رابطه بنات بلدي المصريات اتفضلوووووووا ادخلواااااا

السلام عليكم اخواتي انا بردو مصرية وخيت من منتدى الرغيات طبعا وحبيت افيد هنا كمان بالي اعرف. بالنسبة للشعر انا لما كنت صغيرة في سن 13 سنة كانت فروة شعري مريضة وفيها قشرة مش عادية فماما الله يكرمها ابتدت تحطيلي خلطات وحاجات كتير ومن ساعتها وشعر بقى كثيف اوي ومن ضمن الحاجات الي عملتلي زيت الزيتون والتوم واهم حاجة لتكثيف الشعر هي البصل والله العظيم حلوة اوي وعن تجربة البصل افرموه وخدوا الماية بتعت ودلكو بها فروة الراس وسيبوها عليه اكتر من ساعة والريحة طبعا انت عارفين وكمان حكاية كريم النخاع الي بتقولوه ده احنا عندنا بنجيب النخاع بجد بنروح للجزار وبنجيب عظم البقر وبنكسرو وبناخد النخاع الي جواه وبنخلط مع زيت الزتيتون وده كمان روعة كثافة ونعومة.وكمان عشان الكثافة فيه عشبة الشيبة مع زيت الزيتون وبنحطها على فروة الراس وايه كمان اه على ذكر القشرة لما كبرة بقى رجعتلي القشرة بس قشرة عادية وخفيفة وروحت للدكتور واداني سيلسان بلوه وهو جميل اوي طير القشرة من ازازة واحدة بس وكمان لنعومة الشعر فيه الصبار ده جميل اوي وبيطول الشعر كمان كفاية عليكم كده لما افتكر حاجة تاني حرجع لكم يلاه سلام حبايبي.

:qaq: :qaq: :qaq: :clap: الموضوع جميييييييييييييييييل بجد ومرسى كتير لكل اللى بيفيدونا

انا بقى زهقت خلاص من شعرى ده وخلصت عليه كل فلوسى :sad: وهشحت قريب والمشكله انه
بعد اما يبدا يكون كويس ارجع اعمل فيه حاجه تدمره تانى

المهم هو حاليا مقصف وهلكاااااااان واكتر حاجه تدايق انه جاف اوى منفوووووووووووووووووووش فرحان بنفسه تقريبا :dd:
وده طبعا من الصبغه والمكوه والسيشوار والحمد لله

انا الوقتى بعالج فيه بكل حاجه عشان بفكر افرده بسوفت اند بيوتفل لانه محتاج يتفرد عشان الكسرات اللى في مش راديه تروح باى حاجه

احلى ماسك عملته لشعرى بجد حسيت معاه بنتيجه احلى مليوووووووون مره من حاجات كتير استعملتها وهو

(موزه مستويه+كوب زبادى+عسل نحل+زيت زيتون+حمام كريم بوناويل بجنين القمح) بضربهم فى الخلاط واحطهم على شعرى والبس كيس لمده ساعتين او تلاته تقريبا وبعدين اغسل كويس اوى

وبستخدم كريم بانتين الحمايه الذهبيه للشعر التالف بجد رووووووووووووووووعه اول كريم اجيب فى حياتى ويبقى حلو ولا ريحته بقى تدوووووووووخ من جمالها

دى الحاجات اللى بستخدمها حاليا بقالى شهر وحاسه بتحسن شويه فى شعرى وعندى زيوت كتييييييير بس بتنشف شعرى :sad: بعمل حمام زيت من فتره للتانيه كده واللى هعمله قريب ان شاء الله لانى كنت سايباه بقالى شهر يتفاعل وده خلطه اختنا روح البحرين شكلها بس مش هى الخلطه بالزبت وهى عباره عن

(زيت جوز والهند (ومتجمد طبعا من الشتا) +زيت الحيه+حلبه +سدر) وسيباهم سوا وهستخدمهم قريب ان شاء الله لان كلها حاجات مفيده ويارب تجيب نتيجه


