فينيييييييييييييي غصه فقلبي... بموت من امس مانمت :(

الله يعيييييييييييينج اختي

بس السموحه منج واضح من كلامج ريلج يغلط ويعتذر وانتي تسامحينه يعني هو متأكد مهما غلط فحقج بيرد يصيح وبتسامحينه لازم تاخذين موقف جاد تحسسين به انج مب هينة ولا لعبه اوكي انا ما اقولج سوي شي يضر حبكم لا والله بس عالاقل يحس بكرامتج واذا انتي موجوده ليش يروح عند الغير؟ شو قاصرنج شو اللي يشوفه في غيرج وما فيج انتي ؟؟؟؟؟؟؟؟

الله يصبرج اختي ويرد شملكم يارب ويبعد عنج وعنه كل حرام يارب

بالتوفيق اختي

الله يهديه...
إسمعي إقعدي بيت إهلج....فترة بسيطة ولا إطوليين ..ليين ما تحسيين إن الحمدلله بخير...فكري بعقلج ومب قلبج..شبتسوين إذا جه بيت إهلج وإطلبج..؟؟ إقعدي معاه وخلج قويه وراسج مرفوع وكلميه بدون ما إطالعيينه عشان يمكن يرجع لج إحساس الشوووق ولا تبينين له إنج ضعيفة جدامه خليه إهوا يضعف ...عشان ما يكررها.. ......وكل شيء بتفاهم وفهميه إلي يسويه غلط وإطلبي منه:
إولا: يغير رقمه...
ثانيا:تبدون حياة جديده ويجعل إهتمامه كله لج.....ولا يفكر بغيرج..

لاتهملينه من همل فقد

قوليله اللي ياكل من لحم الناس بيجي من ياكل من لحمه

والله يصلحكم

انا اقول امكن زوجك مسحور مدام يقول عن نفسه انه تعبان حبيبتي انصحك قبل لا تفقدين زوجك اقراي عليه ايات من القران خاصه سوره البقره وااقرايها في ماء وخليه يشرب منها واذا خرج حصنيه بلاذكار الشرعيه وحصني نفسك والله يعينك

مشكوررررررررين ع الوقفه اللي وقفتوها معاي..والله ماراح انساها لكم كلش ..
اقولكم جا الظهر لاني طرشتله مسج انه يجي ينام لانه مانام من امس... بس كلامي معاه وايد كان جاف..وبعدها نمت وهو نام بعد..
واحنا نايمين حط راسه على صدري وحسيته وايد ضايق!!!! بس انا ماكانت لي اي ردة فعل... تميت شوي وعقب قمت اصلي...
اعامله بجفاف كم يوم؟؟بس احسه محتاجني اكثر من اي مره وكاسر خاطري!!!
واليوم انا اصلا كنت بروح انام بيت هلي يومين كنا متفقين عشان ينام عند ابوه بالمستشفى..وانا اتم بروحي فالبيت...
فأحسن عشان يقعد يراجع حساباته وضميره..

شوفي حبيبتي لاتقولين طاح من عيني لانه كل انسان يغلط ومهما كان هذا زوجج او قفي يمه ومديله ايدج وحاولي تبعدينه عن هالشئ...

قوليله يتقرب من ربه اكثر ويتعوذ من الشيطان ولما تجي لحظات الضعف على طول يروح يتيدد ويصلي ركعتين ويقر قرآن..

صراع نفسي صعب بس فالنهايه مايطيح في الحرام..

انا دايم اقرا عن مشاكل الأزواج انه زوجها يكلم او تكتشف اشياء اخس..

بس الغلط مو من الريال بس الغلط من البنات..الدنيا تغيرت حبيبتي وراح زمان المستحى

الله يهدي بناتنا وشبابنا ويحفظهم

تعوذي من الشيطان..وخلي عندج عزيمه تساعدين ريلج

روحت بيت اهلج مو حل يمكن يفتقدج ويعالج الغلط بالغلط

وادعي ربج يهدي زوجج:)

والله يصلح بينكم يارب:)

السلام عليكم حبيبتى والله يكون بعونج ويساعدج هذا شى صعب بس خليج قوية ولا تخلين بنات الحرام ياخذونة منج ودائما إدعيلة باالهدايةوانا صار معاى هاالشى قبل18سنة مع خدامة والحمدلله الحين عمرى48وعمر زوجى 53والهادى الله

الله يهديه ويسهل اموركم

تريثي

اهو غلط بس مو عارف طريق التوبه الصحيحة

بس بادرة انه يعتذر بقوه بادرة جيده

حاولي تذكرينه بان الله فوقه لازم يتقي ربه عشان نفسه مو بس عشانج فهو محاسب

وشوفي اذا يفيد انج تقوليله ان هذي اخر مره يحصل الحرام هذا

الله يكون بعونج

والله اعلم

زوجك يا مسحور يا ضعيف الاراده مالك الا الدعااااااااء والصبر أختي والله يعينك يارب

اللــــــــه يهديه ويصلح حـــااله يارب ويبعد عنه بنات الحرام ...
ادعييله يالغاليه ... وربي يعطيج الصبر والثبات والنصر ...

حبيبتي خللك مع زوجك ولا تفرطين فيه والشيطان شاطر ويا ما تعرضنا لكدي سوالف وسوينا نفسنا مو شايفين والحين احنا لهم وهم لنا انا اقول حكمي عقلك ولا تتهورين والله يسعدك ويوفقك يا رب وتري الي يدورون الزلات وايد

ياحياتي الله يصبر قليبك ويعينك ياارب
وانتي تاكدي اول شي اذا فعلا غصب عنه اوقفي معاه وسانديه لحد مايتخلص من وسوسة الشيطان
الله يكون بعونك ويفرج همك يارب ويهدي زوجك ويسخره لك من جد عورتي قلبي

حبيبتي اذا كان زوجك يحبك وطيب معاك لازم تحاربين عشان حياتك تستمر والله قريت موضوع قريب من موضوعك بس الاخت كان زوجها يروح مع وحدة في بيت بروحها وكان يسفرها معاة وكان يصرف عليها صرف ماتتخيلين وزوجتة مطنشها حتى مصروف كان مايعطيها المهم فكرة في الطلاق ودلتها صديقتها على دكتورة ناعمة الهاشمي هي في الامارات وبديت العلاج في تغير شخصيتها وطريقة تعاملها مع زوجها وفي النهاية الزوج رجع لزوجتة انتي افتحي قوقل وسوي بحث الدكتورة ناعمة الهاشمي بتلقين قصص كثيرة كلها عن خيانة الزوج وتشوفين الطرق بس اهم حاجة حافضي على زوجك والله يسعدك ويهدي زوجك ويكفيك ويكفيني شر الي مايخافون الله

dun dun:
هلا صلصوحه...
حتى لو غير رقمه .. البنات اذا يبون يوصلون حق شي بيوصلونله...
وماظن الواحد يقدر يغير رقم صارله 10 سنوات عنده ....
مشكووووره حبيبتي
:(:(:(:(

ليه لا يا أختى

كل شئ ممكن خصوصا لو نيته صادقة انه يتغير .. وزى ما اعطى رقمه القديم للأصدقاء والأقرباء

يعطيهم الجديد

جايز يكون ضعيف امامهم لكن اذا ارداته قوية وطلب العون من الله فلن يخذله

اذا انتِ تشعرين بمدى ندمه وصدق رغبته فى التوبة كونى بجانبه ولا تتركيه

اختي الحبيبه
ما دام زوجج يعتذر لج ويبين ندمه لازم توقفين معاه
لانه والله اعرف بنات ازواجهم يتبجحون جدامهم بمعلافة البنات

مشكوووووووووووووووووووورين على رفع معنوياتي ..
وانا الحمدلله الله يسرلنا وانشالله على اول طياره ورايحين العمره ... احس محتاجين نروح ونفتح صفحه يديده جدام رب العالمين.. ادعوا لي بالتوفيق وانشالله باجر الصبح احنا رايحين ولين ارجع بقولكم اشصار معاي..
مشكورين كل وحده ردت على موضوعي ومشكلتي الله يوفقها دنيا واخره ويبعدها عن عيال الحرام وينولها اللي فبالها يااااااااااااااااااااااااارب

كلام وايد وايد يزعل حبيبتي :sad: الله يصلح ما بينكم

حبيبتي زوجج محتاج لج وايد هاي الفتره .. طولي بالج والله قصتج تصيح .. اتقربي منه اكثر صح ان هذا الشي يزعل بس حسسيه انج مش زعلانه منه وان ما صار شي .. اقعدي معاه وكلميه بهداوه .. دامه هو اختارج عن حب يعني فضلج عن اي وحده يكلمها .. بينيله انج انتى حبيبته وانتي صديقته وانتي ام اعياله .. يمكن هو تعود على ان يكلم بنات .. سويله جدول يقلل فيه كلامه مع البنات لين ما يتركهم بشكل نهائي.. كم مره كلم فلانه و علانه في اليوم او في الاسبوع خليه يثق فيج .. اذا كلمهم اسويله على الجدول علامه X و احسبي المرات .. ادري هذا الشي صعب بنسبالج بس حالة زوجج وايد صعبه والله اعرف وحده سوت هذا الجدول لزوجها وترك البنات وترك السجاير والحين ريال ما شاء الله عليه ملتحي وصاحب دين ولله الحمد .. اكسبي زوجج خلج انتي الزوجه وانتي الام وانتي الحبيبه وانتى الصديقه :shy:

الله يوفقج ويصلح ما بينكم ويسعدكم دنيا واخره

الله يعينك حبيبتي ..

والله يفرج همك ..

بس نصيحتي ..

لاتخلينه وتروحين لأهلك ..لأنك كذا بتعطينها فرصه تستفرد به

وهو كمان ..ممكن الشيطان يوسوس له ويتمادى معاها ..

فلا تعطينه هالفرصه ..

خليك جنب زوجك أحسن .. وشوفي لك حل وإنتي فبيتك ..

الله يكون في عونك ..

دامه معترف بغلطه ويبي يتغير خليك معاه

مو ازين من غيره يغلطون ويصرون على الغلط

دامه يبي يتغير فهو يقول بقلبه خليك معاي وساعديني

الله يهديه ويثبته على الخير يارب

حبيبتى انا لومكانك اقعد معاه واساله سؤال واحد بس انا مقصره معك فى شىء؟
هيقول لا قولى ليه اومال ايه سبب اللى بيحصل ده

هيقعد يتاسف ويقول ويعيد

قولى ليه خلاص لكن لو حصلت مره تانيه انا هاخد موقف لانى سامحتك مره واتنين وتلاته وكل واحد وليه طاقه

وبرده خليه يغير رقم موبايله علشان بكده تكونى عملتى اللى عليكى من كله بحيث لوغلط تانى يبقى هو الجانى زى مابيقولوا
ووالله يهديه