السلام عليكم ورحمه الله وبركاته
شلونكم عضوات ..
حبيت استفسر منكم للي شاطرات في الانقليزي ابي اعرف مصطلح (ربط عنق الرحم)
وابي اعرف مين سوى فيكم ربط لعنق الرحم
وكيف كانت فك الربط واي اسبوع ..؟
ومين فيكم حصل معاها ولاده مبكره
انا عملت العمليه وخايفه قالو لي لازم تلزمين الفراش <<هل اذا طلعت للجامعه ممكن يأثر على البيبي..؟
ومين فيكم سوتها وكانت تمشي وماصار لها اي شي
ومتى يفكون لي الربط
وهل فكه بدون بنج يألم
ياااااااااااااااليت كل وحده تكتب لي تجربتها والله انا خايفه موت
وادعو لي ان الله يجعل ذريتي قره عين لي ويحفظه من كل شر ويثبته لي
ه
هملووله بنت صوغان
مشرفة سابقة
23-04-2007 | 06:53 PM
هلا سوسو
ربط عنق الرحم بالانقلش cervical cerclage
والاسبوع لي فات سويت العمليه ...وطبعا اول مره اسويها
بس بخبرج عن تجربت بنت خاليه
يفكولها الربط فالتاسع وطبعا بدون بنج ...وتقوول مايعور اذا رخيتي عمرج وماشديتي يعني
لام تكونين متعاونه مع الدكتوره ,,,
وبالنسبه حق المشاوير والطلعات انا قالوليه نفسج لازم الزم الراحه بس ماقالوليه اطيح فالفراش دايمن
انا الحمد لله متخرجه وقاعده دووم فالبيت لني خايفه من الاجهاض لني طرحت مرتين
اما بنت خاليه اول واحد كانت وايد تحاسب وماتروح مكان
اما بثاني واحد وثالث واحد ماتخلي مكان ماتروحله اسواق وعزايم وكل مكان
يعني حسب طبيعة كل وحده
وانشا الله .............الله يزقج ويزقنيه ويرزق كل محرومه
هلا أختي انه وحده صارت عندي ولادة مبكرة بالشهر السادس واللحين انه حمل وعقب اسبوعين بيفحصون لي عنق الرحم ميته من الخوف ما عرف اشلون بستحمل الفحص ومادري اذا يعور او لا
بس اللي سمعته وعرفته انه لازم ما تتحركين وايد وبالشهر التاسع يفتحون لج الربط بدون بنج وعلي قولتهم اللي جربو قالو لي في الم بسيط
انه ميته خوووف نفس حالتج ليل نهار ادعي اني ما احتاج ربط بس الدكتورة تقول بنفحص وبنجوف
المفروض دكتورتج تعطيج التعليمات اللي المفروض تمشين عليها
يااااااااارب يسهل علينه ويرزق كل محرومة
الله يثبت لنا حملنا يارب
وكل يوم اعرف ايش يعني ((وهن على وهن))
اهلين اختي
قريبتي سوت عملية الربط لانها حملت عن طريق الزراعة وكانتت ما شاءالله حامل بثلاثة وكانت تشتغل سكرتيرة في بنك يعني ما كانت تقعد والحمدلله كملت حملها على خير
نصيحتي الك اذا عملتي ربط وان شاءالله ما تحيتاجي انك تكوني على طبيعتك
يعني راحة اه اي حامل تحتاج للراحة بس انك تلازمي الفراش كتييير
الله يثبتلك حملك اختي
ا
ام توته العنكبوته
عروس مبدعة
23-04-2007 | 07:24 PM
مرحبا بنات انا من ثلاث اسابيع سويت الربط والحمدلله ع كل حال ف بنتيسويت بعد الربط
ويفتحون الربط ع الاسبوع ال 37 اسبوع وعن الراحه لازم الوحده ترتاح بعد العمليه
اسبوعين وبعدها اتعيش حياتها بس اتحاسب واهم شي لازم كل شهر تعمل مسحه
عشان تتاكد انه ماشي التهاب والله يحفظ حملنا اجمعين يااااااااااااااااااااااااااااااااااااارب
مشكوره اختي سوسو على الموضوع
انا عامله ربط وبجد خايفه من اقل شيء