كفايه النهارده كده لحسن تعبت :o واللى حابه اى استفسار تحت امركو يا عسلات

يارب اكون افدتكم

نانى لو سمحتى قوليلى حمام كريم لوريس دة بكام واجيبو من اى صيدلية

مشكووووووووووووووووووووووووووره

اه يانانى قوليلينا جبيتى لوريس منين وبكام

at2ota:
نانى لو سمحتى قوليلى حمام كريم لوريس دة بكام واجيبو من اى صيدلية

انا جيبته من العزبي ب 57 جنيه
بس في بنات شافوه في اماكن تانيه وبسعر ارخص

يا بنااااااااااااااااااااااااااااااات

انا دوخت على ما عرفت ان الموضوع اتنقل هنا:sad:

فى بنات اكيد مش عارفين الموضوع راح فين وانتو شايفين اهو يومين عدو ومفيش مشاركات

ياريت ترجو الموضوع مكانه تانى او تعملو حاجه البنات تعرف ان الموضوع بقى هنا

محبوبه القمر:
يا بنااااااااااااااااااااااااااااااات

انا دوخت على ما عرفت ان الموضوع اتنقل هنا:sad:

فى بنات اكيد مش عارفين الموضوع راح فين وانتو شايفين اهو يومين عدو ومفيش مشاركات

ياريت ترجو الموضوع مكانه تانى او تعملو حاجه البنات تعرف ان الموضوع بقى هنا

حبيبتي الموضوع دة مكانه من اول ما تفتح متنقلش ولا حاجة
انتي اكيد تقصدي الموضوع التاني اللى في ركن البشرة اللى اسمه السادس يا نشيطات

لكن دة موضوع مختلف بيتكلم عن الشعر

بنات

باركولى

أخيرا جبت حمام كريم لوريس ب 40 جنيه بالامس

رحيق الإبداع:
بنات

باركولى

أخيرا جبت حمام كريم لوريس ب 40 جنيه بالامس

مبروك يا قمر
وان شاء الله يعجبك
ويجيب معاكي نتيجة كويسه

يلا شدي حيلك وابداي ومتكسليش

:sad:

رحيق الإبداع:
بنات

باركولى

أخيرا جبت حمام كريم لوريس ب 40 جنيه بالامس

ممكن لو سمحتى تقوليللنا جبتية منين بالظبط وهل هو بزيت الحية ام لا

جبته من الزقازيق منن المعلمين مول الدور الثانى

ربنا يبارك فيها الاخت crying blue eyes اللى قالت لى على المكان

وبمفعول دهن الحية

السلام عليكم ورحمة الله وبركاته
أخواتي الكريمات
انا بقي نفسي احل مشكلة شعرى شعرى ناعم بس المشكلة انه مكسر اوى وفيه كسر رفيعة مش عريضة تاخد شكل المووج وجربت جاجات كتير بس كله بينعم مفيش حاجة بتفرد وكمان خفت اجر الفرد الكميائي لان شعرى مش محتاج هو عايز جاجة طبيعية تفرد الكسر ديه يا ربت اللي عنده تجربة ونجحت معاها تفيدني ويا ريت اللي تعرف زيت الحية من اين اجيبه انا من اسكندرية وسالت عنه مش لقياه وسمعت انه بيفرد الشعر
ومعلش طولت عليكم بس كان الله في عون العبد ما دام العبد في عون اخيه وجزاكم الله خيرا علي هذا الموضوع الرائع ويارب كل البنات تتهني بشعر ناعم وطويل وجميل خالي من الكسر والتقصيف

ما شاء الله يا بنات..انا حبيت اسلم بس وبإذن الله ليا عودة اي نعم مش عارفة هاتبقى امتى بس اكيد بإذن الله راجعة تاني

