بنتي او زواجي

اما بالنسبه لطليقك اختي


اقترح عليك ان تتكلمي معه في حضور اخوك وقولي له كالاتي:


احنا نبي نخلي مشاكلنا بعيد عن بنتنا وانت مهما كان والد بنتي وانا اتمنى لك كل خير حتى لو ما صار بيننا نصيب نكمل مع بعض وانا ما اكرهك ابد

وارجوك لا تحاول تضغط علي ببنتي انت كدا بتظلمها هي مو انا 00 انت عارف ان البنت لازم تتربى مع امها لو ولد مو مشكله واحنا مو مفروض نحسسها بشي

فانا لمصلحتها اولا ابغاك تخليها معاي مو لانك مو كفو ولا شي بالعكس انا متاكده انك احسن اب في الدنيا بس لان البنت لازم تكون مع امها


وان شاء الله ما يكون عقبه في حياتك

الله يعينك اختي

المفروض انك استخرتي من البدايه ,,,,,,,

والان في وقت استخيري وشوفي كيف ربي بيساعدك في حيرتك واكثري من الاستغفار وقراءة القران ,,,,

صح كلام اختي سمراء السودان لو تلقين حل دبلوماسي انج تكلمين زوجج سابقا بدون محد يدري وتترجينه وتبكين عنده انه يخاي بنتج معاج كان احسن واذا مانفع جيبو له كبار العايله او ناس يحترمهم ويتوسطون بينكم احسن ويقولون بس لين البنت تكبر شويه وما تتعقد خلها مع امها ولو بلغت تجيه هوه اكيد بيقتنع بس اول شي كلميه انتي واكسري خاطره لاتقولين ما اقدر اكلمه لن بيننا مشكله سوي المستحيل وطمنينا

والله أني حسيت بغصه لما قريت موضوعك .

شوفي أختي الضنى ثم الضنى ثم الضنى ثم الضنى .

بنتك هاذي لا تحرميها منك تشوفين اللي حولك ماأحد مهتم يبون يتخلصون منك ويفرقون بينك وبين بنتك.


وإذا رجلك السابق ياخذها والله مراح يهتم فيها ويرميها باأحضان الحريم يربونها .



فكري مليون مره قبل لاتخطين هذا الخطوه والله ماأدري وش أقول أنت تبين تفرحين بزواجك

وزواجك هذا يترتب عليه الشتات والضياع بينك وبين بنتك.

الله يفرج همك ويفتحها بوجهك يارب.

هلا اختي

بس ابي اعرف ممكن
شلون اهلج يبون يزوجونج ومايبون بنتج؟

اختي وينج طمنيني على مصير البنت شبتسوين

الله يعونك أختي و يصبرك بس نصيحة مافي زوجة أب ترضى تربي بنت مو بنتها و الله أمي و اخواتها مروا بنفس التجربة بس كانت معاهم أمهم و رغم دالك عاشو في جحيم لأنهم كانو ببيت واحد و كلنت تأكل أولادها و أخوالي جالسين على عتبة الباب يستنون اللقمة و هدا شي قدام أبوهم يعني شو بيصير من وراه
أختي كلمي زوجك و اترجيه يخلي بنتك تعيش معاك الأزواج يتعوضوا بس بنتك ما تتعوض
فكري و اصبري مع بنتك و انشاء الله ربنا حيجازيك على صبرك

السلام عليكم ...
عزيزتي اذا كان زواجك بسبب انه ليس لك مصدر رزق او عمل يعود عليك براتب واهلك لا يتحملون مصاريفك انت وابنتك فهذه ضرورة للزواج اما اذا كنت قادرة على العمل لإعالة نفسك وبنتك فالأولى ان لا تضحي بابنتك فأنت كيف ستشعرين بالسعادة وابنتك في تعاسة والله أعلم كيف ستعيش بعيدة عنك وبما ان زوجك الجديد لا يريد ابنتك فهو من اولها لا يراعي مشاعرك وأمومتك فكيف ستثقين به بعد ذلك .. عزيزتي لا تتسرعي بالزواج واستخيري الله...
الله يفرج همك وكربتك

كأن بزواجها الثاني راح تهدم بيتها؟ تراها إطلقت و حافظت على بنتها يعني شو صار لو تزوجت و عاشت باستقرار؟ ليش هي اول أو آخر وحده تتزوج مره ثانية؟

حتى لو تزوج أبوها ، اكيد راح يرجع البنت عند أمها طبيعي هالشي ،، وبعدين البنت سواء كانت عند الأب أو الأم في الحالتين بتكون عند أهلها، ماقالت راح اترها للأبد....

