تجمع للحوامل المغتربات

انا عن نفسى احب ابدا
انا مصرية متزوجة من سنة تقريبا ومن سنة وانا مع زوجى فى بلد عمله زامبيا
معلش هى بعيدة اوى اوى اوى بس اكيد انتو بتقصروها عليا:salam:
انا حامل فى الشهر التانى وانتظرت حملى ده 11 شهر سمعت تعليقات وحاجت يا ما
بس الحمد لله ويارب يثبتلى حملى

هههههههههههههههههههه ماشاء الله عليكى يااخت نور الشمس والهى فكرة برضوا انا معاكى فينك من زماااااااااااااااااااااااان

ياااااااااااااة 11 شهر و سمعتى تعليقات دة انا شفت الويل انا استنيت 6 سنين انا نص مصرية و نص اردنية مولودة وعايشة عمرى كلة بمصر باحلى مكان فى مصر اسكندرية الجميلة و جوزى سعودى طبعا متجوزين عن حب من سنة و نص تقريبا حطيت مشكلتى هنا فى عروس على الرابط دة للى حابب يعرف بس
http://www.3roos.com/forums/showthread.php?t=154544&highlight=%DF%E1+%C7%E1%E3%D4%C7%DF%E1+%E6%E1%E5%C7+%CD%E1
المهم جوزى كان بيدرس و كمان كنا متجوزين من غير موافقة يعنى متجوزين فى مصر بس يعنى حتى لو جوزى مش بيدرس لو خلفت ابنة ماكنش حينتسب لة لانة بالقانون السعودى مش متجوز فاستنيت 6 سنين منهم 4 وهو معايا و بيدرس و سنتين راح بلدة و اشتغل و احنا فى انتظار الموافقة لحد ما ربنا فرجها و خلصت الموافقة بعون الله و الحمد لله بعد شهر من وصولى السعودية حملت و ربنا يكمل لى على خير
انا معاكى حبيبتى ما تخافيش انا حاسة بيكى خصوصا باول الحمل صعب تكونى من غير اهلك الله يعينا
معاكى متواصلة

اهلا بيكى رور احكيلى انتى فين وحامل فى اد ايه .....................................
كل حاجة :gum: :salam: :salam:

اة نسيت اقولك انا حامل فى اخر السابع يعنى باذن الله بعد 4 ايام بدخل فى التامن

والله حبيبتى تقريبا زى قصتك انا جوزى ليبى الجنسية وانا مصرية وشوفى الصدفة من اسكندرية برده من العصافرة الحمد لله ومبروك على الحمل بس ما قلتى انتى فى الشهر الكام

الله يكملك على خير حبيبتى وعقباللى اما اوصل للشهر ده

اةةةةةةةةةةةةة على اسكندرية سبحان الله الواحد مش بيحس بقيمة الشىء الا لما يفقدة انا كنت ساكنة فى جليم على البحر و كنت بشوفة منظر عادى لانى اتعودت علية بس دلوقتى اشوف بحر اسكندرية فى التلفزيون عينى تدمع وحشتنى اسكندرية واللهى
ويارب يكمل لك على خير ان شاء الله توصلى للسابع و للتامن و للتاسع وتولدى بالسلامة كمان
انا فى الاول كنت بحس ان الايام بتعدى بشوييييييييييش بس دخلت على اخر الرابع الايام بقت تجرى
انتى عاملة اية فى حملك اذا فى اى استشارة الدكتورة رور جاهزة هههههههههههه:smile: انا ما وصلتش للسابع بالساهل يعنى اى حاجة عاوزة تسالى عنها اختك رور جاهزة

اه والله ما تفكرنيش مع انى كنت هناك فى اخراجازةومن شهر واحد هما تلت شهور بس كانهم " سنين وربنا يستر ويكملك على خير :shy:

ياريت لو فى اخت مصرية حامل و عايشة فىالسعودية تقولى على :shy:

على :shy:

على :shy:

مكان ينباع فية فسييييييييييخ :shy:

يا جماعة هو مفيش مغتربين كلكم هنا مش مغتربين:sad: :sad: :sad: :ok:

شكلنا انا و انتى بس المغتربين يلة انا و انتى كفاية ربنا معانا
صحيح انتى ما فكرتيش حاتعملى اية ساعة الولادة يعنى قررتى تولدى فين ولا مافكرتيش
على فكرة انا لسة قارية فى قسم المتاخرات عن الحمل انك حملتى بعد استخدام الكلوميد انا زيك بس استخدمتة شهر واحد و بطلتة الشهر الى بعدة حملت بيقولة انة فى احتمال كبير يجيب توام بس انا الحمد لله حامل بواحد بس

الله يتمم لكم على خير
ويرجعكم الى اهاليكم
يارب

شكلة صحيح مافى حوامل مصريات مغتربات هنا :(:(:(

حبيبتى الغاليه رور انا استخدمت كلوميد بعد شهرين هما 2 و3 وبعدها ربنا كرمنى وانا لسة مش مبين لانى يدوب فى اول التانى ان كان واحد ولا اتنين

يا بنات فين تفاعلكم

احم احم
مرحبا بنات
شو اخباركو واخبار الحمل والغربة معكو؟؟؟؟؟ان شاءالله خير؟
حبيت اشارك معكو مع اني بشوف تجمعات كتير و ما بحب اشترك فيها.....الغربة عودتني عالسكوت وقلة الكلام....حتى في المنتديات....
انا مغتربة بالصين وعندي بنت عمرها سنة وسبع شهور وانا حامل في الاسبوع 12
حمل+غربة=:cry: :cry: :cry:
انا تغلبت شوي بحملي بس هلأ الحمدلله كل شي تمام
بس والله مقهورة
كل وحدة حامل بتكون متلهفة لموعد الطبيب عشان تشوف الجنين وتسمع نبضات قلبه وتفرح فيه
بس بالصين ممنووووووووووع
شاشة الالتراساوند بتكون وراي وما بشوف شي حتى زوجي ممنوع يدخل معاي:sad:
بكفي هلأ
وان شاءالله لي رجعة

ولا يهمك اختى لولى من زامبيا للصين الفرق مش كتير
بس هنا دولة من العالم ما قبل التاريخ
ولما تروحى للدكتورة تسالى على شىء ترد بابتسامة عريضة
اى دونت نو
الحمد لله

نور الشمس المصرية:
ولا يهمك اختى لولى من زامبيا للصين الفرق مش كتير
خلص بستناكي تزوريني هههههههه
بس هنا دولة من العالم ما قبل التاريخ
ولما تروحى للدكتورة تسالى على شىء ترد بابتسامة عريضة
اى دونت نو
يا بختك اذا الكتورة بتتكلم انجليزي انا لما اروح للدكتورة لازم اخد معاي المترجمة :qaq:
مع انو الطب عندهم متطور بس ما بتلاقي طبيب واحد يحكي كلمة انجليزي
الحمد لله

كيف العيشة في زامبيا؟ انتي مبسوطة هناك؟؟؟؟؟