ورده قست عليها الايادى:
تسلميلى يااحلى قطه بصى انا تقريبا جيبت الحاجات اللى انتوا بتشكروا فيها زى ميه ورد وزيت اللوز والزيوت العطريه بس مش عارفه استعملها ازاى الزيوت دى؟
وجبت الكحل اللى بيكون محطون برده مش عارفه استعمله ازاى؟
وكنت سمعت عن الشبه انها لو ضفت عليها شويه ميه ورشتها على صدرى هتشده فجبتها وهبدا فيها من بكره ان شاءالله
وجبت زيت الثوم وقلت اخلطه من دابر املا لانه عندى مع زيت خروع واعملهم لشعرى وقالولى ان النسكافيه او الفانيلا بتضيع ريحه الثوم او الحلبه
فجبت زيت الثوم والحلبه وقلت اجربهم بس هبدا من بكره فيهم ان شاءالله
بس لو تعرفى احط الكحل ازاى قوليلى هو والزيوت العطريه :shy:
صباح الفل يا ورده أولاً الكحل بتحطيه في مكحله وتتكحلي منها ، ممكن كمان تجيبي عيدان تنضيف الأذن وتحطي عليها شويه من الكحل وتمشيها جوه العين وبره بالراحه أنا الاول كنت بعمل كده
بنات الرسول عليه السلام كان بيخلط كحل الاثمد مع عسل السدر ويكتحل بيه ، وفيه ناس فعلاً كان نظرهم يعتبر ضعف جداً واستخدموا عسل السدر عن طريق وضع نقطه منه مخلوطه بكحل الاثمد جوه العين عالبياض بس طبعاً لازم يكون العسل طبيعي جداً وانا قريت كتير عن الموضوع ده وفيه دراسات على اهميه العسل الطبيعي للعين ، طبعاً هو هيحرق في الاول ثواني وبعدين هيبدأ يدوب في العين و يروح الألم وممكن كمان تعملوها للرموش
الزيوت العطرية يا قمري ممكن بكذا طريقه تريحك ، ممكن تاخدي منها شويه تمسحي بيه اماكن معينه من الجسم وخصوصاً أماكن النبض
ممكن كمان تضيفي حاجه بسيطه لمية البانيو يديكي انتعاش وريحه حلوة
وبرضه زي ماقلتي تحطي شويه عالليفة في أخر شطفة للجسم
في طريقة تانيه انك تجيبي كريم مرطب او جليوسيد الأحمر او جليرسين سائل وتخلطي معاه شوية من الزيت وتكتري كمية الزيت طبعاً على حسب رغبتك وتخلطيهم مع بعض كويس الأول في طبق بعدين ترطبي بيه جسمك بعد الشور وتنتعشي بالريحه الحلوة زيك
وممكن تحطي الزيت في الفواحه وتحته الشمعه هتسخنه وتطلع الريحه في البيت كله
شوفتي في كذا طريقة