بس بعد كلام الاخوات ارتحت لاني الي قالوا
لي لازم ارتاح على الفراش وبجد تعبت
م
مايمدحني لقب
عروس برونزية
24-04-2007 | 10:12 AM
مسالخير
كيف الحال؟؟؟؟؟
ماتشوفن شر
كلها شهور وتسمعن ضحكات النون
وتنسن الآلآم كلها
يارب
المهم انا صا لي اجهاضان سابقه
وقالت الدكتوره اذا حملتي مره ثالثه سوف نعمل لك عملية ربط
وانا الحين حامل بعد سنه وبالشهر الثاني
لكن لحد الحين ماجيت دكتورتي لانها كانت باجازه
والحين المواعيد عندها زحمه
ووافق موعدي 29/4/2007
ممكن استفسار
باي شهر سويتو العمليه
وكم يوم جلستي بالمستشفى
ارجوكن طمنوني
جزيتم خيرا"
مشكورين خواتييي على تفاعلكم
انا سويته في الاسبوع 21 وتميت في المستشفى 4 ايام لاني تعبت من البنج
بنات انا حابه ان وحده سوتها وولدت طبعيي تقول لنا تجربتها ونستفيد من اخطائها يااليت تكتبون تجاربكم والله يتمم علينا كلنا والله اني خايفه موت تحصل لي ولاده مبكره ادعو لي يثبت لي حملي ويكون ولدي قره لعيني وعقبال ما يصيرون اللي في بطونكم قره عين لكم
ه
هملووله بنت صوغان
مشرفة سابقة
24-04-2007 | 01:07 PM
انا سويتها فالاسبوووع 13
ويلست في المستشفى ثلاث ايام
وحدوود الربط من الاسبوع 12 و 13 و14
وبالنسبه لختيه سوسوو ..حبيبتي اي وحده اتسوي ربط يتوقعولها ولاده مبكره يعني هب شرط
وع فكره اغلب لي اعرفهن ويسون ربط يربن فالتاسع ... يفجون الربط فبدايه التاسع
ويتممون اسبوعين او اسبوع من التاسع بدون ربط سبحان الله هذا بيد الله مش الدكاتره
انا بنت خاليه الشهر لي فات ربت وفجولها الربط فبدايه التاسع وتصدقين ربت اخر يوم فالتاااسع
مع انه عنق الرحم عندها خلقه مفتووح وقصير بس سبحان الله كل شي بمشيئه الله
وانا بعد قالوليه ولاده مبكره لنه عنق الرحم قصير وحامل بتوم اتخيلي
لاكن الحمد لله متوكله ع الله وشايله هالافكار من باليه
بس ممكن انبهكم لنقطه مهمه انا الدكتوره بتعطينيه ابره الكرتوزون عقب الاسبوع 24 عساس
انهم متوقعين ولاده مبكره وهذي الابار تسرع فتكوين الرئه عند الاجنه تحسباًَ لو صارت
ولاده مبكره ماتصير عندم مشاكل فالتنفس
ا
ام توته العنكبوته
عروس مبدعة
24-04-2007 | 02:19 PM
بنااااااااااات الي امسوين ربط ف حد منكم يشتغل
حبيبتي سوسو مافي داعي للخوف لأنه الخوف أهو اللي يضرج لكن الربط يحميج بإذن الله الواحد الأحد
مرت أخوي سوت ربط وفجوه لها بداية التاسع وربت بعدها باسبوع طبيعي
وأنا عملت ربط في حملي السابق بس صار عندي نزيف اللي أدى بالنهاية لولادة مبكرة في الشهر السادس (بسب أجسام مضادة في دمي) وكنت طول فترة الربط لازمه البيت ونايمه بالفراش ما أثر علي سلبا بعد الولادة وأصبت بتجلط في الساقيين
طبعا التجلط بسبب (أجسام مضادة في دمي + فقر دم منجلي + إسقاط الجنين أكثر من مره + قلة حركة )
حبيبتي إرتاحي قد ما تقدرين لكن ليس بصوره مبالغ فيها لا تغلطين مثل غلطتي والله يتمم على الكل ويرزقم الذرية الصالحة
مع العلم عندي بنوته حلوة عمرها 3شهور طبعا في حملي فيها كملت ال 9 شهور وبدون عملية الربط وكنت أشتغل ل 9 شهور