كعكة الدارسين (القرفة) .. تعالي شوفي

السلام عليكم
كيف الحال عزيزاتي الحلوات
اليوم بعلمكم طريقة صنع كعكة الدارسين (القرفة) حلوة وعجيبة




أول شي نبدأ بالمقادير وهي :
2 كاس طحين بالخميرة .. ممكن استبداله بطحين جميع الاستعمالات لكن كثري البيكنج بودر
1 كاس سكر بودر + 3 ملاعق
1 ملعقة شاي فانيلا
1 ملعقة أكل بيكنج بودر
1 ملعقة أكل قرفة مطحونة
4 بيضات
¾ كاس زيت
نصف كاس مكسرات مطحونة .. خليها خشنة شوي (نوع المكسرات الا تحبين )
¼ كوب ماي

نجي للطريقة
1-انخلي كل المقادير الجافة في إناء (الطحين + السكر + بيكنج بودر + القرفة + فانيلا)
2- حطي عليها البيض مع الزيت مع المكسرات
3- خلطيها مع بعض وبعدين حطيها في صينية الفرن تكون مدهونة بالزيت ورشي عليها طحين
4- دخليها في فرن حرارته 180 لمدة 45 دقيقة

بعد ما تطلعينها من الفرن خليها تبرد بعدين قلبيها في صحن ورشي عليها سكر بودر للتزيين

وصحتين على قلبكم