فيروس الحمل وش قصته

السلام عليكم
بنات عروس يشهد الله اني احبكم في الله
لذالك بسولف اقصد بفض فض عليكم
بنات انا لي ثلاث سنوات متزوجه بتقولون عادي في العشر والعشرين اوكي بس كم عمري ياحلوين 32 سنه يعني الفرصه كل مالها تقل وانا في ضيق لا يعلمه الا الله وحده الي تزوجو معي عندهم واحد والثاني قرب يشرف والي في عمري عندهم على اربعه خمسه ما شاء الله زوجي ماعنده مشكله الان وانا عندي انبوب متسكر انتظر دوري في العسكري لاجراء عملية الانابيب وان شاء الله ما يتأخر لان زوجي رافض الخاص بحجه ممكن ماتنجح من اول محاوله وشوله الخساير وانا مقدر اضغط عليه اخاف يقول اتزوج اصرف ودايم افكر انه رح يتزوج وتجيني كوابس اقول وش الي يصبره هو ماعنده مشكله اكيد اذا ماحملت هالسنه او بالكثير الي بعدها بيتزوج واكيد انا بطلب الطلاق طبعا هذي افكاري انا هو ساكت مايقول لا بتزوج ولا مارح اتزوج المهم الاربعاء كنت عند اهله ماشاء الله اخواته ثلاث والرابعه توها ماتزوجت ثنتين حوامل الثالثه نفاس وزوجات اخوه نفس الشي حوامل اجلس بينهم كني غريبه هم يسولفون عن الحمل والولاده وانا زي الاطرش في الزفه ودمعتي قرررريبه من عيني ماسكتها خايفه يشوفونها والله ماطولت دقيت عليه قلت خل نمشي ماخليته يجلس مع اهله حتى العشاء ماتعشينا مالي نفس الخميس رحت لاهلي الا حريم اخواني وخواتي ماشاء الله نفس الشي كل وحده بكرشتها مدري وش السالفه كل العالم حوامل هالسنه شكله فيروس في الجو هههه ياليت يعدينا وكل سوليفهم عن الحمل والولاده رحت عند الرجال عند اخواني وابوي توني بجلس الا اخوي يقول لامي وش عشاكم مشتاق لاكل البيت من حملت الحرمه نسينا اكل البيت والا الثاني يقول اي والله من حملت زوجي وانا نجيب من برى وصارت سالفه يااااربي ون اروح كل مكان مالهم سالفه الا الحمل راعو مشااااعري والله احس بغصه دايم ادعي واقول الليل على سجادتي واستغفر واخذت عمره من شهر ودعيت وبكيت وانتظر الفرج ياااااااااارب بنات آآسفه طولت عليكم بس انتم الوحيدين الي اقدر اطلع لهم الي بقلبي حتى صديقاتي الي حامل والي نفاس ماقلت لكم شكله فيروس في الجو لا وحتى جارتي الي جنب بيتي دايم مع بعض حاامل ماشاء الله الله يبارك لهم ويرزقهم ويرزقني بنات تكفون ادعولي في صلاتكم وفي كل وقت اجابه مالكم الا اجر دعاء المسلم لاخيه المسلم مجاب بأذن الله ادعولي احمل قرررريب وان زوجي مايفكر يتزوج علي انا ماعندي مشكله يتزوج بس مو قبل اجيب له خمسه اوسته عيال :sad: