1/5/2007 قربنا وبدت مرحلة العنوسة

باذن الله بيجيك ابن الحلال وتتعبون عيال وتقولين زي ما اقول (ليتني اتجوزت اكبر من كدا على اش ملحقه)

ههههههههههههه

والله لسه صغيره والله مو مجامله

ياحبيبتي شجون الليل .... ليش تتضايقين ؟؟؟

هونيها تهون .... حطي في بالك شي واحد الارزاق بيد الله ... وربي كاتبلك في يوم تتزوجي ....
انتي بس لا تتضايقين ولا تستعجلين رزقك ... لانه الله مع الصابرين ... وبعدين عمرك جدا جدا صغير ...

على هالاكتئاب .... يعني انتي بعدج شباب وفي احسن المراحل .... انا عمري 24 سنة ... وبعد اسبوعين بدخل 25 سنة

ومن اسبوعين ملجت (انكتب كتابي ) ... واختي عمرها 26 سنة ... وتوها متزوجة .... وربيعتي عمرها 37 سنة وبعدها ماتزوجت .... ماتعرفين وين النصيب ومتى تحين ساعة النصيب ...

ياختي انا مريت بمثل حالتك .... تعرفين شو كنت اسوي .. كنت يوميا اصلي القيام وادعي ربي يقدملي اللي فيه لي الخير

لاتدعين بالريل بس ... ادعي بشكل عام ربي يقدملك اللي فيه لك الخير .... وفي نيتك الزواج ... وصدقيني ربي كريم مجيب الدعوات ...

بخبرك بقصتي .... انا كنت في الدوام ... وكنت يويما اصلي صلاة الضحى ... وتعودت عليها ... واقرا يس ... وادعي
وبعدين حسيت انه في واحد معجب فيني في الدوام ... بس ماحطيت في بالي بيصير شي ... وداومت على الصلاة
لاني كنت اعتبرها فرض من فروضي .... واخلي كل الشغل واصليها ... المهم حسيت كل ماشوف هذاك الشخص ينتابني شعور غريب ... الا انه مرة وحدة من ربيعاتي راحت العمرة واتصلت عليه وهي في الحرم ... قلت لها الله يخليج ادعيلي بالزوج الصالح .... وبعد اسبوع بالضبط انخطبت من نفس الشخص ... ومن اسبوعين انكتب كتابي وزواجي بعد شهرين
شفنتي كيف ... انا اوصيج بصلاة الضحى ... يعني صليها كل يوم ... والثيام مرة في الاسبوع ... ليلة الجمعة احسن الايام
وربي يسهل امورك يارب يارب يارب ...

لا تتضايقين خلي ايمانك بالله قوي واذا احتجتي اي ادعية وايات الفرج راسليني على الخاص

اسمحولي على الاطالة بس والله حاسة فيها فخبرتها قصتي

وعليكم السلام

اولا اذا انتي بهذا السن وبقيلك سنه وتدخلي مرحلة العنوسه

والي اكبر منك اش يقولو
انا عمري28 وللان ماحد تقدم لي رسمي وضروفي المادية
(الحمدلله) يعني لو تقدم لي احد اوافق من غير تفكير
اذا انا بفكر في العمر
ثانيا انتي واللهم لا حسد موظفه يعني تقدري تلهي نفسك بأمور كثيره والي زيك مايفكر في الزواج كثير يعني قصدي في شي شاغل بالك اقل شي للسنه الي على قولتك راح تكون الاخيره وتسيري عانس
طيب شوفي احنا نطلع ونشوف البنات وكشخاتهم سؤان متزوجات اوبنات والمصاريف الي تحتاجها البنت معروفه يعني الوحده فينا نفسها تتزوج اليوم قبل بكره

لاكن مو باليد حيله اش نسوي غصب نجيبهم

لا والله هذا اولا واخير رزق زيه زي كل رزق اذا الله كتب يامرحبا فيه واذا لا كمان الحمدلله

ولو كل وحده تفكر باسلوبك كانو كل البنات تعبو فوق تعبهم

لاكن ما اقول الا الله المستعان في الوقت الي احنا فيه:sad:

وعفوا اذا اطلنا عليك

لاكن انا نفسي كل وحده تفكر بإجابيه ومو كل شي زواج في امور في الدنيا ممكن تلهينا وكل شي له حل

ويارب يارب ماتكملي ال25 الاونتي ملاقيه الي يسعدك ويهدي سرك ويصونك وتصونيه
وانشاء الله راح ادعيلك يا شجون الليل ولك البنات:shy:

