هل انتي ترضين

السلام عليكم يا بنات لا تزعلوني منكم الحوار الهادف والتعميم ما ينبغي لأن في كل مجتمع فيه الصالح والطالح ومن فيه فساد فلنفسه والحمد لله الدنيا بخير وبنات أمتنا العربية والأسلامية لا زالوا بحشمتهم والأقلية ما يمثلون احد آسفة لا يكون أنا المتسببة وخلونا في صلب الموضوع وصافي يا لبن ههههه

انا اعرف ان القيصيرية هي اللي تستدعي ومش في كل المستشفيات حضور الدكتور

بس الولادة الطبيعية النيرسات مب مقصرين يعني حتى من دون دكتوورة اصلا

اما اللي اشوفه انا فمافيه داعي للرجال في هذا المجال والشرع نهى عن الاستعانه بهم مدام فيه حريم متخصصين بنفس التخصص وعندهم الكفاءه .. اصلا الشرع نهى عن الكافرات من النساء حتى مدام فيه مسلمات فما بالنا بالرياييل والله عيب وقلة حيا الوحده تروح لهم دون عذر قوي

السلام عليكم

بنات شوفوا قصتين لحريم امتنعو انهم يفحصون عند رجال

وحده كانت بكريه وامها معاها دارو على 4 مستشفيات ما فيه الا دكاترة رجال مناوبه

وطلعت من المستشفى الرابع قريب الفجر وولدت في سيارة الأسعاف وما كان معاها غير امها وممرضه

وطبعا هذي اعرفها شخصيا


والثانيه

راحت المستشفى اللي تتابع فيه ودخل الدكتور يبي يفحصها قالت طس بوجهك مو قاصر الا انت

وقال لها لازم توقعين إخلاء مسؤليه المستشفى في حال صار لج شي

ووقعت

وقعدت في غرفة الطلق وهي تحس انها بتولد

تنادي الممرضات قالو ما نقدر نسوي شي الا ان طلعت البنت من بطنها وقامت تصرخ

قامن الممرضات تجمهرو وعلى طول خذو البنت والحمد لله ولدت بالراحه دون كشف الرجال

وهي ولادتها الثالثه

يعني استرو على روحهم وهم في اشد حالاتهم

والله الموفق

أني اللي مستغربتنه أنه يشيلون ثيابش كلهم
حتى في القيصرية عندنا ما يخلون المرة بدون ثياب
واللي يشيلون المرة النرسات

مستحييييييييييييييل

انا يوم أراجع عند دكتورتي استحي منها.. كيف اذا دكتور.. !!

:qaq:

انا راح اتكلم عن نفسي كنت مستحيل وسابع مستحيلات ازلد او اراجع عند دكتور وحتى عند ولادتي طلبت انه مايدخل ولاريال غرفتي حتى ريال اللي كان ينتظرني اولد عشان ياخذ بنتي طردته من غرفه ولكن لان ولادتي كانت صعبه ومعسرة وكنا انا وبنتي خلاص على وشك الموت وانا مغمي عليه ماادري قامت دكتورة اللي تولدني تصارخ وماوعيت الا 6دكاترة من رجال ونساء دشوا على وولدوني في اخر لحظه وانقذوا بنتي فديته وكنت ماادري بشي كلش ريال او بنت اللي تولدني المهم اخلص وافتك وبعد ولادة لما خلصت حسيت باحراج موطبيعي بس طبعا كنت ماادري بشي بوقت ولادة وقلت لزوجي عادي عندك قالي اي كنتي تعبانه موبكيفج طلبتيهم وقالي اهم شي سلامتج وسلامة بنتنا

يا بناااااااااات الخلاصة الواحدة لا تلجا للدكتور الرجل الا للضرورة القصوى يعنى اذا خلاص بتولد على حالها و ما فى دكتور او حالتها خطر و ما فى الا دكتور سهلة القصة لكن التعمد لا و الف لا

بنات شفيكم ههههههههههههههههههههههه احس انه في هوشه عادي شنو يعني اذا كشف دكتور ؟؟
و بعدين الدكتور ما يجي الا اذا في حاله مستعصيه انا في ولادتي في ولدي الاول جابو لي 3 دكاتره رجال علشان البيي صار ما يتنفس يعني الدكتور ما يجي حق اي حد
الدكتور يا بنات عنده شغل مو فاضي حقكم علشان ترضون ولا ما ترضون و بعدين هوا ما جاء من نفسه الدكتوره قالت له يجي الدكتور مو ميت على و جيهكم علشان يجي :gum: :smile:

انا بالنسبه لي افضل دكتوره بس اذا حزت الحزه مافي دكتوره شسوي غصبن عني برضى.. ويعطيج العافيه اختي ع هالموضوع.. والله يستر علينا وعلى المسلمين والمسلمات اجمعين..

