علاقتك مع زوجك بعد الولادة

انا الصراحة توني والدة من اسبوعين
وايد هالشي قالقني ومخوفني :(

بس زين حطيتي الموضوع عشان نستفيد
انا بروحي كنت ابي اسال
متى ممكن يصير جماع بعد الولادة؟؟
وكيف يكون الوضع؟ مثل قبل الحمل ولاغير؟؟!!

ياريت تفيدونا

شكراً أختي زهرة خريف صلالة على الرد والصراحة في أزواج يخافون بعد الولادة من الجماع مع زوجاتهم ويطول الوقت وينسون علاقتهم ويزيد الأمر الإنشغال مع البيبي و التعب وهذا اللي حاصل معي خصوصاً وأنا خايفة أستخدم حبوب منع الحمل ومع الجماع يمكن يصير حمل فيا ريت الأخوات يفيدونا ويخبرونا الحل وهل عزوف الزوج عن الجماع خوف ولا عزوف عن الزوجة بعد الولادة ولا ملل من استخدام موانع الحمل المملة مثل العازل والقذف الخارجي الذي لا يفضله معظم الأزواج وهل الحل الوحيد حبوب منع الحمل ؟

مرحبااااااااااااااااااااااااا

هالموضوع يشغل الكثيرات من النساء وخصوصا بعد اول مولود بس الصراحة لازم تكونين متفاهمة مع زوجش في هالموضوع لان في بعض الازواج من هذا الموضوع تتفاقم المشاكل وما تخلص ابدا.

بعد الاربعين يوم من الولادة تقدرين تجامعين زوجش ولا تخلين زوجش يحس ان الطفل ما اخذ كل اهتمامش ووقتش فبذكائش انتين اعرفي شلون تنظمين وقتش ويومش للطفل الصغير والطفل الكبير علشان ما يحس بالفرق بين قبل وبعد الولادة وكثري من اهتمامش بزوجش علشان يكون مرتاح

اني جربت هالنصيحة صار لي 5 ستوات والحمد لله كانت نصيحة ممتازة

اتمنى ان اكون افدتكم:shy: :shy:

لي رجعة

حبيت أسأل أختي أم النوح انتي تستخدمين أي وسيلة لمنع الحمل وهل هي مريحة ولا تسبب مشاكل لأن أحس أن هذا السبب الرئيسي اللي مسبب لي هذي المشكلة ويا ريت نشوف رأي الأخوات العزيزات.

أخواتي العزيزات
أني فعلاً صادتني مشكلة
بعد أول ولادة لي
وكنت مو بس من الإنشغال
استمر التعب عندي فترة طويلة واكتئاب ما بعد الولادة
فكنت ما اهتم لزوجي
وزوجي من النوع اللي يبغي يحس أنه موبس هو اللي رغبان يبغيني دائماً احسسه اني رغبانة فيه
وواجد تحسس من وضعي وصراحة تعبنا نفسياً ثنينا مع إنه ثنينا معذورين أني والدة وتعبانة وهو مسكين معاني ويا فترة الحمل والربعين وانشغالي عنه
بس بعد فترة كل واحد رجع لطبيعته وتفهم وضع الثاني وصرنا احلى ثنين بس ما اعتقد هالمرة بنصادف هالشي وتمنيت أني تحاشيته من قبل كان ما زعلت ولا زعلت زوجي
وعن المانع زوجي يسوي كنرول

أختي عيون ريمي الله يتمم عليكم المحبةإنتي وزوجك انا الحمدلله زوجي ما أحس أنه زعلان بس ما يرغب في الجماع وأنا أحس أن الحياة الزوجية ما لها طعم دون جماع . وحبيت أعرف أختي يعني شنو كنرول

السلام عليكم اشكركم ع الموضوع الحلوووو
انا متزوجه وعندي ولد عمر الحين سنتين صراحه اول ماصادفني بعد ماخلصت الاربعين انك ترجعي مثل ماكنتي بنت وانا محد قالي عن هالشي يعني الجماع يكون مثل اول يوم متزوجه فيه مررررررررره مؤلم انا عني جنيت بغيت اموووت بس الله يعينكم انشالله وعشان كذا مو مفكره احمل مره ثانيه لاني تعقدت من هالموضوع ومن خصوصا الخياطه لكن الله يعيني والشي الثاني العلاقه بعد الولاده صراحه عني جد ماحسيت عندي رغبه مثل اول وماصدق اني اصرفه او التهي بولدي لاني مالي نفس مررره واخذ الموضوع على هذا الحال فتره حتى لو صار جماع احس اني مغصوبه ماابي ولاليه نفس بعدين زوجي مررررررره تملل من الوضع وناقشني بالموضوع حتى لدرجة انه غار وقال كل وقتك مع ولدك وانا لا وبعد فتره الحمد لله رتبت اهم شي نوم طفلك نظميه ينام بدري عشان تبقى سهرتك بانفراد دون ازعاج وحاولي وهذا الاهم الي انا صراحه قصرت فيه انك ماتهملي زوجك ابد لو طلبك اي شي سيبي كل الي في يدك وفي الحال لبي طلباته عشان مايجلس يعايرك مثل زوجي الله يهديه دايم كذا يعني بالمختصر ماتنقصي شي او تهملي اي شي له وبالنسبه للي دوبها تولد استحملي طفلك بيكون مزعج شوي لمن 3 شهور وانشالله يترتب نومه
اسفه ع التطويل حبيت اشارككم وافيدكم بتجربتي والله يوفقكم وتقومو بالسلامه انشاللله
اختكم
دولي

وين باقي الأخوات
انا أعتقد أن زوجي مايحب طريق القذف الخارجي أو العازل ومتحيرة شنو أستخدم لأن يمكن أظل فترة طويلة جداً على هذا الحال . ياليت كل وحدة تخبرنا عن أحسن وسيلة لمنع الحمل خصوصاً أخواتي من البحرين ولكم جزيل الشكر لأني تعبانة وايد من الحال اللي أنا فيه

الاخت دولي كلامها فيه وايد مبالغه ..

يعني الالم مش مثل ما وصفته ..

و اول ايام المولود يكون وقت نومه متلخبط .. و بالتالي نوم الأم .. لكن بعد الاربعين بيتغير نومه وهذا دورج انتي ترتبين نومه ..حاولي انج ما تنومينه بعد الساعه 7 مساءا يعني خليه يرضع و بعدين حطيه على نايلون فوقه لحاف على الارض في مكان آمن بملابسه الداخليه وخليه يلعب شوي و بعدين سبحيه ( حمميه ) و رضعيه و بتلاقينه الساعه 10 أو 11 نايم من الخاطر .. هاك الوقت اتفرغي لنفسج ولأبوه .

ومنع الحمل توصفه الدكتوره و غالبا حبوب منع الحمل هي الأضمن .