صباح الخير اليوم اول شيء سويته من وصلت الدوام هو قراءه ردودكم اسعدوتني والله

انشاء الله برد على كل وحده فيكم واشكركم من كل قلبي على هالوقفة عن جد فرحانة لما شفت كلماتكم الله يفرح قلوبكم

حبيبتي شجوون .......................
انتي يبنت الحلال لسه صغيرررره وسنك مو سن عنوسه ولا شيي
اقسم لك بالله ان في واحده اعرفها مثل حالتك تزوجت وهي عمرها في نهاية الثلاثين وماشاء الله ربي عوضها بزوج ماشاء الله تبارك الله قمه في الخلاق وطيب وحبوب ويحبها ويموت فيها معا انه مو ذاك الجمال يعني جمال عااا\دي ....................وماشاء الله حياتها ماشيه


وفي واحده ثانيه تزوجت وهي مابعد كملت ال18 سنه وشهر ورجعت عند اهلها معا انها ماشاء الله قمه في الجمال وطيبه وبنت بيت بس ماافي نص3يب ومطلقه وهي ماوصلت ال19 سنه

ياشيخه انتي تقربي من الله عزوجل وصومي النوافل واسالي الله ان يرزقكي الزوج الطيب الي يحبك ويخاف عليكي.............................و

ان شاء الله ربي يفرج همك يارررب ويجيكي العريس وتعزمينا ...........والتذاكرالطياره على حسابك

البنات كفوا ووفوا ومثل ماقالوا عيشي حياتج ولاتفكرين بهالشي وادعي في صلاتج على طول انه الله يرزقج بالزوج الصالح

25 وخايفه من العنوسه

؟؟؟؟؟؟؟؟؟

صباح الورد للجميع اليوم مديرتي غايبة واسترحنا مافي شغل وتفرغت ارد على ردودكم اللي تشرح الصدر

ناني فيبس

مدللة

tasha k معاك حق حبيبتي كلام الناس ما يسوى ويتابعون الشخص بكل مراحل عمره ولا شيء
يعجبهم دايم اقول بخليهم يولون وانا وش علي منهم وليش افكر في كلامهم بس ماادري وسواس الله يبعدها عنا

Hypercool على فكرة انا وربي افكر مثلك واي حد يسألني اقول كيفي دلوعة وتتدلع ولسا الامير ماجه بس كاتمه بقلبي الكل يحسبني ارفض بمزاجي وكذا اني ابي واحد ماصار بس محد يعرف بالقلب يمكن امي حاسه فيني اشوي واخوي علشانه قريب مني يعرف اني ابي واحد طيب وملتزم وعادي لا راعي فلوس ولا صاحب املاك وجمال

خيال ملاك

أم شجاع يسلم صوتك وصلني يالغالية كلامك

دلوعة ابوها وامها

بئر الصمت حبيبتي ليش العيب فيني لاني ارفض علشان ابي واحد احسن يعني مو من حقي اتزوج واحد قد مااقدر يكون اوكيه في اغلب الاشياء انا اول فرحة باهلي وبصراحة ماابي اجيب اي واحد لعيلتي ابي امي تكون مرتاحة بحياتها من ناحيتي

MisS7ala

ميس _ الريم

ليلة هروب

Yaman

حنونة وربي انا اللي حاسه فيك الله يوفق جميع بنات المسلمين

Miss - Abu Dhabi

مس دلوعة

دلوعته

صباح حبيبتي ضغطتي على جرحي الغلا وبالضبط هذا الكلام اللي اقوله لامي وابوي انا قريت اشوي من الموضوع بس ما كملته انشاء الله اخلص هالرد وبرجع اقراه

بنت النواعم

غموض الورد انا معاك لازم اللي نختاره يكون كويس هذا عمر وعقلي وتفكيري بهالشي هو اللي ذابحني



بناااااااااات اشكركم من كل قلبي على ردودكم والله انكم بثيتو الامل من جديد احس صرت اتنفس اشوي براحة قبل حتى
انفاسي احسها تطلع من عمق قلبي مسكين عن جد وش فيها الحياة يعني بنعترض على حكمة وكتبة ربنا مشكورات من قلبي اشكركم والله يوفق بنات المسلمين جميعا ويرزق كل البنات الازواج الصالحين واذا يا بنات عنكم اي دعاء لا تبخلون علي