كثير متزوجين وعايشين في بيت واحد لكن للأسف تاركين أولادهم للخدامه..لا يدرون عنهم ولا سألين عنهم.. يعني مب شرط يكونون عايشين في بيت واحد عشان يكتمل الاستقرار او تتحسن تربية الأبناء...

الأم بتكون على اتصال دايم ببنتها و ما أعتقد إن في شي بيمنعها من زيارتها أو الاتصال بها..

البنت الحمدلله مش يتيمه عشان تقولين راح تكون وحيده، طول الفتره عاشت في حنان أمها الله لا يفرقهم بس حنان الاب يلعب دور كبير في نفسية الأبناء..

أمواااج:
حبييتي انت من حقج تتزوجي
بس فكري الف مره ببتتج
لو انتي تزوجتي وابوها بعد
راح تبقى وحيده حتى لو كان حولها الف شخص:sad:
الكل راح ينشغل بحياته الجديده

الله يخليج فكري عدل ترى ما في اغلى من الضنى:sad:

وإذا تزوجت أمها ماراح تفهم للبنت؟ أكيد راح تكون متواصله معاها و تزورها و تطلع معاها و تعيش حياتها بشكل طبيعي..

ليش الناس تتكلم عليك و إنتي عند والدك؟ خير عسى ماشر والناس شو دخلهم دام إنك عند أهلك؟ إنتي همك الناس وإلا والدك؟ ... لكن هذا مش معناته إن كل الناس راح يمروا بنفس معاناتك...

يعني إذا عاشت عند أمها بتكون بنت زينه و إذا راحت عند ابوها بتصير شينه؟ أكبر دليل مثالك لي طرحتيه عن ولد الجيران: الأب و الأم موجودين في بيت واحد بس ما يدرون عن سلوك أولادهم ... يعني وجود الأب و الأم في بيت واحد مش دليل على الاستقرار و الاهتمام..

كثير ناس عاشوا بدون ام أو أب أو غياب أحدهما لكن نشأوا متربين على الأدب والأخلاق العالية... و كثير ناس عايشين بين أهلهم لكن أخلاقهم في الحضيض..

سمراءالسودان:
غرام حبيبتي الزمن صار صعب وهدي بنت مو ولد البنت ما يفهملها غير امها

انا لاني كنت عايشه مع ابوي والله الناس كانوا دايم يسيؤوا الظن في

ويطلعوا عني كلام حسبي الله عليهم الام مهمه


ولد جيراننا عمره 7 سنين اتبهي 7 سنين ها وبناتي الكبيره كانت 5 والتوام 4 وعاه اختن الولد عمرها 4 والولد واخته عندي في البيت وامه جات وحده من التوام قالت لي الولد طلب منهم يعملوا شي بفمهم وشال ملابسه ما اقدر اوضح اكتر من كدا طبعا لاني موعيه بناتي ورحت اتكلمت مع امه وقلت لها ترى ممكن يؤذي اخته كمان المهم

شوفي هم في دي السن اتعرضو لايش؟؟؟؟


ومن ولد عمره كم؟؟


اجل لا كبره شوي اش بيصير اللهم احفظ اطفالنا الزمن صار يخوف


عشان كدا رايي البنت مع امها

غرام القلب:
لحظة لحظة يا جماعه شو تتبهدل و ما تتبهدل، البنت إذا راحت عند طليق الأم يعني بتروح عند (أبوها) و إذا ظلت بتظل عند امها.... يعني في الحالتين البنت بتكون بين اهلها مش إنها بتنحرم منها للأبد أو بتسافر خارج الدولة أو بتخليها عند الجيران ...:eek:

خلي البنت تقعد عند ابوها فتره، منها يتعود عليها شوي و تحس بحنان الابو و هو بيحس بالمسؤولية تجاهها دايماً.. و إنتي تزوجي و بعد فترة خلي البنت تعيش معاج أو تكون عند أبوها طول الأسبوع و تجي عندج في الويكند أو العكس..

أصلا حتى في المحكمة تلقائياً تنتقل حضانة الأولاد عند الأب إذا تزوجة الأم... بس هذا ما يعني نهاية الحياة او الخوف أو الحيرة...الدنيا صغيرة و تطورت فيها موبايلات و مواصلات ميسره و الأمور طيبه..

لا تخافين على بنتج من معاملة طليقج او اهله ، تراج كنتي زوجته في يوم من الأيام و ما أعتقد إنج تطلقتي منه لأنه كان وحش او مفترس اكيد في أسباب ثانية و البنت مالها دخل فيها...

لازم تنمين فيها حبها لأبوها و حبها لكل الناس... وتقبلها للأمور بصدر رحب ..

(y) (y) (y) (y)

حبييتي انت من حقج تتزوجي
بس فكري الف مره ببتتج
لاتبنين سعادتج على تعاست بنتج

فكري عدل ارجوج لاتستعيلين

والله يكتب لج الخير

الله يعين ويوفقك :(

الله يعينك على اتخاذ القرار الصحيح

أنا ما أشجع الأم انها تتزوج وعندها عيال لا العيال بيرتاحون ولا الأم

الله يعينك اختي

بنتك ثم بنتك ثم بنتك

اتفق مع اختي سمراء السودان هذي بنت مش ولد مافي احد راح يفهمها كثرك
انتي اذا تزوجتي ماراح تعرفي عن تفاصيل حياة البنت
راح تمر عليها ايام تحتاج وقفتك جنبها
بيمريوم عليها تبغاك تمسحي الدموع الي على خدها من غدر الزمن

بتحتاج لعطفك و حنانك في اصعب مواقفها

وكل ها الأمور راح تكون مثل الصاعقه وقت الي تبحث عنك وهي بأشد الحاجه و انتي في
حياة ثانيه


اصعب شي على الاولاد و البنات وقت الي يحتاجو للام و الاب و ما يشوفونهم مع ان آبائهم عايشين


انا اقول لك بنت خالي توفت امهاوهي ابتدائي وتوفى ابوها وهي في متوسط
يعني بعد وفاة امها ب 3 سنوات توفى ابوها

الي تكفلو بعيال المرحومين الاجداد و الخالات
تخرجت البنت من الثانويه بمعدل 99,90

استلمت الشهاده و الدموع في عيونها تقول وين امي عني ها الحظه
ودي اول حضن يضمني حضنها و يهنيني

اما الولد
تزوج قبل فتره بسيطه وليلة الزواج عيونه مثل النهر الي يجري
يقول المفروض امي الي تزفني وتضمني و تبارك لي
و ابوي وينه عني اتمنيت انه واقف معي وجنبي ها الليله وتحول الزواج من فرح الى حزن الكل تأثر و نزلت دموعه
البنت كلها اياااام وراح تتزوج تروح تزور امها وهي تبكي حيييييييييييييل
تخاطب امها بكلمات تقطع القلب مع ان المرحومين اخذو 8سنوات من وفاتهم
لكن الأبناء في كل لحظه يتذكرون اهليهم في الخير و الشر

هذا حالهم يقطع القلب

اذا تضايقت بنتك من امور و احد اهانها بكلمه لو سمح الله راح يكون المصاب عليها اكثر من الي اهلهم متوفين
لأنك انتي و ابوها عايشين ومافي احد بعد الإهانه عنها

فكري ببكره مش الحين وقت الي تكبر البنت و تبدأتفهم معنى الحنان و العاطفه


و الامر الأخر مثل ماقالت احد الأخوات بطريقه الحوار مع طليقك يمكن تنحل المشكله
وترتاحين من وجع القلب و الحيره الي انتي فيها

اتمنى لك التوفيق

تظمنين اهله يهتمو ببنتك زيك؟؟؟؟؟؟؟؟؟؟؟؟


انا شفت حالات كثير زي كذا يتزوجها ويوعدها انه يهتم ببنتها او بناتها واخرتها يرجعهم لاهلهم غصب عنها او يوديهم الملاجئ

ربي بنتك وضحي عشانها اذا تحبيها