هل تؤيدين دخول زوجج في غرفة الولادة؟

انا اوايد طبعا لان هو اقرب واحد لي وراح يخفف عني لاني يوم اشوفه متاثر يمكن ما اصيح زي الولاده الاولى صحت على الممرضات والدكاتره علشان يدخل بس ما طاعو :confused::confused:رغم انه مستشفى اهلي بس ها المره ان شاء الله ادور لي على مستشفى يسمحو لزوج انه يدخل
وتحياااااتي للجميع

بخليه ليش لا

بالعكس عشان يحس فيني احسه هو اكثر واااحد بيحس فيني ابا اشوف فرحته يوميشوف النونو

اكيدلا
غرفة الولاده لا بس بيكون معاي بغرفة الانتظار اللي قبل وبيشوف كيف اتألمت وتعبت بس وقت ماينفتح الرحم10سم ويدخلوني غرفة الولاده يكون برا مايدخل وبيسمع كل شي لاني مستحيل اخليه يشوف كيف اولد لانه بيشوف اشياء بصراحه مقرفه والوحده تبي زوجها يشوفها بأحسن حالتها
لاتقولون بخليه يوقف جمبي وماراح يشوف شي لازم بيشوف انا اختي كانت معاي وقت الولاده وواقفه جمبي بس شافت لانها كانت تطلع وتدخل
اكيد بيقرف من المناظر اللي بيشوفها
وحده اعرفها دخل زوجها وشاف الولاده كامله طبعا من الفضول واللقافه بعدها سار ينام على الكنبه موقادر ينام معاها السرير تخيلو سنتين ينام على الكنبه موقادر ينسى المنظر المقرف الليشافه
وصديقتي زوجها دخل معاها واقف جمبها وبصراحه اول شي كان يرحمها وحبها اكثر من اول بعد فتره تحول لانسان ثاني برود في المشاعر وفي الحب
تخيلي انت تشوفين فلم للولاده ماراح تقرفين؟؟؟؟؟؟كيف عاد الرجال تتوقعين ماراح تتغير نظرته لجمالها وشكلها

السلام عليكم
اني في كل ولادتي الثلاث زوجي كان معي في غرفة الولادة ما ادخل غرفة الولادة الا وزوجي معي وهو ميبغى يخليني لوحدي
اخواتي اللي ولدت في السابع تقولي تجربتها

أنا ولادتي الأولى كـانت قيصريه و قبل العمليه بعشر أيام كنت في المستشفى لأن الماي نزل علي و كان زوجي دايما معـــايه خلال هالأيام ما يخليني أبد إلى وقت النوم لأنه ممنوع ينام في قسم النســاء ويوم وقت الولاده قرروا علي عمليه و كان بنج كــامل قــالي إنه طول الوقت قاعد في غرفة الإنتظار ينتظر متى يطلعوني و من أول ما طلع البيبي شاف النيرسات يشلونه و يطلعونه بس مع هذا ما حب إنه يخليني في غرفة العنايه و يركض ورا البيبي قعد ينتظر و أول ما فتحت عيوني لقيتــه عندي وقتها حسيت بالأمــان

أمــا الحين إذا الله رزقني بولادة طبيعيه ما أعتقد إني راح اخليه يدخل معــايه لأني أخـاف عليه هذا من غير إني استحي وااااايد أنـا اتشاور إني ما أدخل أمــي بعد أبــا أكــون بروحي ^__^

مرحبا كروشاات
انا بالشهر السادس اللحين واحاول يدخل وياي وقت الولاده مو راضي مععي يقول مايبي يدخل بيقعد برا ....صديقتي تقولي لاتدخلينه بعدين بتتوهقين يمكن يكرهج او تلوع جبده منج اويعافج .. قلتله خلاص اجل يصير معاي وت الطلق واذا بيطلع البيبي بخليه يطلع .. لان بصراحه احس وجوده معاي يساعد واجد واحلا لحظه هذي ..وسلامتكم

لا اعوذباالله الازوجي ابد مااخليه يدخل معاي

لان واحد من بعيد اعرفه دخل مع زوجته بعد ماخرجت من الاربعين الحرمة مبسووطة ومشتاقة وهو مو قادر ينام معاها

يفتكر المنظر ويتقرف

وبصراحة انا عن نفسي باالحظة اشياء تنزل من الحرمة بصراحة مقرفة

صح هو تعب والم يذبح بس الا زوجي مااخليه يشووف هاالمنظر

انا مدري عن نفسيته احسه يقرف حتى من ابسط الاشياء هاالدوور ولادة ؟؟؟؟

انا مع ان الزوج يدش
وامي بعد: مستحيل اولد بروحي ، انا وايد احتاج حد يوقف جنبي بها الوقت..

انا في حملي كنت أقول لازم زوجي يدخل معايا بس المستشفى مارضا بس يوم جربت الألم خفت عليه و قلت الحمد لله أنه مادخل جان تم يصيح عدالي و يتعبني معاه...بس على فكره في حرمه دخلت ريلها و للأسف ياه ضغط دائم مع أنه ماكان فيه ضغط..فلازم كل وحده تفكر قبل ما ترضى..