يــــــــــــمّـــــــــه

اخترت لكم

أنا اسف يا((يمّه)) كاني اخطيت الخطا وارد
انا اسف يا همّي يابعد كل البشر يا ريحة الجنّه
عزاي اني ((يا يمّه )) لا بغيت ادله عجزت ارد
أهوجس يا حياتي كيف اشيل رضاك واكنّه
تحت اقدامك الجنه وتسنيم الظما البارد
وعلى الفردوس الأعلى سلسبيل عذب ما عنّه
رضاك انتى يا((يمّه ))من رضا الله والجفا صارد
وأنا خادمك وافخر والشرف لي ما بها منّه
أبا اخفض لك جناح الذل واقف كنّي المارد..
على كيفك ..واشيلك فوق راسي ..واتبع السنّه
يقومن القصايد ..ينهضن ..ويعوّد الشارد
وآتل القاف من اقصى الضماير واطرب لفنّه
أنا اسف((يا يمّه )) كاني اخطيت الخطا جارد
أنا اسف يا ((يمّه )) دعوتك هي ريحة الجـــــــنـّــه