حبيبتي العمر كله ان شاء الله
بعدين انتي توج بتدخلين ال 25 يعني لا عنوسه ولا شي
خلي ايمانج بالله قوي وعرفي انه النصيب متى ياج محدن بيمنعه عنج...يعني اللي رفضتيهم ماكان لج نصيب معاهم..لو كان لج نصيب صدقيني بتوافقين حتى لو فيه عيوب الدنيا..تأكدي من هالشي
صدقيني لا توسوسين وايد ..يوم الانسان يفكر وايد صدقيني اموره تتعسر..وكلي امرج لربج

والله يرزقج بالزوج الصالح والذريه الصالحه وياخواتي وبنات المسلمين يا رب

اهلين حبيبتي وربنا ييسرلك امورك ويرزقك الزوج الصالح
انتي لسا صغيرة حبيبتي
انا مثلا عندي28 سنة ولسا ماتزوجت ومع هيك ماني زعلانة مع ان اخواتي الأصغر مني تزوجوا
لكن راح قلك شيء حبيبتي احسن انك تعيشي عزباء ببيت اهلك معززة مكرمة احسن من انك تتزوجين راجل مايعرف قيمتك وتبقي في مشاكل مع
وانصحك حبيبتي كل سجود تدعي رب العالمين ان يرزقك زوج صالح وفاهم
وربنا يفك عقدتك

الله يرزقك نصيبا طيب من عباده الصالحين

ألف شكر يا بنات على وقفتكم وادري تأخرت عليكم

بس انشغلت كثير بالعمل والكورسات

احب ابشركم

ابيكم تباركولي

زواجي راح يكون بعد رمضان

الحمد لله رزقني انسان من جماعتنا يقرب لي من بعيد يعني مااعرفه

صار بالصدفه معي بكورس ولما عرف اني بنت من جماعته يعني حسيت اسلوبه تغير معي

وبآخر يوم بكورس كلمني يسأل عن الاهل وبالصدفه طلعت اعرف خواته وبس

بعدها بفترة بسيطة تقدم لي كنت مترددة اشوي لاني سمعت انه كان يبي يخطب قريبته بس غير رايه من فترة يعني

خفت انه اهله مايبوني بس لما فكرت فيها شفت انه فيه ايجابيات

الولد طموح جدا ويحاول يكون نفسه بجد ومن جماعتي وانا متقبلته واسلوبه مرة عاجبني

احلى شيء فيه ابتسامته روعه واثنينا منشدين لبعض كثير ومرة حنون

ملكت قبل اسبوع والحين اجهز الين بعد رمضان انشاء الله بنسوي حفلة الزواج

ادعولي يابنات الله يوفقني معه ويسعدني معه

احب اشكركم مرة ثانية والله يرزق جميع بنات المسلمين الزوج الصالح ويفرح الكل بقلب حنون وصافي

يا قلبي ... قريت العنوان على بالي ان عمرك تجاوز الخمسة والثلاثين على الرغم ان في عمر 35 كثير بنات تزوجوا من شباب ما عمرهم دخلوا دنيا لمن قريت موضوعك ذكرتيني بنفسي بس انا اكبر منك بسنة و بصراحة عمري ما اهتميت بكلام الناس بالعكس انا نص شباب جماعتنا تقدمولي ومن احسن الشباب يعني الي الكل يتمناهم والله اني اشوف نظرة الحسرة في عيون قريباتي ...ليش ترفضين ناس زي كذا مع العلم اني دبة بس حلوة لكن الحمد لله ما قلوا خطابيني)وفي الزواجات الكل يطالعني هذي اش فيها ترفض بس انا عادي ولا علي في احد صح احيانا ازعل على ابوي لانه تعب من كلام الناس ....لكني صابرة وان شاء الله راح يجي الي اتمناه واحسه زوج المستقبل

حبيبتي لي تعليق بسيط على قولك انك ترفضين الشخص على شكله ترى الشكل مو مهم ابدا اهم شي الاخلاق ...

وبنسبة لشي الي ذاكرته في اخر الموضوع انا مثلك بس احسه شعور طبيعي ... عمري ما حسيت ان فيني شي غلط

توني قريت ردك الاخير....الف الف الف مبروك والله يتمملك على خير ويسعدك ويرزقك الذرية الصالحة ....امين

الله يرزقج بالزوج الصالح
وبلا دلع بنات
3

قريت موضوعك من اول صفحة الى اخر صفحة واحب ابارك لك الف مبروووووووووووووك والله

يهنيك و يسعدك ومع الصبر يأتي الفرج

الف الف مبرووك
والله اني فرحت يوم سمعت الخبر
الله يهنيك ياربي:9_28: