mandolin:
ازيكم يابنات
شكرا للعروسه للعسوله " ورده قست عليها الايادى"
لانها الوحيده اللى ردت عليا بس هيا قالتلى انها بتستخدم الحلاوه اوقات واوقات تانيه مكنه براون
ياريت لو سمحتم حد يقول لى الشعر اللى بينمو تحت الجلد بعد مابشيل بالحلاوه ايه الحل بتاعه
لان فرحى كمان شهرين والموضوع ده بالنشبه لى عادى
لكن بعد ماتجوز ان شاء الله هايبقى شكله بايخ اوى
وكمان يابنات هو زيت الحيه ده موجود فى مصر والاقيه عند مين
اهلا يا مااندولين حبيبتى نورتينا
بصى يا قمر بالنسبه للشعر الى تحت الجلد استخدمى طريقة بنت عذارى للبيكربونات استخدميها كمقشر للجسم حلوه اوى وهتخلى الشعر الى تحت الجلد يظهر وبعدين هيطول وتقدرى تشيليه عادى بالسويت
تعرفى انا فى الشتاء بيحصلى كده والشعر بيطلع تحت الجلد ولما عملت وصفة بنت عذارى جابت معايا نتايج حلوه اوى
اما بالنسبه لزيت الحيه موجود عند العطار حراز فى باب الخلق خلف مديرية امن القاهره وكمان ليه فرع فى الهرم فى سوبر ماركت المحمل امام مستشفى الهرم واى سؤال انا موجوده يا عسل
والف مبروك على الجواز وربنا يتمملك بخير وتكونى احلى عروسه