والله مافيها شي اذا الوحدة ولدت عند دكتور اغلب ادكاترة يكون عندهم زحمة أكثر من الدكتورات لانهم شطار ومستشارين ومعروفين ليش النظره هذي للدكتور مولهذي الدرجة ولامرة سمعت من هالاشياء (تحرش كلام )

لو كان ترك الدين يعني تقدما فيا نفس موتي قبل ان تتقدمي
خواتي جميعا ان من ترك شيء لله عوضه خير منه ان من تركة الكشف عند الدكتور ابتغاء
مرضاة الله عوضها الله بولادة ميسرة وسهلة باذن الله.
(من ترك شيئاً لله عوضه الله خيراً منه) أخذاً من حديث رسول الله صلى الله عليه وسلم الصحيح
فقد جرت سنة الله تعالى في خلقه أن من آثر الألم العاجل على الوصال الحرام أعقبه ذلك في الدنيا المسرّة التامة، وإن هلك فالفوز العظيم، والله تعالى لا يضيع ما تحمّل عبده لأجله. وكل من خرج عن شيء منه لله حفظه الله عليه أو أعاضه الله ما هو أجلُّ منه، كما ترك يوسف الصديق عليه السلام امرأة العزيز لله وأختار السجن على الفاحشة فعوّضه الله أن مكّنه في الأرض يتبوأ منها حيث يشاء، وأتته المرأة صاغرة سائلة راغبة في الوصل الحلال فتزوجها فلما دخل بها قال: هذا خيرٌ مما كنت تريدين.

فتأمل كيف جزاه الله سبحانه وتعالى على ضيق السجن أن مكنه في الأرض ينزل منها حيث يشاء، وأذل له العزيز وامرأته، وأقرّت المرأة والنسوة ببراءته، وهذه سُنّته تعالى في عباده قديماً وحديثاً إلى يوم القيامة.

بصراحه الموضوع مايحتاج لكل اللي صار وانا قريت الموضوع من فتره وبس مالحقت ارد بس انقهرت من الاخت جمانه الاخت اللي كاتبه الموضوع من السعوديه ليش ما قلتي ان بنات السعوديه عادي والا مو عادي لان هي اللي سألت مو وحده من بنات قطر اللي سألت ماله داعي انج تفتين في شي ما تعرفينه.

ثاني شي وليش الوحده ما تكشف عند دكتور كلنا نخاف من الله وكلنا نمشي على سنه رسولنا، مو معنات ان اذا تكشفنا على الدكتور ان احنا فئه ما تستحي، وبعدين لو كشف الدكتور فيه ممرضه تكون معاه والمكان يكون مليان يا مرضات يا مراجعات، يعني مو بخلوه، وبعدين خلنا من الولاده في حالات اخرى ما يكون استشاري الا دكتور فالناس يموتون علشان مافي بهالتخصص دكتوره.

انا عن نفسي اخترت دكتور استشاري ما يكشف الا ممرضته معاه، والسؤال الاهم يعني انا ما استحي على وجهي والا فاصخه الحيا، وماعمري سمعت ان دكتور تحرش بمريضه، واذا تحرش اعتقد تقدر تشتكي، والاهم الدكتور مو بني ادم ترك بيته وزوجته ومسؤولياته علشانكم وانتم تقولون له اطلع برع والا تصارخون عليه هاذي مو شجاعه هاذي بياخه وخصوصا حزه ما يكون الدكتور مناوب اخر الليل وانتوا تهزئون فيه، ويمكن تارك وراه ابو تعبان والا ام محتاجه له والا عيال مرضى.

ومن يومين صادني موقف يأكد كلامي اني رحت عند دكتوره لا وحاطينها بالطواري حزه الحزه قالت لحظه بروح اسال الدكتور وباجي، يعني انا بعد انتظرت هالحمل والياهل اروح اجازف فيه وليش ( المال والبنون زينه الحياه الدنيا)) صدق الله العظيم.

والاهم ليش صايرين حساسين ليش كل ما فتحنا موضوع قمتوا وقلتوا حرام وحلال وانتوا وليش وما تخافون ربكم ومن هالحجي البنت سألت سؤال صريح عندكم اجابه تفيدها قولولها ما عندكم قولوا ما عندكم خبره وسكتوا ((فليقل خيرا او فليصمت))، حابين تنصحون عندكم الخاص انصحوها بطريقه ما تحرج ولو تبون تردون على وحده قالت رايها ردوا برايكم بدون ما تحسسونها انها انسانه غير طبيعيه بتصرفاتها.


بالاخير وادري طولت عليكم انتي سمعتي راي الاغلبيه واخذي اللي اقرب لج، بس دام ان انتي وزوجك مختلفين ممكن دكتورتج اللي تراجعين عندها تتفقين معاها ان هي اللي تجي تولدج وتكتب لج هالشي بالملف، او قولي لزوجك يولدك بخاص وتختارين انتي الدكتوره.

والله يوفق الجميع ان شاء الله

انا ما متزوجة ... لساتني بنت ..

وطبعا رح تولدني دكتورة..كلنا نبي كذا .. بس اذا كانت الحالة طااااااااااااااااااااااااااااااااااااااااااااااارئة ولزم وجود الدكتور خلاص...والله يستر على المسلمات ...ويرزق الجميع الذرية الصالحة ..

اخواتي الحمد لله على كل حال
انا لما دخلت المستشفى كانت 5الفجر وجاني دكتور الساعه8وقال كشف قلت مافي دكتوره بعد فتره جاتني دكتوره وفرحت
والةلاده ولدتني مره
والجراحه والخياطه كان دكتوووووووووووور
موجه النور على المنطقه وباقي الوضع انتو عارفينه كنت اصيح واقول اللهم الهمني صبر ايوب
والله إحرااااااااااااااااااااااااااج
على فكره هذي اول ولادهوالله يستر من الباقي