إزيكوا يا حلوين
هابي احمد
ها اخبار الحمام المغربي ايه
انتي اكيد خلصتي لان بقالك 3 ساعات يا بنتي
نانى إزيك يا بنتى واحشانى شفتى يا ستى أنا شجعتك على حكاية العناية بالشعر دى وكسلت أنا بس والله مش كسلت ده كان عشان فترة الإمتحانات بس وبعدين يا ستى أنا بخرج من الحمام المغربى ده بحس إنى واحدة تانية إنتعاش بس عندى مشكلة فيه إنه محتاج بخار كتير كده عشان يفتح المسام وأنا مش قادرة أوفق الحكاية دى يللا مش مهم أنا مش طماعة:2_22:
هابي ...إزيك يا قمر انتي كمان وحشانااااااا مووووت والله لسه في بالي من فتره وكنت عاوزه اسأل ايه حكاية البنات الي بيختفوا ومالهمش حس دول
يالله قوليلنا هاتبتدي تعملي ايه جدول للخلطات والازم منه
أنا نفسي اعملي جدول بدل مانا كل شويه شغاله في خلطه شكل
وادعيلي اخلص زيك باقيلي 3 امتحانات ..مع انهم ولا حاجه بس الواحد حاسس انهم حمل برضو
وخدي دي مني ليكي
هوبة إزيك يا قطقوطة وإنتى كمان والله واحشانى موووت وإنتى عارفة يا بنتى المنفى اللى بيسموه كلية :angry: لسه فاضللى إمتحان البحث بتاعى وبعدين أخلص على خير يا رب
بصى يا ستى أنا لسه محددتش هعمل إيه بالظبط بس إن شاء الله أنظم نفسى وأقوللكوا وربنا معاكى يااارب فى إمتحاناتك إن شاء الله
على فكرة أنا زيك فى حكاية السويت دى بالظبط عشان كده آخر ما زهقت إشتريت إيزى سويت وريحت نفسى
لالا ولاشح ولاحاجه والله ههههههههه انا جبت حاجات مزدوش عن 35 ج وكلهم حلوين
بصى اللى بجربه حاليا طبعا زيت اللوز الحلو وبصراحه بيهدى الوش كده وبحط منه تحت عينى علشان الهالات وبدا يعمل نتجيه حلوة
وبالنسبه للزيوت العطريه فعجبنى اوى الياسمين عن الورد كمان روعه بصراحه ولقيت ليه فايده تانيه
انى ساعات بعمل حمام زيت وبحط من ضمن الزيوت زيت التوم وده جبته من هناك برده فبعد مابغسل شعرى وانا بسرحه بحط نقطه على ايدى من الزيت والمس على شعرى خفيف كده بيعمل مفعول برده بيبقى مدى على ياسمين كده
وزيت الخروع طبعا ممتاز بستعمله للرموش لانى مبحطش ماسكرا اصلا فبيطول الرموش
بصى احنا كنا بنتجمع بليل عملنا موضوع للرغى فى شات عروس ووصلنا للجزء 13 ههههههههههههههههههههههه رغايات موت بس الرغايات دولوقتى كله فى امتحان وقليل اوى لما تلاقى حد بس المعظم بيدخل بليل كده على 11
أيوه يا وردتى إن شاء الله هكون موجودة فى المعاد ده كان فى خلطة كده واحدة قالت عليها فى المنتدى للرموش هى خروع عليه قشر لمونة تقريبا ونسيبه10 أيام وبعدين نستخدمة أنا كنت ناوية أجرب الوصفة دى أحسن رموشى حاسة إنه وقعت من كتر ما أنا بدعك فى عيونى ربنا يستر
أنا عندى زيت الحية كنت جايباه من حراز ب28 جنيه حطيت عليه زيت خروع وبعدين دفيتهم على النار فى حمام ميه سخنة وعملت منه حمام زيت بصراحة جميييييييييييييييييييل جدا بيطرى الشعر كده وبيقلل التعرجات اللى فيه أنا إن شاء الله ناوية أستخدمه على طول إدعيلى أستمر
أنا كنت جايبة من الصيدلية حبوب فيتامينE بس مستمرتش عليها برضه إن شاء الله هستخدمها بس مش مطمنة عشان جايباها ب3.5 وفى بنات كانوا بيقولوا إنها ب10 جنيه مش عارفة
بحبكواااااااااااا فى الله................باى:9_33::Zd_bye_3: