آلم مش طبيعي من الدورة..خلاص تعبت

عيون بوظبي 25-04-2007 7 رد 920 مشاهدة
ع
السلام عليكم ورحمة الله وبركاته

خواتي .. انا صدق صدق تعبانه ...

يمكن الكل يشتكي من آلام الدورة ... بس صدقوني الي احسه غيير .. :sad:

اول كم شهر لما ركبت اللولب .. كان اييني الم الدورة قوي وتقلصات قوية في الرحم ..

بعدها بفتره صارت عادي ..

الحين ردت لي من الشهرين الي طافوا .. آلام رهييبه وتقلصات وايد احس اني بطرد شي من داخلي .. ذكرني بآلام الولادة :sad:

غير النفخة الي في بطني .. احس الم الدورة مع غازاااااات وانا عاد قصتي ويا الغازات ما تخلص ..

الحين معقوله الم الدورة جي طبيعي .. انا ادري انه مغص بس .. لكن تقلصات هذي ماكنت احس بها ابد ..

طبعاً الالم يمتد لريولي وظهري .. يعني النص التحتاني عندي موووول ما ينفع كل شي فيه تعبان :confused:

وكل شهر اصنف واعصب بالذات لما قامت الدورة تتخربط اقول خلاص بشيل اللولب ويا انا ويا هو ..

بس اخلص .. اقول ماعليه اللا هو تعب كم يوم .. احسن اتحمل ولا اتعب بعدين ويصير حمل في وقت مش مناسب..

والدورة هالشهر ردت نفس قبل اتقدم 4 ايام ..

الحين انا مب عارفه سبب هالآلام .. يعني انا اعرف انه الدورة تستوي غزيرة مع اللولب.. بس عاد الالم يكون مضاعف ؟؟ :angry: بتقلصات ولادة؟؟ هههههههه

لا غير جي تعرفون انه هذا 5 يوم لي من بدت الدورة بس اليوم نزلت عدل ؟؟ واللا 4 ايام الي طافوا كان بس مجرد افرازات سودة كثيفه؟

تعبت والله حد يعرف شو الحل ؟؟ وهل هذا طبيعي مع اللولب ؟؟

تحياتي
*
ياختي ليش ما تريحين عمرج وشيلين اللولب

ويكون المانع طبيعي أريح لج وأحسن لصحتج

وقبل هذا لاااازم تراجعين الدكتورة هي إلي راح تفيدج عن حالتج

واتمنى لج التوفيق
أ
اعتقد هذي اعراض غير طبيعية

لازم تقولين حق الدكتورة

و سمعت عن لولب هرموني ما يسبب اي الام ابداً اسمه ميرنيا و مريح و مضمون
مادري اذا هذا نفسة الي تستخدمينه ولا لأ بس سألي الدكتورة و لا تسكتين
F
هلا عيون,,,

أنا من الناس اللي يوم تيهم الدورة تعقهم عالفراش,,,طبعاً آلام فضيعة في البطن والظهر والريل، مع الترجيع,,,<<< ســـوري بس مابغيت ألوع جبدكم

كانوا يقولولي عقب الولادة يخف ألم الدورة، وصدق كان الكلام في أول 3 شهور، بس عقب خلاص ردت تيني مثل قبل والله عذاب,,, وانا من النوع اللي ماحب آخذ حبوب مسكنه بس أحين اضطر آخذ لاني صراحة كرهت ويع الدورة...فشو أسوي يوم تيني؟؟ أول ماشوف انها شرفت,,,آخذ حبة بروفين الورديه...وأدهن بطني وظهري بالفكس الأزرق الحار...وأحس ببروووووووووود في مكان الألم، جربي فالدورة الياية وشوفي النتيجة، خواتي أحين ماشين ع هالخطة...

أما عن اللولب والله الغالية ماجربته ولا أفكر أجربه...انشالله اللي يستخدمونه يفيدونج أكثر...

وبعدين خلاص حرام عليج,,,شيلي اللولب...مصبج ماشالله عليه استوى معرس...
ف
يمكن كل هذا من اللولب

لانه مايناسب البعض ويسبب لهم نزييف


خبري دكتورتج .... هذا احسن حل
م
من الأفضل تشيلي اللولب لأن الظاهر مو طايح عليج...

ومنعي طبيعي أحسن.....
ع
هلا خواتي

اسمحولي على التأخير
انا حاطه اللولب العادي مش الهرموني ..

اما عن مصبح صح انه كبر بس وراي سنة دراسه بعدني ...

وكل ما ابا اشيل امي تعطيني محاظره انه ولدي صغير ووراي دراسه والطبيعي مش دوم ينفع .. وهالشي الي مخوفني ..

وتصدقون هالمره الدورة مب غزيرة عندي ما اعرف ليش بس وجعها امس بالذات رهيب

عزيزتي فلونه .. البرود الي تحسين به من الفكس ما يعور ؟؟ لأنه اعرف انه الدفى والاشياء الدافيه تهدي الالم

بس تقولين بروده حسيته بيتعب اكثر ..

جزاكم الله خير خواتي
ح
ونااااااااااااا بعد مع البناااااااااااااات انصحك تشيلين الولب الله يستر عليك ويمكن انه مااااااااااا ناسبك اعرف وحده جاه مثلك وراحت شالته على طول ورتاااااااحت وهاذا رايي
X