مجد حبيبتي ساعديني بليز

برائة طفولة 16-04-2007 20 رد 4,903 مشاهدة
ب
اول شي بوصف نفسي عمري 19 وابي اهتم ببشرتي من الحين

انا حنطاويه وبشرتي دهنيه على الانف والجبهة لكن الخدود اقل علما ان فيي اثار حبوب خفييييييييفة تروح وتجي

ابي منك تعرفيني على كل شي يناسب بشرتي وانا بحدد لك

1/ ابي كريم منظف للمكياج

2/ ابي تونك

3/ كريم مرطب

4/واقي شمس

5/ كريم نهار وكريم ليل

6/ ماسك

7/ كريم لتنظيف العين

8/ كريم لترطيب العين وتغذيتها

10/ مرطب للشفايف

11/ كريم للعناية بالعنق

12/ ماسك للعنق

13/ تقشير للبشرة

14/ غسول يومي للبشرة الدهنيه


ووووووووووووو اتوقع خلاص

بس ابي منك تقوليلي اسم الماركة لكل نوع وكيف الترتيب لاستخدام هالاشياء


بليييييييييييييييييز لا تنطشيني :sad:

واتوقع بنات كثير بيستفيدون من اجابتك

ولاتضحكين علي :shy:

انا في انتظارك

وابي اعرف خطوات تنظيف الوجه من المكياج بالترتيب لاتنسين
م
سيم سيم اسئله:cool2: :cool2:
أ
نتريا الأجوبه..
ث
وينج با مشرفتنا!!
م


يا هلاااااا أختي ،

لي رجعة إن شاء الله مع الأجوبة والشرح والصور :) ،

انتظريني :) ،

(f)
م


ثرثرة قلم:
وينج با مشرفتنا!!


قصدج عضوتنا :) ،

لأن مجـد تركت الإشراف صار لها تقريباً شهر :) ،،

(f)
ب
مجد وينك
م

ابي منك تعرفيني على كل شي يناسب بشرتي وانا بحدد لك

2/ ابي تونك

3/ كريم مرطب


رح أذكر لج ماركتين ، أثنيناتهم حلوين ، وأسعارهم مختلفة ،

واختاري اللي يناسبج ويناسب ميزانيتج ،

الماركة الأولى :

كانيبو ،

كانيبو عندهم لاين اسمه :

SENSAI SILK

يناسب البشرات من عمر 20 إلى 30 سنة ،

وهذا اللاين جديد صار ما صار له سنة نازل ،

هذا اللاين فيه أنواع تناسب البشرات الجافة جداً ، والجافة إلى العادية ، والمختلطة والدهنية ،

هذا الغسول ،



يناسب البشرات الجافة والعادية والمختلطة ،

طبعاً قبل كان عندهم غسول روعة للبشرات الدهنيةو المختلطة ، بس للأسف إنقطع !

وإن شاء الله ينزلون واحد بديل له أو أحسن منه ،

وهذا التونيك ،



التونيك فيه نوعين :

Moist للبشرات الجافة والعادية ،

Light للبشرات المختلطة والدهنية ،

وهذا المرطب ،



وفيه منه ثلاث أنواع ،

Super Moist للبشرات الجافية جداً ،

Moist للبشرات الجافة والعادية ،

Light للبشرات المختلطة والدهنية ،

أو

كلينك

برنامج الخطوات الثلاث



وهو عبارة عن ثلاث منتجات ،

غسول + تونيك + مرطب

وفيه منه كذا نوع للبشرات الجافة ، المختلطة والعادية ، والدهنية ،

ابي كريم منظف للمكياج


امممم عندج كذا ماركة عندهم مزيل جيد للماركات ،

آخر مزيل شريته كان من بنفت وبصراحة حلوووو وخفيف ،



أو

من كانيبو ،



أو

من كلينك ،



م
4/ واقي شمس



آخر واقي شمس شريته اهو نيتروجينا ،

ميزته إنه خالي من الدهون ، خفيف وما يدهّن ،

وحمايته عالية ،



وبوتس عندهم حمالية حلوة بعد ،

ولويس ودمر الحماية روعة عندهم بس الأهم مثل ما قلت تاخذين الـ OIL FREE

5/ كريم نهار وكريم ليل


الكريم النهاري ممكن تكتفين بأحد المرطبات اللي حطيت لج صورتها في ردي اللي قبل ،

وتحطين فوقه حماية من الشمس ،

أو ممكن تستخدمين هذا الإيملشن النهاري من كانيبو رااااائع جداً للنهار ، لأنه عبارة عن مرطب

وحماية بنفس الوقت ،



واسمه :

City Day Defense Emulsion SPF24

اممممم أما بالنسبة لكريم الليل ، من قالج إنج تحتاجين كريم ليل أصلاً !!! ،

إنت بعدج بالـ 19 سنة ، يعني ما تحتاجين كريم ليل ،،

لأن هدف كريمات الليل ، هو تجديد خلايا البشرة وتنشيط الكولاجين اللي يقل إفرازه من سن 25 سنة

أما إنت فالحمدلله بشرتج تتجدد والكولاجين نشط بدون كريمات ولا خرابيط ،

بس تكتفين تحطين مرطب عادي بالليل ،

6/ ماسك


ما حددت شنو الماسك اللي تبينه ،

لأن الماسكات وايدة ، فيه للترطيب ، وفيثه للتهدئة وفيه للسيطرة على إفراز الدهون

7/ كريم لتنظيف العين


أحلى ثلاث مزيلات للعين جربتهم ،

سيسلي ،



كانيبو ،



كلينك ،

ب
مشكوووووووووووووووووووووورة تسلمين على ردك بجد تعبتك بس

انا ابي ماسك مغدي للبشرة يعطي اشراق وحيوية

ومشكورة على ردك
م


كريم لترطيب العين وتغذيتها


عندج هذا الكريم من كلينك ،

All About Eyes



مرطب للشفايف


فيه مرطب حلووو ويدوم لست ساعات من نيتروجينا ، حلو وخفيف ، <<< راح أصوره لج بعدين إن شاء الله :) ،

