امي و زوجي - منتديات عروس

ا

ام احمد

عروس مبدعة

27-04-2007 | 11:06 AM

مرحبا

انا متضااااااايقه كثييييييييييييير من امي

كنت اتمنى انها توقف في جنبي و الجأ لها في الأمور الي تضايقني
لكن بسبب البعد الي بينا مع انها معي في البيت ما اقدر اتقرب منها
تفكيرها غير تفكيري للأسف تحسب للجاه و المنصب الف حساااااااااااب
ما ادري اشلون اوضح لكم

وقت الي تقدم لي خطيبي مدحته كثيييييييييير ورفعته فوووووق وسبب جاه ابوه و منصبه
طبعا ها الامور انا ماهمتني كلمت اخواني يسألوعنه و الحمدلله الكل مدحه كثير
قالو عنه طيب و حنون و خاف الله و خجول و ملتزم
وكل هذه الامور خلتني اوافق عليه انا يهمني انه ملتزم و يخاف الله حتى اعيش سعيده

والحمدلله وافقت وتمت الملكه ويكلمني اكتشفت انه انسااااااان رائع

لكن امي دائما تقلل من قدره عندي وعند اهلي ليش انه مايشتغل شغله عدله
هو يشتغل يا بنات في مخبز للحلويات اللي يملكها ابوه ويستلم راااااتب

بس امي دائما من طريقة كلامها و نظراتها الي وقت الي اتكلم عنه اتقلل من قدره
آخر موقف اليوم الصباح
انا كنت في بيت جدتي و ماخذه معي ولد اخوي
ولد اخوي بدأ يلعب في آثاث البيت و امي صرخت عليه وهي تضحك
قلت لها خليه مايصير تصرخي عليه يمنا
قالت جدتي تدفعي حساب كل شي اذا اخترب قلت لها ان شاااااء الله و اعطيك الضعف مايكون خاطرك الاطيب
ردت امي قالت من وين لش؟
ريلش مايشتغل وماعنده شي ما ادري من وين تدفعي عصبت وقلت لها الكلمه الطيبه تريح النفس
قالت صح
بس الواحد ما يقول شي لا ويسويه
قلت لها ان شاء الله زوجي يشتغل مع عمال البلديه ما يهمني المهم انه يشتغل
و اذا شريت شي للشقه وقلت لها قالت مش من عند زوجك كل هذا من عن ابوه
واذا شافت الشي الي شريته غااالي
قالت ايه شكله يلعب في فلوس ابوه و ابوه مايدري عن شي

يا بنات و الله انا متضايقه كثيييييييييييير

ودي بعد الزواج اقرب زوجي من اهلي وخصوصا من امي بس
اذا امي تقلل من قدره اشلون اقربه منها

بينما الوالد الله يحفظها ماتهمه كل ها المظاهر
اهم شي الولد و سمعته و اخلاقه

قولوا لي يابنات اناغلطانه في شي
هل موافقتي على شخص يشتغل في احد محلات ابوه عيب او خطأ

زوجي ماكمل دراسته خلص المتوسطه بس هل هذا شي يعيبه اذا كانت اخلاقه عاليه
ومن محبي قراءة الكتب الدينيه و الثقافيه

مع ان اخواني مرتاااااحين له كثيييييييير

بس ما ادري شنو اسوي مع امي احس اني ابتعد عنها وعن الكلام معها افضل لي
انا ما ابغى ابتعد عنها لأنها امي

شورور عليي يا بنات الله يخليكم:sad:

ن

نورة1980

عروس برونزية

27-04-2007 | 11:18 AM

الله يعينج يالغاليه..اسمعي انا بقولج شي اذا انتي مرتاحه مع زوجك..ما عليج من اي احد حتى اذا كانت امج واسمحليلي..والله الدنيا ايش تسوا اهم شي تكوني مرتاحه معاة..الله يهنيج ووفقج حبوبه..وانا بقولج شي انا يوم تقدملي زوجي تدرين انه اهو ماعندة شهادة خير شر ابدا ولج عليه شوي شوي يقراء ويكتب يادوب بعض الكلمات..والحمدلله انا مرتاحه وايد معاة..بس اهو صغير لاكن معطينه تقاعدهاي الي مضايقه بس الحمدلله عندة تجارته الله يوفقه ياربي..وانتي كلمي زوجك انه يفكر في التجارة والله بوفقه ان شاءالله..بس اهم شي في الدنيا انج تكونين مرتاحه معاة..حتى لو كل يوم تاكلون خبزة يابسه الحمدلله نعمه..الله يوفقج حبيبتي ويريح بالج يالغاليه..

