يابنات الرواكتين تعالو

M!ss SuGar 19-04-2007 14 رد 8,688 مشاهدة
M
السلام عليكم ورحمه الله وبركاته

بسم الله الرحمن الرحيم

بنات انا بدات اتعالج بالرواكتين اليوم بكمل 14 يوم وبدات احس بحكه في ظهري وكتوفي وجفاف بسيط في شفايفي لكن هذا كله مومشكله اللي خايفه منه جفاف العين والانف وخااصة الرعاف :sad: هل بيكون رعاف حاد ولا بسيط وايش احسن قطره للعين والانف؟

وانا الحبوب اللي فيني في جسمي ووجهي وجهي حبوب صغيره جدا اللي تحسي فيها لكن ماتبان وحبه حبتين عاديين مع الدورة اما جسمي فحبوب بسيطه واحيانا كبره شوي بس اللي عادمني الاثار انا سمعت ان مع العلاج بتروح الحبوب والوجه يصير زي الفل لكن لما تتركيه بيرجه زي ماكان هل هالشي صحيح؟:sad:

واللي رجعت لهم الحبوب كيف كانت الحبوب اللي فيكم وبشرتكم كانت دهنيه مرره ولا يعني لان انا مومره دهنيه بلييييييز لاني بالقوه رضيت لي امي اخذه وقلت لها يودي الحبوب وماراح ترجع لاني من سنين اعاني عشان كذا رضيت عشان تبغاني افتك من الحبوب لكن وين اودي وجهي لو رجعت بتقول ناقرتيني عالفاضي :angry:

بلييييز بنوتات طمنووني :shy:
ا
حبيبتي حبوب الرواكتين...ممتازة...ممتازة....ممتازة

بس شوفي على حسب قوتها ...يعني انا توني مخلصة كورس العلاج وكانت قوة الحبوب 20mgولاحظي ترا فيه اللي 10mg وذي قوتها عادية...بس ترا الحبوب ذي لازم تاخذينها عالاقل 6 شهور

مع الوقت بتشوفين التحسن في بشرتج...اما بالنسبة للبقع يعني اثار الحبوب فتكون اخر خطوة يسويها لج التقشير وعقب بتشوفين بشرتج حلووووووووة موووووووت

على فكرة بالنسبة للجفاف بيصير بشفايفج جفاف مو طبيعي عشان جذي لازم على طول مرطب
R
انا بنقل تجربتي مع الرواكتين...

أول شي قبل العلاج:

بشرتي هي هذاك الوقت >>>>> الله لا يرد هذاك الوقت خير شر

-دهنية
-حبوب حمراء و بيضاء و بعضها كبير و يعور
-آثار الحبوب السابقة >>> كنت ألعب فيهم وايد
-فيها بقع كلف بسيطة
-حبوب و آثار في الظهر

خلال العلاج:

-ويهي جف وقام يتقشر
- شفايفي لو ما أحط عليهم فازلين أحس بناااااااااااار داخلهم
-عيوني جفت شوي ... ما كنت أقدر أطول في لبس العدسات ... أغلب الوقت كنت البس نظارة
-فروة راسي صارت جافة ... صرت أغسل شعري في الأسبوع مرة
-القشرة راحت

بعد العلاج:

-ويهي صار صافي و الحمد لله 100% <<<< بسم الله علي من الحسد قولو ما شاء الله
-الآثار كلها اختفت
-توحدت لون بشرتي
-شكل خشمي تغير 15% <<< صدق أو لا تصدق ... ارخص من عملية التجميل
-حبوب الجسم بعد راحت
-بشرتي ردت دهنية بس بنسبة أقل من قبل
-و عيني طبيعية ... رديت البس العدسات طول اليوم
-شعري رد دهني مثل قبل
-شفايفي ردت طبيعية
-بشرة ويهي انشدت

و الحين بعد سنتين من العلاج:

ما زالت النتائج الممتازة مستمرة " قولو ما شاء الله" ... الله يديم هالنتايج للأبد.... عقبالج
M
الحلوة

