هلا حبوبة
اولا اهنيج على خطوبتك والف مبرووك ويا رب يسعدك مع الي اختاره قلبك
عزيزتي راح احاول قدر الامكان اساعدج ...
انا بشرتي عادية ولونها عادي ..يعني لون حنطي فاتح
طيب الحين ...بغيت اعرف كيف أخلي المكياج لوجهي
حبوبة اذا بشرتك عادية يعني حلووة وما تعاني ان شاء الله من اي مشاكل واحسها اريح بشرة ولونك حلوو ما شاء الله
سئلتي
ولكن ..خبرتي في المكياج ..لاتتعدى الا اني اعرف البودرة و الروج و الشادو
بس
طيب حبوبة .. الماركات الي عادة تستخدميها ايش هي ..
وعن الشدو الالوان المستخدمة والي تحبيها ايش هي يعني تتدرجات الالوان الي تناسبك ؟؟
شو اشتري ..بالضبط ...وشو اخلي لوجهي عشان يطلع طبيعي و باش
يعني ..خاطري اعرف الاساسيات اللي توضع للبشرة عند وضع المكياج
اسمع البنات وايد يتكلمن ..عن المثبت و الاساس و غيرة
لكن ماعارفة شو اشتري و كيف أضعه على بشرتي
حبوبة الي لازم تشتريه وانتي تجهزين لعرسك لازم تحطي في بالك بماركات معينة مثلا يعني اعتني ببشرتك باخذ كورس للمحافظة على صافائها وعلى مظهر منوور
وممكن تاخذين الكورسات او العناية الخاصة بالبشرة
- كانبيو
-كلارنس
-سيسلي
-كلينك
هذولا ماركات ما تتدخل المواد الكيميائية بشكل كبير وبنصحك بمحلين حلووين منتجاتهم
ايانا سابا في الصاروج
محل اسمه ليانا هذا تابع لنادي سما الحلو في ها المحل كل المنتجات الي فيه من ماركة فرنسية موادها طبيعيه ممكن ايضا تعملي فحص لبشرتك ولشعرك ومن خلالها تنصحك بالعناية الي لازم تتبعيها ....هذا المحل في الخوض
الاساسيات بسيطة:
- تنظيف وترطيب البشرة جيدا
- في بيس ممكن تستخدميه قبل الاساس وممكن تستغني عنه
- كريم الاساس المناسب لنوعيه البشرة ودرجتها
- البودرة
- البلاشر - الروج - الغلوس - الكحل - الشدو -المسكرا
سئلتي عن مثبت الميكاج عندج من ماك الفكس ترشيه قبل الاساس كذا رشة وبعد الميكاج رشتين او ثلاث لتثبيت الاساس وممكن تستعملي البيس قبل الاساس
طيب حابة تستفسري عن شوو بعد ؟؟
بانتظارك حبوبة (f)