيره ونصيب ما ايي كل يوم وهذا رزق من ربج يمكن خير حقج ... اذا الريال زين وعادل وملتزم وافقي علييه .. استخيري وربي يوفقج يا رب