انا وصفت لي 20 مل وقالت لي اخذ حبيتين كل يوم بعد الغدا لمده 4 اشهر وبعدها تخفف الجرعه الين اكمل 6 اشهر ان شاء الله
وبالنسبه للتقشير انا الحمدلله وجهي من الحين صار صافي ماظن بيحتاج لتقشير والتقشير مويقولو انه يعدم البشره؟

ومشكووره ياقلبي على ردك

Regina

بشرتي هي هذاك الوقت >>>>> الله لا يرد هذاك الوقت خير شر


ااامين

-
دهنية
-حبوب حمراء و بيضاء و بعضها كبير و يعور
-آثار الحبوب السابقة >>> كنت ألعب فيهم وايد
-فيها بقع كلف بسيطة
-حبوب و آثار في الظهر

مثلي انا تطلع لي بالمنطقه الحساسه حبوب تعور :angry: بس الحمدلله وجهي مافيه شي

بعد العلاج:

-ويهي صار صافي و الحمد لله 100% <<<< بسم الله علي من الحسد قولو ما شاء الله
-الآثار كلها اختفت
-توحدت لون بشرتي
-شكل خشمي تغير 15% <<< صدق أو لا تصدق ... ارخص من عملية التجميل
-حبوب الجسم بعد راحت
-بشرتي ردت دهنية بس بنسبة أقل من قبل
-و عيني طبيعية ... رديت البس العدسات طول اليوم
-شعري رد دهني مثل قبل
-شفايفي ردت طبيعية
-بشرة ويهي انشدت

هههههههههه حلوة شغله الخشم اتغير انا سمعت كذا انه لما تروح الدهون وتنقبض المسام يبان اصغر
ولما شعرك رجع دهني هل رجعت القشره؟

و الحين بعد سنتين من العلاج:

ما زالت النتائج الممتازة مستمرة " قولو ما شاء الله" ... الله يديم هالنتايج للأبد.... عقبالج


ااااااااامين ان شاء الله طول العمر بس انتي ادعيلي افتك الحمدلله على كل حال اللهم ادمها نعمه من الزوال :shy:
ا
ميس شوقر ياقلبي...على حسب ماقالت لج الدكتور تابعي العلاج ...انا عن نفسي كنت 6 شهور....اما التقشير اللي يعدم البشرة على قولتج ذي اللي يكون انتي مسويته بنفسج...اما اللي تحت اشراف دكتور لا ياقلبي بالعكس تتحسن البشرة بملمسها وشكلها بحيث انج اي شي تحطينه على بشرتج تستقبله البشرة ياقلبي.................تحياتي لج
M
اختي وش التقشير اللي تسويه الدكوره هل هو تقشير كيميائي او كريستال لان هذول يعدمو البشره مرره بالبدايه بتكون صافيه بس شهرين ثلاثه بتطلع مسام وحبوب صغيره هذي من تجربه امي وكثيرين اعرفهم وكلام البنات بالمنتدى واولهم بنت عذاري اما لو تقشير عادي بكريمات يعني مثل تنظيف البشره مادري والله

وليش التقشير اللي انا اسويه بالبيت يعدم البشره انا استخدم اشياء كلها طبيعيه مثل الرز المطحون والسكر وزيت الزيتون ؟
ق
هاااااي بنات شخباركم



انا استخدمت هذي الحبوب ونفعت معي فترة بس رجعت لي الحبوب بعد فترة:sad:
غ
انا استخدمها وصارلي شهر ونص

حزات يصيدني جفاف فالعين والخشم بس استخدم لعيني كحل اثمد وااايد يريحني والحمدلله

وجفاف الشفايف والدكتوره كتبت لي مرطب واستخدمه باليوم تقريبا 3-4مرات

وصايدني جفاف وحكه موطبيعيه في جسمي

وبنات بغيت اسألكم يديني صايره جنها متسلخه حمرررره وتحكني بشكل موطبيعي وصاير فيها نفس الحبوب الصغيره مادري القشور والله جني مسلوخه
ت
:) :)
ط
مرحبا بنات انا استخدمتها وصراحه روعه بس عندي ملاحظه شكل الخشم تغير مثل ما قالت Regina

