اربع اسئلة؟؟؟

هلا اختي
1- بنتج من تكمل ست شهور غيري حليبها يعني بعد 3 اسابيع من الحين ودام ان بنتج مرتاحه على نان استمري عليه حق المرحله الثانيه (نان2)

2-عادي تره مب لازم تشرب قد المعدل المكتوب في الحليب عادي تره شوي شوي بتحسينها تبي ترضع زياده ,,ونفس الشي بتلاحظينه في السيريلاك لين بديتي تأكلينها بتشوفين بنتج تاكل ربع كمية المكتوب عالقوطي..فمب شرط ..كل طفل يتغذا على قد احتياجاته من الحليب او اي غذاء ثاني..

3-الله يعينج عالتسنين انا بنتي طلع اول سن لها يوم كملت 6شهور بالضبط وعلى حسب كلام الدكتوره تقول ان التسنين يبتدي من عمر 4 شهور وطالع فتوقعي اي وقت تظهر اسنانها..ولا تعطينها ادويه ولا شي بس استخدمي لها الجل cal gel مع انه مايفيد لأن الياهل يبلعه..

4-عرفت اللي تقصدينه(المشايه صح؟؟)اللي يقعد فيها البيبي ويتمشى على راحته وين مايبي..
شوفي انتي لين حسيتي ان اشتد عودها وبدت تقعد في حضنج بدون ماتتقلقل يمين ويسار ابتدي حطيها في المشايه بس لاتطول فيها حرام ...لأن عضلات ريولها ليلحين ماتتحمل انها تدز بريولها ولا حتى ظهرها يستحمل
انا بنتي حطيتها في المشايه يوم صار عمرها سبع شهور ونص تقريبا...



وانشالله جوابي يكون ريح بالج..
اختك..كتكوته نايمه

أختى بخصوص الحليب لما تكمل ست شهور ابتدي معاها نان2 لا تغيرينه لنوع ثاني دام هي مرتاحه منه واصلي على نفس المنتج..

عن الكمية ماله داعي تقلقين دام أنك الحين بديتي تدخلين الأكل بيكون شي طبيعي ان تقل رضعاتها، وفي أطفال الكمية القليلة تشبعهم.

التسنين،، عادي معاه الإسهال،، أنا ولدي قبل كل سن يوم كان صغير لازم يسهل أسبوع وبعدها يطلع الضرس وصار عندي عادي هالشي، من يصير له أحسب له كم يوم وأشوف سنه الصغير...

المشاية أختى تقصدين (أم الأربع عجلات) لا تخلينها الا لما يشد ظهرها وتقعد، حرام بعدها صغيرة، أنتظري كم شهر يكون يقوى ظهرها وأرجلها وبعدين أشتري على كيفك الموديل اللي خاطرك به.. وهذي صورة هدية للـ Baby Walker.

ما قصروا البنات معاج ام جنى... بس عندي ملاحظة بسيطة بالنسبة للمشاية...
ترا تقدرين تخلينها فيها لفترات بسيطةالحين .. عشر دقائق او ربع ساعة وتكون تحت اشرافج..

وبعد حطي قدام بطنها وصدرها مخدة صغيرة او فوطة عشان تسندها اكثر وراح تتصلب وتوقف التهزهز..

راح تفرح فيها بنتك وايد.. فخليها من الحين فيها.. :)