اه انا حاليا معنديش حاجة اقولها غير تجربتي مع الفرد بالسوفت اند بيوتيفل اللي فيه ناس كتير زهقتهم بيها بس معلش بقى اصل انا لااااازم اقولها
اولا انا شعري مموج لا هو خشن ولا ناعم وجربت الفرد من حوالي سنتين وشوية.. والحمد لله على كل حال
تسااااااقط مع تقصف مع ضعف مع ما اتفردش كويس اساسا والشعرة بقت عاملة شبه الدبوس مع النفسيييييية وعملي اول ما وضعته التهاب في فروة رأسي من عند المقدمة>>انا اسفة يا جماعة بس ده فعلا اللي حصلي وربنا شاهد..فنصيحه يا بنات من اختكم في الله ماتسمعوش بقى حد يقول فرد طبيعي ولا صناعي..اي نعم مش كل الشعور بس الواحد مايضمنش...وانا اسفة مرة تانية لو تقلت عليكم

[grade="00008B FF6347 008000 4B0082"]

اصرا:
السلام عليكم اخواتي انا بردو مصرية وخيت من منتدى الرغيات طبعا وحبيت افيد هنا كمان بالي اعرف. بالنسبة للشعر انا لما كنت صغيرة في سن 13 سنة كانت فروة شعري مريضة وفيها قشرة مش عادية فماما الله يكرمها ابتدت تحطيلي خلطات وحاجات كتير ومن ساعتها وشعر بقى كثيف اوي ومن ضمن الحاجات الي عملتلي زيت الزيتون والتوم واهم حاجة لتكثيف الشعر هي البصل والله العظيم حلوة اوي وعن تجربة البصل افرموه وخدوا الماية بتعت ودلكو بها فروة الراس وسيبوها عليه اكتر من ساعة والريحة طبعا انت عارفين وكمان حكاية كريم النخاع الي بتقولوه ده احنا عندنا بنجيب النخاع بجد بنروح للجزار وبنجيب عظم البقر وبنكسرو وبناخد النخاع الي جواه وبنخلط مع زيت الزتيتون وده كمان روعة كثافة ونعومة.وكمان عشان الكثافة فيه عشبة الشيبة مع زيت الزيتون وبنحطها على فروة الراس وايه كمان اه على ذكر القشرة لما كبرة بقى رجعتلي القشرة بس قشرة عادية وخفيفة وروحت للدكتور واداني سيلسان بلوه وهو جميل اوي طير القشرة من ازازة واحدة بس وكمان لنعومة الشعر فيه الصبار ده جميل اوي وبيطول الشعر كمان كفاية عليكم كده لما افتكر حاجة تاني حرجع لكم يلاه سلام حبايبي.

بالنسبة للبصل فيه زيوت صافية منه عند العطار لكن الريهة اف اف بجد حاجة تتعب وفعلا العطار قاللى ده للكثافة [/grade]

اللي عايز زيت الحية في الزقازيق
انا لقيت زيت الحية نتاج الهند
عند نفس المكان اللي جبت منه حمام كريم لوريس
بس بصراحة معرفش اذا كان اصلي ولا لأ
ياريت اللي تعرف تقولي
سعرة 90 جنية
و شكل العلبة و الزجاجة نفس بتاعة حراز بالظبط بس دة مكتوب عليه من الهند و الزجاجة من جوة مغلفة ببلاستيك

بصى يا صاحبة العيون الزرقاء :)

لو عايزة منتجات حراز فهى بتتباع فى الزقازيق عند عطار اسمه عباد الرحمن عند كوبرى العبور وعنده زيت الحية من حراز ب30 جنيه

احسن شامبو بانتين بصراحه منتجاتها رووووووووعة والبلسم بردو وفى زيت صانسيلك وكريم شعر ايفا وبسم صانسيلك يترك على الشعر عبوة صغيرة حلوة اوى وبالمرز يتقل الشعر