إذا صار فستان الحنة احلى من فستان الجلوة!!؟
الشيخة
16-04-2007
18 رد
792 مشاهدة
السلام عليكم
شحالكم يا بنات الخير
عندي سؤال لاني متحيرة مرره
فصلت فستان الحنة
واشتريت جاهز لفستان الجلسة ( الجلوة ) لانه عجبني وايد
وطلع فستان الحنة احلى بووووايد من فستان الجلوة
اصلاً طلع ما يتقارنون!!
مع العلم انه فستان الجلوة اخضر كامل
وفستان الحنة ماروني .. على اخضر وبيج ..
في رايكم ابدل فستان الحنة اخليه للجلوة
وفستان الجلوة اخليه للحنة
يعنى البس للحنة اخضر
والبس للجلوة ماروني على اخضر
في انتظار رأيكم
الي ان شاء الله يساعدنى في اتخاذ القرار
وتسلمون
هلا..
يتراوى لي أن ليلة الحنا أهم .. علشان التصوير بعد .. والجلوة متغطية يعني ما بيطلع الفستان وايد .. وان شاءالله الأثنين حلوين .. ولا تقعدين توسوسين ههههه ..

هـــــلا وغــا بعروستنا
الشيخـــه
عادي يالغاليه لو صار فستان الحنه
أحلى من الجلوه الاثنين بتلبسينهم
بعدين في الجلوه بتغطين ويهج يعني بيتغطى شوي الفستان
اما في الحنه مابتغطين ويهج حلاتها الفستان يكون أزهى وأحلى
وأكيد ثنينهم حلوين لانج أنتي مختارتهم
والله يوفقج ويسعدج وتطلعين أحلى عروس
أختج الدانــــــه

احنا عدنا يلبسون الأخضر للحنا ,., والأحمر للجلوة
بس مثل ماقالوا البنات .. الفستان في الجلوة بيتغطى .,, وما بيبين وايد
والف مبرووووك مقدما
تسلمووون يا بنااات
وشبة مقتنعة بكلامكم
بس ما تشوفون ان للتصوير ..احلى تكون يدي متحنية ..
يعني يوم الجلوة بتكون يدي متحنية وبكون في الفستان الماروني احلى...
والله ياليتكم وياي عشان تشوفون وتحكمون
مراحب الغاليات
ممكن سؤال على السريع,,, شنو الجلوة؟؟
وربي يجعلها الك بالمبارك يارب ويوفقج
الجلوة لها مسمى اخر وهي الجلسة
اي ان تجلس العروس على كرسي ويحيط بها البنات من اربع الجهات ماسكين شالاً اخضر يرفرفونة به على رأس العروس بخفة من فوق الي تحت
ويقرأون عليها من الاناشيد المباركة
وبعد عدد من الانشودات يغيرون الشال وعادتاً يستخدمون 7 شالات بألوان زاية مختلفة وغالباً ما يبدأون بالشال الاخضر
وهنا اللون الاحمر والاصفر والازرق والفوشي ...الخ
والجلوة هو موروث شعبي معروف في دول الخليج
وما زال لدينا في البحرين
أيام زمان كانت العروس تجلس او يجلون بها لمدة سبعة أيام فكل يوم شال
والان الجلوة تكون ليوم واحد عصراً او مساءاً .. نظراً لارتفاع تكاليف العرس، والحفلة التي غالبا ًما يصرف عليها بالاف .. واستغناء البنات عن هذه الليالي بحفلة العرس الكبيرة واكتفائهم بيوم واحد
اتمنى اكون وفيت
وفهمت ولو شوية عليا
ر
ريـــــانة العود
عروس متألقة
17-04-2007 | 03:22 PM
حنا بقطر نلبس نفس الجلابيه للحنا والجلوة
والله قطر احسن ناس
ياليت احنا شذي كنت افتكيت من العبالة الي علي
احنا بالسعوديه ماعندنا كذا
عندنا ملكة
غمرة
حفل زواج
ولا نتذمر مالنا خلق لاننا نكون تعبانين
الله يوفقكـ يااارب
تسلمين اختى
بس شنو الي تقولين عنها غمرة!!
اول مرة اسمع فيها؟؟
الغمرة عندنا هى الحنة عندكم
اها سلمتي
طيب وايش تلبسون فيها عادتاً؟
وتلبسون بالجلوة او الملجة؟؟
نحن اختصرناها
ملجة وعرس...
ومرات مايسون حفله للملجة................ لانه العروووس مالها خلق..
بس العرس كفايه عليها.. ههههههههههههههههه
هلا اختى خواطر
يعجبني الاختصار والله
وياليت الي عندنا يقتنعون
طيب بس العروس شنو تلبس يومها
فستان العرس مره وحدة؟
هلا حبيبتي احس من يجي يوم عرسكـ بتكونين ميته تعب ودايخه من اللى بتسوينه الله يعينكـ
ويوفقكـ يارب
احنا بالملكة تلبس فستان فخم ومرتب واي لون تحبه
وبالغمرة تلبس هندي وتغطي وجهها انا مااحب اللى تغطى بس هو يقولوا لازم
والحفله الكبيرة اللى هو العرس تلبس فستانها الابيض
وووبس
الف مبروك..والله يوفقج
الحمدلله احنا في قطر نسوي الجلوه والحنا في نفس اليوم ..
ومب اجباري بعد ..يعني اللي ماتبي حنه ووجع راس ماتسوي ..
سلام عليكم
انا مسويه مثلج تقريبا بس انا اخذت الاثنين جاهز لاني تعقدت من التفصيل اودي موديل يسوون لي موديل ثاني فأخذت لي الجلابيتين من كبرى القصير حلوة جلابياتهم
بس انا اخذت الاحلى للجلوة لان الحنا بسويها شوي عائيلة والربع وجدي بس
اما الجلوة بتكون عامه وناس وايد
فانتي يعتمد على شنو بتسوين يعني شنو بيكون اكبر الجلوة ولا الحنا
يعني اذا بتصير الجلوة اكبر خلي الاحلى لها
وربي يوفقج
تسلموون خواتي على ردودكم
اهات الدمعة و bent_aboha
تسلمون على نصايحكم
والله يجدم الي فيه الخير