كريم للعناية بالعنق

ماسك للعنق


بالنسبة لكريم العنق وماسك العنق ، ما تحتاجينهم !! ،

لأن معظم كريمات العنق اهي للشد وإزالة التجاعيد ، وإنت بعدج على هالسوالف !! ،

لكن نصيحة :

إذا غسلتي يهج لا تهملين العنق ، غسلي العنق ويكون من أسفل للأعلى ،

وإذا حطيتي على ويعج ماسك وخصوصاً الماسكات الطبيعية لا تنسين العنق حطي عليه ،

أيضاً لما تحطين تونيك على البشرة أو ماي ورد حطي على العنق ،

(f) (f)
م
تقشير للبشرة


شوفي جربت مقشرات وايد ، بس صفيت على كذا ماركة ،

وأنا أفضّل في المقشر يكون خفيف حتى ما يجرح ولا يخدش البشرة ،

المقشرات اللي عندي حالياً من

كانيبو

بنفت

كلينك ،

<<< إن شاء الله أصورهم لج :) ،

غسول يومي للبشرة الدهنيه


أختي في بداية ردي أنا ذكرت لج نوعين من الغسول ، من كانيبو ومن كلينك ،

وراح أقولج ألحين نوعين بعد ،

من

نيتروجينا ،

فيتشي VICHY

وهو غسول للبشرات الدهنية المعرضّة لظهور حب الشباب أو اللي تعاني من حب الشباب ،

وهذه صورته وأخذتها من موضوع الأخت البنـدري الله يخليها يا رب ،



وهذا هو الموضوع للإفادة ،

http://www.3roos.com/forums/showthread.php?t=204298

م
برائة طفولة:
مشكوووووووووووووووووووووورة تسلمين على ردك بجد تعبتك بس

انا ابي ماسك مغدي للبشرة يعطي اشراق وحيوية

ومشكورة على ردك


العفوووو حبيبتي ، الله يخليج يا رب (f) ،

شوفي هالماسك من ديور ،



هذا الماسك يريّح البشرة وينورها ،

لأن البشرة إذا ارتاحت صارت منوّرة ،

وهذا بعد من كانيبوووو ،



واسمه :

10 Minutes Relaxing Mask

ولي رجعة مع الصور ،

(f)
م


رجعت مع الصور :) ،



وهذه السنفرات الي قلت لج عنهم ،

كانيبو القديمة + الجديدة + بنفت + كلينك السنفرة الحرارية ،



وهذه كلينك اليومية ،



وهذه سنفرة من بوتس ،



وهذا غسول وبنفس الوقت سنفرة لطيفة من نيتروجينا ولإزالة الرؤوس السوداء ،



أتمنى أكون أفدتج :) ،

(f)
ش
مشكووووووووووووووووووووووووووووووووووووورة
a
مشكوووره عزيزتي مجد دائماً مبدعة

دمتي بكل خير
ب
مشكورة ياقلبي تسلمين انا حفظت الموضوع عندي عشان اشتريهم

ثانكيو
ر
تسلمين حبيبتي مجد على هالموضوع

والله يحفظج وماقصرتي

استفدنا كثير

بس السنفره شلون طريقة استعمالها

وسنفرة ذا بودي شوب مو اوكي؟؟
م

تسلمون خواتي الله يخليكم يا رب :) ،

روعه:
[COLOR="Blue"]تسلمين حبيبتي مجد على هالموضوع

والله يحفظج وماقصرتي

استفدنا كثير

بس السنفره شلون طريقة استعمالها

وسنفرة ذا بودي شوب مو اوكي؟؟


أختي بالنسبة لسؤالج عن سنفرة بودي شوب فأقول :

ما جربتها لكن

إذا كانت حبيباتها ناعمة فاستخدميها ، لأن الوجه لازم تكون السنفرة ناعمة ولطيفة حتى

ما تجرح أو تخدش الوجه أو تسبب له احمرار أو حساسية بسبب خشونة السنفرة ،

بالنسبة لـ طريقة السنفرة :

بعد ما تنظفين الوجه توزعين السنفرة على الوجه واهو رطب يعني لا تجففينه ،

وزعيها على الوجه مع تجبن منطقة العين ،

وبعد ما توزعينها انتظري دقيقة أو دقيقتين وبعدين سوي مساج لطيف للبشرة وابدي بالفرك

وتكون الحركات الدائرية من الأسفل للأعلى ، وبعدين غسلي الوجه وحطي عليه تونيك أو ماي

ورد بارد <<< ضروري هالخطوة بعد السنفرة حتى يتسكر المسام ،

أو

ممكن تحطين بعد السنفرة ماسك ،، ممكن يكون طبيعي أو جاهز ،

وبعد الماسك حطي تونيك وبعد التونيك ومرطب ،

أتمنى أكون أفدتج :) ،،

(f)
[/COLOR]
ر
الا فدتيني ونص بعد

تسلمين فديتج

بس معليه باذيج شويونه:)>>>كانه صار موضوعي


بشنو تنصحيني اجرب اي سنفره؟

واكون شاكره لج
X