أحس إني أموت موته بطيئه أرجوكم لاتتركوني

ينات سويت استخارة وطلعو اثنينهم اوكه
:sad:
بموووووووت خلااااااااص

قولو لي شاسوي؟؟؟؟؟؟

:( :( :(

مو لازم تحسين بأنهم اوكي

الاستخاره تساهيل وربي بيسهل لك الخير سواء واحد منهم او غيره

اللي لازم تسوينه انك تختاري وقت تكوني فيه هادية وتحددي واتخذي قرارك
وقولي لنفسك ليش اتخذتي القرار على اي اساس والمرحلة الثانية انك تواجهي
لازم تكوني صادقة مع نفسك عشان ماتتعبي..
اتمنالك التوفيق والله اني حاسة فيكي كتييير

الله يفرج همك ويسر دربك يارب

استخيري رب العالمين والله يساعدج انشاء الله



وحطي في بالج ان الحب مب كل شي والزواج من شخص تحبينه غير عن الزواج بشخص اهو يحبج والله يسوي الي فيه الخير والصلاااح انشاء الله

اختي ..

الاستخارة مو يعني يطلع لج الاثنين اوكي فديتج


انتي بالاستخارة تتوكلين على الله في انه هو ييسر لج امورج

ويبعد عنج الشين ويقرب لج الزين بدون ماتحسين

يعني يصير شي الهي يخلي الشي اللي مو خير لج يبتعد .. فهمتي ؟؟

لانج تقولين (( ان كنت تعلم ان هذا الامر خير لي في ديني ومعاشي وعاقبة امري فيسره لي ... الخ )) ..

واذا كانوا الاثنين مو مناسبين لج .. يقدر لج الخير حيث كان ..

لانج تدعين بالاستخارة بهالشكل .. فهمتي حبيبتي ؟؟

يعني ترمين حمولج على رب العالمين في هالأمر

والله ييسر لج .. ويرزقج الزوج الصالح اللي يموت فيج وتكونين له عيونه المركبة :)

ارجعي الى الله واستخيري ماخاب من استخار ولا ضاع من استشار

امج ادرى بمصلحتج والله

تخيلي اذا تزوجتيه ورحتي معاه لبلاده وانتوا من الحين ما اتفقتوا
وصار خلاف

عيالج وين بيتمون ؟؟ عندج ولا عنده

اهلج ما بتشتاقين لهم

وانتي قلتي ظروفه مو زينه يعني ما ترومين تسافرين لهم ولا بتقدرين تتواصلين معاهم بحكم غلى الاتصالات الدوليه


فكري بعقلج بعدين قلبج

هذي حياه وارتباط

موب حب وبس

ومثل ما حبيتيه بتحبين غيره صدقيني

الحين تتخيلين انج مستحيل تحبين غيره

لكن القلوب بيد رب العالمين

خذي ولد بلادج احسن لج



موفقه

خذي ولد بلادج احسن لج
موفقه

خذي ولد بلادج احسن لج
موفقه

ماقصرتوا خواتي وربي يعطيكم العافيه
وان شاء الله يصير الي فيه الخييير

نواعس عسلية:
اختي ..

اول شي الله يعينج على معاناتج ..

بس سمعيها من اخت اكبر منج بالعمر ..

انا لاحظت من كلامج انج ماتعرفين الحياة عدل لانج صغيرة في العمر ..
ولا انطحنتي فيها وميزتي الزين من الشين

يمكن اللي بقوله ماتتفقين فيه معاي ولا اكثر اللي راح يدخلون ويردون

لكنه الواقع ..

الحب فديتج مو كل شي في الزواج .. ويمكن انتي سمعتي قصص كثيرة لزواج عن حب
لكن النهاية كانت فاشلة والعواقب من هالعلاقة كانت وخيمة .. مشاكل وجروح ومحاكم وغيره
غير المشاكل اللي توصل للشك والخيانة والضرب .. و المعاير

كله بسبب الاندفاع اللي سبته الحب والعاطفة القوية اللي لغت العقل والتفكير في هاللحظة والرغبة ان بس يكون الاثنين مع بعض واي شي ثاني مو مهم


الحب مايكفي لبناء حياة زوجية سعيدة .. وناس وايد تزوجوا عن اقتناع .. يعني زواج عقل
والحين حياتهم سعيدة .. مرتاحة مع زوج يحبها ويحترمها وشايلها على راسه

انا ماقول لج اخذي واحد ماتحبينه ولا تواطنين تشوفين وجهه .. بس على الاقل فيه راحة نفسية تجاهه واقتناع

قعدي مع نفسج .. فكري وحكمي عقلج ..

زوج عاقل سوي .. مشاعره وتفكيره ناضج .. مسئول .. تقدرين تنامين وانتي مرتاحه وراج رجال يحميج .. يلبي لج طلباتج .. حكيم .. مايتسرع في الحكم في المشاكل اللي تصادفكم .. ويعرف يحلها وياج بهدوء وتعقل .. يحترمج ويقدرج ومايرفع صوته عليج عند أي مشكلة بل بالعكس يقعد معاج ويتفاهم بهدوء ونضج

والا زوج تموتين عليه .. ويموت عليج .. لكن غير ناضج في تصرفاته .. يهاوشج على اقل شي .. غيرته غير مبرره ولا يعالجها بروية وحكمة .. طايش .. يسوي من الحبة قبه .. ويرمي عليج اللوم كله لو حد التفت عليج في الشارع ؟؟

اختاري !!

اختي لازم تفكرين لقدام .. مو بس في يومج وبكره ؟؟
لاتخلين مشاعرج تغلب عليج .. انتي اليوم صغيرة بس بكرة راح تكبرين وتفهمين الحياة صح .. وراح تنضج مشاعرج ويتغير تفكيرج ومفهومج للاشياء ..
واللي تحبين اليوم تسوينه بكره يمكن ماتحبينه
وفيه امور راح تشوفين لما تكبرين اكثر وتنضجين انها كانت تافهة

ذيك الساعة راح تكتشفين ان اختيارج كان خطأ وانج تسرعتي .. خصوصا مع استمرار المشاكل معاه .. وفقدانج لصبرج .. ماراح يظل شعورج نفس الشي ..

هذا انتي الحين .. للحين معاه على البر .. ومليتي من تصرفاته .. شلون باجر سنوات عشرة وحياة,, ووجهج في وجهه طول اليوم؟؟ وهو مع تصرفاته هذي ؟؟

فكري زين حبيبتي .. الحياة قدامج واسعة وانتي بعدج صغيرة والفرص راح تجيج
ويمكن تحصلين اللي أحسن منه ,, ومحد يموت من الحب .. ومرد الايام تنسيج

والله عطانا نعمة النسيان .. ياما ناس فقدوا غالي .. اهل عزيزين علينا توفوا .. ومتنا وفركنا قلوبنا بالارض حسرة وحزن على فراقهم .. وحسينا ان الدنيا ماتسوى عقبهم ..

لكن وينا الحين ووينهم .. هدينا ونسينا .. والجرح اندمل ..
نترحم عليهم ونذكر محاسنهم بالخير


ويمكن لو فكرتي بعقل وخذتي واحد فيه المواصفات الطيبة ..
اكيد مع معاملته لج وهو بكل هالاطباع الحلوة راح تحبينه وتموتين عليه بعد

صدقيني الحرمة مشاعرها طيعة لينة ..
واذا لقت رجال طيب عاقل رزين ناضج حنون عليها .. راح تحبه غصب ..
واللي بيزيد من هالشعور .. انها حلاله وهو حلالها .. هذي بحد ذاتها عامل انجذاب لا شعوري


اختي ..

لاتضيعين فرصة حلوة .. على احتمال يمكن انه يرجع ..
وحتى لو رجع ..
هل بيغير من تصرفاته ويعقل؟؟
واذا مارجع وطال الزعل .. بيخليج يعني معلقة جذي ..
وانتي تضيعين فرصة ورا فرصة وكل وحدة احسن من الثانية
علشان ماتشوهين صورتج قدامه .. وشلون عن صورته قدامج؟؟ ليش مايفكر هو جذي ؟؟

اختي ..
حلو ان الانسان يرضي الطرف الاخر بس مو على حساب نفسه ..
لازم يكون هناك توازن ترضين غيرج وترضين نفسج علشان تعيشين مرتاحة
ومايصير الشي فوق طاقتج وبعدها تملين والا تجيج امراض بسم الله عليج


وبعدين عقب هذا كله

اذا تخلى عنج خطيبج .. انتي اتمين تتحسرين على عمرج ؟؟

اذا هو جاد خله يرجع ويصلح اخطائه اذا فعلا متمسك فيج ويحبج .. ويبي هالعلاقة تستمر وتنجح

مو يقول لج كيفج !!! وين تمسكه فيج ؟؟ وين التنازل منه علشان تنجح علاقتكم ؟؟ ..مافيه

اختي فكري في كلامي

حطي النقط على الحروف معاه .. قولي له .. علاقتنا بدت تخترب لان تصرفاتك كذا وكذا وكذا

واذا انت فعلا تبيني وتحبني ومتمسك فيني .. حط لهالشي حد ..
وصلح تصرفاتك لان بهالشي ماراح تستمر الحياة

واذا عاند .. عرفي ان مامن وراه امل .. وفعلا مايناسبج .. وبجذي سويتي اللي عليج
وقوليله هالشي ..


وتوكلي على الله وشوفي حياتج ونصيبج .. قبل لايفوت الاوان .. وتتندمين


وبالتوفيق ان شاء الله ..

ههههههههههه ولاتزعلين ياعسل بقولك على معنى الوابل الصيب

يعني المطر الغزير مو غريب ان شاء الله اللحين

يلا ياعسوله طمنينا عليك وان شاء الله يكون اختيار ماتندمين عليه طول حياتك

تحياتي لك000