أولا..........
هقولكوا على طريقتى لعمل الحمام المغربى وهى نتيجة قرايتى لموضوع أخت إسمها روح الأطلس
ربنا يباركلها والأخت مرموم كانت كتبتها برضو فى مشاركة ليها ربنا يباركلها برضو
وهى كنت كاتبها فى رسالة وبعتها لroseario يارب مكونش مسحتها يارب مكونش مسحتها
آآآآآآآآآآآآآهى الحمد لله موجودة
أنا جبت الصابون المغربى ب15 جنيه من العتبة بس سألت عند رجب العطار عارفاه ده قاللى بعشرين فهتلاقى عطارين تانيين بيبيعوا ب15 وتقريبا حراز منهم
والليفة يا ستى برضو نفس النظام فى أماكن بتبيعها ب15 وأماكن ب20 وأعتقد برضو إنك لو رحتى حراز حتلاقيها ب15 البنات كانوا قالو كده
بصى بقى يا ستى الخطوات
أنا كنت أخدت الخطوات من موضوع لواحدة مغربية فى المنتدى إسمها روح الأطلس
أول حاجة تفتحى المياه السخنة عندك فى الحمام :o وتسيبيها بتاع 10 دقايق
عشان البخار يفتح مسام جسمك يعنى لو السخان عندك غاز يكون أحسن أما بقى
لو سخان كهربا والمياه بتخلص منه بسرعة زى حالاتى:angry: فالأفضل إنك
تدخلى تحت المياه ال10 دقايق دول بس إوعى تلسعى نفسك يعنى حرارة الميه
يادوب تستحمليها ماشى
يااااااااااااه على النسيان فى خطوة قبل الكلام ده بس هى مش ضرورية أوى يعنى
ده لو عايزة يبقى الحمام متكامل شعر وجسم (مش شعر ودقن زى الحلاقين:gum:
تبلى شعرك بمية دافيه قبل ما تدخلى الحمام بساعة وتحطى عليه بقى أى حاجة
إنتى بتحبيها يعنى يا ستى ماسك للشعر أو حمام كريم أو خلطة بتحبيها يعنى
نوعى ماشى وتلبسى بقى بونيه على شعرك
نرجع بقى للحمام:o بصى بعد ما تحسى إن مسام جسمك بقت مفتوحة تجيبى
الصابون إنتى حتحسيه كده عامل زى الصابون السائل شوية ولونه بنى فاتحح
على غامق ده اللى أنا جبته لكن البنات فى دول الخليج عندهم الأصلى بيبقى
عامل زى الجيلى جامد شوية ولونه بنى غاااامق المهم تجيبى الصابون وليكى
الإختيار إما تحطيه لوحده من غير أى إضافات أو تاخدى من بتاع4 ملاعق كبار
وتحطى عليهم حوالى 1.5 حنة وده اللى أنا عملته وفى الموضوع بتاع روح الأطلس
كانت بتقول ممكن تطحنوا شبة وتحطوا عليه
تمام كده وبعدين تحطى منه على جسمك كلللللللله وتستنى لحد ما ينشف يعنى
بتاع 10 دقايق كده وبعدين يا ستى إوعى تكونى سبتى الميه السخنة مفتوحة
أحسن تخلص ونحتاس:shy: :bigsmile: بصى بعدين تدخلى تحت الميه وتنزلى
الصابون كله من على جسمك بإيدك مش بالليفة لا بإيدك ومتخليش أى أثر للصابون
على جسمك خالص
وبعدين إمممممممممم:think: :think: آه الليفة تكونى من أول الحمام نقعاها فى
ميه سخنة شوية عشان تطرى تجيبيها وتقفلى المية وهاتك بقى يا دعك فى
جسمك بس متفتريش يعنى عشان متتعوريش ولا حاجة :angry: أصلى كان عندى
حبة فى دراعى ودعكت جامد فتعورت ماشى ياستى هتلاقى بقى بلاوى طالعة
مع الدعك تقومى كل ما الحاجات اللى بتطلع دى زى الوبر (اللى هى الخلايا
الميتة ) تزيد تشطفى الليفة بالميه وترجعى تانى تدعكى لحد بقى ما تزهقى يعنى
وبعدين تفكى شعرك وتشطفيه مع الشطفة الأخيرة لجسمك ولو حابة تكون آخر
غسلة لجسمك بالشور المفضل بتاعك ممكن عادى قبل ما تفكى شعرك تغسلى
جسمك بالشور بعد ماتكونى خلصتى دعك وبعدين تفكيه وتشطفى شعرك وجسمك
بصى بقى يا ستى كده إحنا خلاص خلصنا الحمام المغربى تيجى قبل ما تخرجى
تدهنى جسمك بأى كريم مرطب يتحبيه أو أى خلطة برضو مرطبة للبشرة بتحبيها
عشان إحنا دلوقتى شلنا طبقة الجلد الميت والطبقة اللى تحتها لو مرطبتيهاش
بحاجة هتنشف وتبقى مشدودة كده فاهمة
وحمام الهنااااااااااااااااا
:smile: :smile: :smile: :smile:
وأى سؤال يا قمر أنا فى الخدمة ومعلش لو كنت إتأخرت فى الرد عليكى أصلى كنت مشغولة بجيب السجاجيد بتاعت جهازى عقبااااااااااااااالك
بصوا يا عسووووووووولات
ملاحظاتى الشخصية بعد كذا مرة من الإستخدام
1- كل ما كان فى بخار أكتر أو ميه سخنة أكتر كل ما المسام إتفتحت أكتر والنضافة بقت أحسن
2-أنا جربت مرة صابون مغربى مع حنا ومرة مع حنة وشبة وزيت ومرة لوحده أحسن حاجة عجبتنى وهو لوحده
3- متحطوووش صابون مغربى على الوش بينشفه إوعوا تحطوه
4-النتيجة لحد الآن مغرية بصراحة بس واضح إنى إفتريت شوية على رجلى المرة اللى فاتت فهى
محمرة شوية وحطيت عليها كريم مرطب يعنى الأحسن متفتروش فى الدعك
وحمام الهنا:gum: :gum: