جنّه:
لا حول ولا قوة إلا بالله
الكل ينظر للموضوع من الجانب اللي يشتهيه !!
وأتوقع أنه يشوفونكم بالجانب اللي تشوفونهم فيه :)
اعذروني .. لكن آنا شفت حريم خوان عايشن ويانا بنفس البيت غاسلين يديهم من كل شيء, ماعمرنا تدخلنا بخصوصية لهم ولا عمرنا حاسبناهم ع لقمة بالعكس والله ,لكن مع هذا ما يبون يندمجون معانا مثل الخوات .. واحترمنا هالشيء فيهم لذلك ما نتدخل بحياتهم من قريب وبعيد ..
يعني العيب فيهم مو فينا ..لأنهم ما يبون يختلطون ويانا .. !
وهالشيء أبدا مو طيّب ولا يصدر من إنسانه تخاف الله وتحب العلاقات الاجتماعيه والناس وخاصة الطيبه وياها وتتجاوز التوافه ماقدر ألبس , .. يكفي غرفة لو لج بس غرفه تقدرين تسوين فيها اللي تبين ومحد يطالع شنو سويتي !
وانا بعد جم شهر ان شاء الله بأروح بيت زوجي ..
ماشرطت بيت لأن البنات وخالتي احسن منهم مافيه
وع اللبس ..ألبس وأسوي كل اللي أبيه بغرفتي ,بشقتي , بالمحيط الخاص فيني وبزوجي
ما اظن أحد بيحاسبني .. والله مكثر الأقفال اذا كانوا يدخلون من دون استئذان ..
وأقصاها كلمة تنقال بكل صراحه : لو سمحتي هذه خصوصية ويفضل تستأذنين مني ..
وانتهى الموضوع ..لا تلميحات ولا شكاوي ولا نكد على زوجج أهلك واهلك ..!
غير أن البعض يدخلون ع بيت الزوج .. وهم شايلين عمرهم من أي مسؤولية تجاه عم أو خالة ..
اتصور لهم حق والله بيحاسبنا على معاملتنا لهم .. وبدال ما نحنن قلوب أزواجنا على امه وأبوه نقعد نشكي وننكد ع الرياج بالطالعة والنازلة !!
ليش ما تندمجين وياهم وتعتبرينهم مثل خواتج
صدقيني لو كنتِ معتبرتهم مثل خواتج ماكنتِ قلتي انتهكوا خصوصيتي !
طبعا خواتج عادي ينتهكون هذي الخصوصية وماعندج مشاكل لو يفتشون بكل حاجه لج !
طيب شوفيهم مثل خواتج ,مثل أمج .. وانتِ بتريحين نفسج من كل همّ تشوفينه !
انظروا للطباع والمعاملة ..إذا فيها شيء سيئ يبقى من حقج فعلا ومافيه أفضل من ان الواحد يشتري راحة البال ,, لكن اذا كانوا طيبين وزينين .. والله آنا اللي اشتريهم وبأي ثمن
أحسن من المعاملة الحسنه والعلاقات الطيبة ..مافيه في هالدنيا ..
هي كل اللي نطلع منها ..الواحد يذكرج بالطيب ..
واذا بتكسبين زوجج ..برّي أمه وأبوه واهله مثل ما تبرين أمج وأبوج ..
ولو نظرتي لهم مثل ما تنظرين لأهلج ..صدقيني راح يتغير حتى نظرتج للموضوع كله
اعذروني اذا طولت أو قلت شيء يضايق حد فيكم ..
لكن الواحد يقول : اصلح اللي بنفسك أول .. حتى تقدر تصلح العالم ..
ومثل ما قال سقراط : اعرف نفسك :)
دمتم
هلا حبيبتي جنة...اسمج يهبل..عسى الله يرزقنا اياها وما يحرمنا منها آمين..
ميرووك
مقدما فرحت لج واااااااااااايد يوم دريت انج بتعرسين قريب..الله يتمم لج على خير..
بس في نقاط أحب اوضحها مو بس لج..للكل..
قلت في كلامج : " ليش ما تندمجين وياهم وتعتبرينهم مثل خواتج
صدقيني لو كنتِ معتبرتهم مثل خواتج ماكنتِ قلتي انتهكوا خصوصيتي !
طبعا خواتج عادي ينتهكون هذي الخصوصية وماعندج مشاكل لو يفتشون بكل حاجه لج !
طيب شوفيهم مثل خواتج ,مثل أمج .. وانتِ بتريحين نفسج من كل همّ تشوفينه ! "
عكس كل خواتي اللي كتبوا ردودهم وقالوا انهم كانوا ينتهكون خصوصيتهم..ترى انا ما عندي مشكلة أبدا في هالموضوع..انا أتركلهم باب غرفتي مشرع..اللي يبي ياخذ منه شي ياخذ..بس يخبروني...وهم مأدبين يسوون هالشي..وفي المرات اللي ما يسوون فيها هالشي...يعرفون ان ما عندي أصلا مشكلة في هالموضوع!..
أنا شايفتهم خواتي ومازلت أحبهم وما أتمنى لهم إلا كل خير...لكن الله يهديهم بس ..مازالوا يحطون هم الحواجز بيني وبينهم..انت تعرفين من أول ما طبيت البيت ، كنت أيلس وياهم نسولف ونضحك..ويقولون نحن نبا نسير هالمكان أو هالمكان..كنت أقوللهم..الللللله وااايد حلو خلونا نطلع جميع ..طلعة كلها بنات ..بنستانس..والله لين يومج هذا أذكر.. ان بعد هالكلام يسيرون يتلبسون داخل الغرفة ويطلعون جدامي وما يقولون لي تعالي...لا وبعد عمي وعمتي يحتشرون علي ليش ما تسيرين مع البنات السوق أو يتمشون...اعض على لساني وأقول ماعليه عمتي مالي بارض اصلا!!
كل هذا عشان ما أباهم يحتشرون عليهم ...لا وبعد يوم أحد يعزمهم على عرس أو مناسبة..يا ما يخبروني يا يخبروني قبل كم ساعة وهم تقريبا لابسين وجاهزين!
وقبل ما كنت أخبر ريلي عن هالحركات..لأن من وجهة نظري هذولي أهله وعيب أتكلم عنهم جيه...لكن يوم شفت الموضوع زاد عن حده..وان ريلي قام روحه يطيح علي ومايرحمني بكلامه..صرت ماأخبي عنه شي...
يا بنت الحلال..عمتي ما تخلي أي بشكارة حتى في حالها...24 ساعة على راسها حنة ورنة..لين مايجيهم انهيار عصبي ويسافرون..عاد تقول نحن مب محتاجين بشكارة..الحريم اللي في البيت حق شو!
واذا قلت كلامها صح..ترى بقولج اذا صح ..عيل حق شو اذا واحدة اتي البيت عندنا ويا بشكارتها تيود البشكارة وما تهدها الا نظفي واغسلي وسوي...!!!!
من شهر صديقة واحدة من بناتها يت ويابت بشكارتها..فلبينية..بس يوم واحد...وصاحت البشكارة!!!!
انا متزوجة من 4 سنوات الحين..بس رمضان اللي طاف يابوا بشكارة وماتحملت وراحت بعد...
بتقولين لي انت حرمة مهما كان والحرمة تهتم ببيتها...انا معاج بهالشي..بس هل هذا معناه اني انظف ورا بناتها!
كل البنات موظفات على فكرة..يعني يردون من البيت تعبانات ويمكن يرقدون العصر للمغرب..وطبيعي جدا ..يتعشون ويشيلون الصحون للمطبخ ويحطونها للصبح...ووقتها انا قعد واتريق ويالله نظفي هالمطبخ!!
البعض بيقول لا تغسلين..بقوللهم ترى انا قمت أنظف بس عشان عمتي ما تضطر تغسلهم..أعتقد عيب..
وعشان أنا تلوع جبدي من الوساخة...وما أعتقد اي بنت تحب تعيش في الوساخة..
شي ثاني طبيعي لو قلت لهم عن هالشي يقولون ترى محد قالج غسلي ونظفي ..بس انا اللي ما أبا المشاكل..
وبصراحة قمت أحتسب كل شي لرب العالمين..
وعشان ما أظلم أحد.. ترى مثل ما قلت..هم 3 بنات واحدة متزوجة في بيت ريلها وال2 بعدهم..الثانية والله يشهد انها واااايد زينة...واايد تحاول انها تنظف في البيت ..بس هالموضوع بعد بنقول في الأسبوع 2-3 مرات أما الأخيرةه هي الفظييييييييييييعة....وااااااااااااااايد كسولة وماتعرف شي عن الاهتمام بالبيت..لأنها دلوعة...
واذا على سالفة اعين ريلي على بر أهله...ترى هم 4 أولاد وريلي هو الأخيرمنهم..2 منهم متزوجين وقاعدين في بيوتهم مع عوايلهم..واحد مب متزوج بعده ...وريلي..
أهله على عيني وراسي..لكن هل هذا يعني انه عشان أهله..يترك حرمته الحامل في الشهر الثالث عند أهلها خلها تتدبر مين يوديها الموعد عند الدكتورة..عشان يورح حضرته عند أهله ويوم يدري ان اخته المتزوجة عندها موعد اليوم الثاني عند طبيب الأسنان ..مع ان ريلها قال بيوصلها..!!
يتبرع ابو القيس الهلالي ويقول انا بوديكم عند الدكتور..- على فكرة في هذاك اليوم كنا رادين من امارة ثانية يعني مشوار 3 ساعات ودكتور اسنانها في هذيك الامارة- يعني يابني البيت عند أهلي واخذ اهله وراح.