ن

نورة1980

عروس برونزية

27-04-2007 | 11:21 AM

الله يعينج يالغاليه..اسمعي انا بقولج شي اذا انتي مرتاحه مع زوجك..ما عليج من اي احد حتى اذا كانت امج واسمحليلي..والله الدنيا ايش تسوا اهم شي تكوني مرتاحه معاة..الله يهنيج ووفقج حبوبه..وانا بقولج شي انا يوم تقدملي زوجي تدرين انه اهو ماعندة شهادة خير شر ابدا ولج عليه شوي شوي يقراء ويكتب يادوب بعض الكلمات..والحمدلله انا مرتاحه وايد معاة..بس اهو صغير لاكن معطينه تقاعدهاي الي مضايقه بس الحمدلله عندة تجارته الله يوفقه ياربي..وانتي كلمي زوجك انه يفكر في التجارة والله بوفقه ان شاءالله..بس اهم شي في الدنيا انج تكونين مرتاحه معاة..حتى لو كل يوم تاكلون خبزة يابسه الحمدلله نعمه..الله يوفقج حبيبتي ويريح بالج يالغاليه..
وبعدين والله مب عيب اذا كان يشتغل في محل ابوة بالعكس هذي اكل عيشه والله يوفقه ويوفقج ياربي دام انج مرتاحه وياة هاذي تسوا الدنيا وما فيها وموفقين ياربي..

M

MRS BH

عروس نشيطة

27-04-2007 | 11:27 AM

حبيبتي ولو يكون لك فكر ..

عمرها هذه الشغلة ماكانت تعيب الرجل .. واللي يهم الاخلاق والسمعة الحسنة.. وبصراحة شغلته عادية يعني مو شينة واجد .. بالعكس المفروض توكنين فخورة فيه

وامج مع الايام راح تعرف ان زوجج انسان محترم ومالي هدومه ..

(

(أمل عمري)

عروس مشرقة

27-04-2007 | 11:35 AM

بالعكس حلوه شغلت زوجك اهم شي انه يشتغل ولقي نفسه بالشغل مو مهم إذا عجب احد المهم هو عاجب نفسه واثق في نفسه ان شا الله لو يشتغل مكان العامل في البوفيه اعرف واحد كان يشتغل عامل في بوفيه شوي شوي سواله سلسلة مطاعم وكانوا كل الناس تعايب فيه وجيب لك عامل وهو ما سمع كلام الناس واثق في نفسه الرجال شوفي وش سوى ام امك الله يهديها وش بسوي الجاه والمنصب وانا مو مرتاحه معاه قولي لها كذا اهم شي الراحه

S

SHREEFA

أخصائية اجتماعية

27-04-2007 | 11:48 AM

اهم شي انتي
مرتاحه مع الرجل والرجل اخلاقه عاليه ولايعبه شي
الله يهنيج معاه ويسعدج ويوفقكم ان شاء الله ويرزقكم الذرية الصالحة
وهذي امج سمعي وطنشي لا تتضايقين طبعها جذي والناس اطباع سبحان الله
اهم شي سعادتج وراح تشوف بالنهاية اذا انتي مرتاحه راح تغير رايها بس عطيها فرصه ومع الوقت كلشي راح يتعدل واذا اهو زين معاج راح تحبه
اهم شي سعادة بنتها

دمتم سالمين
اختكم شريفة

ا

ام عمـار

مشرفة سابقة

27-04-2007 | 03:50 PM

اهم شي انك مرتاحة و متفاهمة معاه و لا تفكرين باي شي ثاني

لان انتي اللي راح تعيشين معاه مو امك

الله يوفقك و يتمم عليكم بالخير

y

yaman

عروس مشرقة

27-04-2007 | 03:51 PM

أحنا يهمنا كثير رأي الوالدة لطالما الوالد مرتاح له خلاص لاتعيبي حالك مع أمك ومولازم تقربي مابين الوالدة وخطيبك خليها بعيد لا تقول له كلام يجرحه

&

ღ الينبوعه ღ

مشرفة سابقة

27-04-2007 | 10:23 PM

ابرار الجنة:
اهم شي انك مرتاحة و متفاهمة معاه و لا تفكرين باي شي ثاني

لان انتي اللي راح تعيشين معاه مو امك

الله يوفقك و يتمم عليكم بالخير

كلام خواتي عين العقل والله يوفقج عيني

ا

العائدات

مشرفة سابقة

28-04-2007 | 03:12 AM

حبيبتي الهوية الضايعة

جعلك ماتضيعين عن الجنة يارب

اللي تسوينه صح

وامك حاولي تفهمينها انو هالشئ يضايقك واذا تبي مصلحك وماتبي تزعلك لاتقول مثل هالكلام

الله يوفقك مع زوجك وامك يارب

اختك

عائدااااااااات

ا

ام احمد

عروس مبدعة

28-04-2007 | 08:35 AM

مشكوووووووووووووورين ياعمري على المرور و المشاركه

ما اعرف كيف ارد جميل كل وحده منكم
اهدي لكم ثواب الصلاة على محمد وآل محمد

موفقين ان شاء الله