كل من شافني يحسب مسويه عملية تجميل واعرف وحده اخذتها وتقو نفس الكلام خشمها تغير للاحلى طبعا

نفسي اعرف وش دخل الحبوب بالخشم
ا
حبيبتي ميس شوقر....التقشير اللي اقصدة على حسب نوع بشرتج ....يعني في ناس يسوون لهم تقشير بسيط وذي اللي يكون بخلطة كريمات مثل الريتن اي ويا شي ثاني.....وفي ناس لا يبي لهم تقشير عميق مثل او باجي.....وغيرة .................تحياتي لج
ن
اختي انا استعملت الحبوب هذي من حوالي سنتين ونصف. وياليتني ما استعملتها. لانها بصراحة تسببت لي في اضرار كثيرة في بشرتي. مع اني استعملتها بنصحية دكتور متخصص وبعد عدة فحوصات. وتحت مراقبة طبية كل شهر. استعملتها لمدة 6 شهور من فئة 20 ملغ . 3 حبات في اليوم الصبح والغذاء وبالليل.
غيرت لون جسمي الى سمار مع ان لون جسمي كان موحد وصافي . وصار لي في وجهي بقع بنية مثل الكلف. وجفاف فظيع في شفايفي وجسمي كله. مع اني كنت اشرب 3 لترات ماء في اليوم غير سواءل اخرى على شكل عصائر. بصراحو انا صرت اكره اسمع اسم هالحبوب. من كثر لي شفتو بسببها.
لكن الحين الحمد لله جسمي في تحسن مستمر وبدأ يستعيد لونه بعد استعمالي لعدة وصفات من وصفات العرائس الله يجازيهم بكل خير. ووجهي كنت اعالج عند دكتور متخصص امراض جلدية والحمد لله صار لونه يرجع كيف كان . لكن المشكل الكبير ان الحبوب بدأت ترجع بعد سنتين من العلاج . مو كيف الاول لكنها رجعت. وهذ ا عيب هذه الحبوب. لازم ارجع استعملها مرة اخرى حتى تختفي الحبوب بالمرة و اكيد لن افعل بعد لي شفتو منها. . ما انصحكي به هو خذي الحرض الشديد من الشمس واشربي اكبر قدر من الماء. ورطبي جسمك بشكل كبير يعني لازمك عناية خاصة وكبيرة بجسمك حتى تخلصي الكورس. والله المعين.
غ
الله يعينا ان شاء الله
ب
بخبرج انا خلصت الكورس الي استمر 6 شهور من تقريبا 6 شهور
و كنت اخذ 30mg في اليوم ... طبعا التغير في بشرتج ما تخسين في من اولها
النتايج بتبان عالوقت
و انتي اهم شي تستمري ابد لا تقطعين لانه ما يصير تقطعين و تردين تكملين لازم تعيدين من اول ..
كنت قبل كل موعد مع الدكتوره باسبوع يسوون لي تحليل دم عشان يتاكدون انه كل شي تمام
و الدكتوره هي وصفتلي مرطب البشره و مرطب الشفايف و قطره العيون
كان عندي الجفاف شي مش طبيعي .. بس المرطبات لعبت دور اكيد و حسنت من الشي لو شوي
و كانت تقولي لازم اشرب ماي وايد اكثر من المعدل العادي اللي هو من 6 الى 8 اكواب في اليوم .. شربي اكثر قد ما تقدرين
و الحبوب نفسها تساعد على تخفيف الاثار الناتجه عن الحبوب مش بس الحبوب .. و بعد يعطونج كريم تقشير خاصه اذا عندج اثار عميقه .. لان الحبوب في هالحاله ما بتكفي بروحها
و اقولج اياها باذن الله بعد ما تشوفين النتايج بتنسين التعب اللي تمرين فيه في فتره العلاج
لانه صدق نتايجه حلوه
ا
اي احسن هو والا الرتن اي ؟
X