أقاربي وصديقاتي بهدلوني ساعدوني مضايقة وايد

الســلام عليكم ورحمة الله وبركاته،،

أنا مملوك علي من خمسة اشهر وماسويت حفلة خطوبة لظروف قــاهرة اولا بيت زوجي عمته عندهم عدها عدة زوجها متوفي،، وأبو زوجة أخوي توفى قبل اربعة ايام من ملجتي عشــان جذي ماقدرت اسوي حفلة واضافة الى ذلك خطيبي وضعه المادي كلش صعب وبيتهم ماساعدوه في الخطوبة فجا خطبني باللي عندي وخبرني وقال لي ان شاء الله أقدر اسعدش باللي الله قدرني عليه وانا قبلت فيه ومن يوم قبلت فيه اقاربي مآكليني وينهشون فيني وفي خطيبي،، خطيــبي اصغر مني بسنتين بس هو كبير بعقله واااااااااايد وكأنه في الثلاثين ما شاء الله عليه ذكي وحبوب ومتفاهم وواعي وايد وانسان ناجح في عمله والحمد لله عائلته ماشاء الله في خير،،

لما صار يوم الأتفاق عائلتنا وعائلته شرفوا افي البيت طبعا الأتفاق على المهر وكل شيء بنات عمي وعائلتنا موجودين شافوا امه وشلون هي آخير شياكة وظلوا يتحجون عليها للحين،،،

مقهورين مني وماحد يدري أنه اصغــر مني بسنتين لأن اصلا انا يبان علي صغيرة وشكلي صغير واااااايد وايد وهو متفهم وماهمه هالشيء ابدا ابدا،،، بس بنات عمي يطلعون حجي كل شيء من عندهم يعني نشروا بين عائلتنا ان انا شلون انخطبت عليه وانا مو وجه خطوبة وشلون طحت عليه واكيد انا جارته من الشــارع حسبي الله ونعم الوكيل،، انا انسانة مؤمنة وكل ادعي واصلي ربي وعلى اشركهم بدعائي كل وحدة بإسمها،، وغير جذي كلام ماينقال كل يستهزؤا فيني ويعلقوا علي وبنات خالتي بعد مقهورين من انا انخطبت وكل يقولون هذا فقير وسيارته كجرة بس مااادري على شنو حبيته وافوشر عليه طبعا الكلام وصــلني من وحدة عزيزة علـــي بيني وبينها عشرة وقسمت عــلي اني اقرء المعوذات على نفسي لأن الناس مو راحمتني،،، :sad: :angry:

انا يارب شاسوي في عائلتنا مضــايقة من الكلام الي تحجوا علي فيه تدرون شيقولون مو حليو مو عاجبنا مع ان والله خطيبي ما شاء الله حلو وشكله حلو ومرتب وغير جذي انسان ناجح في عمله وشغله ويكافح بعرقه ومثقف وايد وايد،،

أاستغرب من وين جابوا كل هالكلام وماااحد من عائلتنا شافته ولا قعدت مع خطيبي ولا صــار بينهم احتكاك لا بأمه ولا بأهله..

انا مقهورة من الحجي من كل الكلام احس عائلتنا كلها تتحجى علي ومقهورة مني ومن شلون انخطبت ساعات يطلع علي حجي ان انا الي شايفته لنفسي وقصيت عليه،،، :sad: :confused:

انا بريئة والله والله هو الي جافني وعجبني فيني بعد ماكانت عندي مقابلة حق عمل وسبحان الله خطيبي علــى انه ماكان جاهز بس كان يبيني وجمع من البيزات والمهر عــلى قده وانا طلبت القليل والحمد الله الحين الله بارك فيني

ساعات يتحجون شلون ماسويت حفلة وطقطقة قصوا علي مع ان و الله صادتني ظروف الوفاة الي عندهم والي عندنا واحترام لكل شيء سوينا على الخفيف جدا بس عائلتنا اهلي وعمتي وعمومي وبس يعني ملجة على الضيق

أنا مااحب الحفلات حتى الزواج متفقة ويا زوجي ان نسويها كلش صغيرة ماتكون كبيرة وعودة مع الحمد لله الله يسر على زوجي بس انا وهو نفكر في الشقة ومصاريف البيت ونخطط لها،،

فكرنا نسوي حفـــلة كبيرة وتكلف وايد وايد في فندق عووووووووود بس بعدين كل هالــصرف ليش عشان نسكت الناس ونرضيهم ليش مااستفيد انا منها اشفايدتنا اذا رغمنا نفسنا على الديون

شوروا علي بنات انا في ضيـــق وحيرة وتعبانة وايد وايد من حجيهم شاسوي،، انا سعيدة مع خطيبي وان شاء الله نتوفق بس عيون الناس ماترحم يارب ساعدني،،
:confused: