هلا اختي ... بخبرج شي ما اادري ليش انا استنتجته والكل اييدني فيه .. انه الريال اول ما يعرس يحب يسهر وايدبرعحتى اكثرمن قبل تعرفين ليش ؟؟؟؟ عشان ربعه ما يقولون هيه والله الحرمه زاختنه ومتحكمه فيه فالريال يبي يببينعمره بطل الابطال ومب هامه شي .... المهم الحين الحل .... اهم شي انه يوم يرد لا تناقشينه في الموضوع طنشيه وذا رد متأخر تعرفين شو تسوين اكشخي ولبسي ذاك القميص النوم الحلو واتعطري ورقدي ولا تتلحفين عشان اول مايرد ويشوفج ويقرب صوبج بيحصلج راقدة واذا حاول يوعيج عشان انه يبي شي قوليله ارقد حبيبي الوقت متأخر وانا تعبانه .......
المهم لازم اتسوين اتفاقية مع ريلج :
1- لازم كل نهاية اسبوع يخصص لج يوم كامل تطلعون فيه وتتمشون وتتغدون ولا تتعشون وتسيرون السينما او تتمشون عالكورنيش او انج عندج مشاويروتبين تقضينها .
2- اذا رد متأخر وايد ما يحصل على اللي يبيه ...( وانتي فاهمتني )
المهم اتبعي الاشياء الثانية اللي بقولج عليه
مثلا اتصلي فيه وهو عند ربعه وقوليله انج انتي وايد خايفه وتبينه ايي واول مايي قوليله انج وايد خايفه اذا استدعىالامر الصياح لا تقصرين الدموع موجودة وقوليله انت تخليني بروحي وتطلع عني وانا وايد خايفه واتخيل اشياء اتخوف الله يخليك لا تخليني دوم بروحي لاني ما احس بالامان الا وانت موجود....
شي ثاني .... زهبي الحمام وعبي البانيو وانثري عليه ورد وحطي شموع حول البانيو واكتبيله ورقه وحطيها فوق مخدته (حبيبي انتظرتك وايد بس للاسف تأخرت علي ... احبك)
شي ثالث .... اشتريلج ورقة ( بته) , بلي استيشن , العاب مال الشباب اللي يحبونها وتمي العبي وياه ....
هذي الاشياء اللي في بالي حاليا .... اذا تذكرت شي بخبرج ..... وانشا الله تعدي هالفترة على خير وبدون مشاكل اهم شي كوني ماسكة اعصابج