عندي 3 عناوين محتارة شو أختار....

[grade="00008B 32CD32 008000 FF1493"]السلام عليكم ورحمة الله وبركاته......[/grade][grade="FF1493 FF1493 FF1493 FF1493"]العنوان الأول : الفطام ، بغيت وحدة تتبنى ها الموضوع وتخليه حق الامهات إلي يبون يفطمون عيالهم.
العنوان الثاني: رسالة شكر للأخت جمانة ، لأنها ساعدتني في إفطام ولدي عن رضاعة الليل .
العنوان الثالث: باركولي وأخيرا نجحت في إفطام ولدي من رضعة الليل.وبقولكم القصة [/grade].
[grade="00008B 00008B 00008B 00008B"]أنا بديت قبل بس الصراحة ما قدرت والحين عقب ما عطتني الأخت جمانة الجدول الحمدلله قدرت بس ما أدري بعدني ولا باقلي شوي بس عن نفسي الحمدلله راضية وقنوعة ما أبي أكثر من جده.
بديت من يوم السبت نام بروحه 5 ساعات متواصلة بدون ما يقوملي نام من الساعة 1لين الساع5 وبصراحة يوم صاح نسيت إن ها ولدي اتخيلو وحدة مو مصدقة نايمة 5 ساعات متواصلة .
واليوم الثاني نام 4 ساعات متواصلة ويوم نش رضعته لأني كنت ميته من التعب واليوم الثالث نام 5 ساعات وربع وكل ما ينش أهزه وأقوله تبا ماي ويوم شاف ما شي أمل شرب الماي ونام . واليوم الرابع 5 ساعات ونص بس صاح صياح لدرجة إني إنخشيت فالحمام وياه عشان محد يسمع صياحه وأبوه فتح علي الباب معني سكرته وما قتله شو السالفه بس قتله أطلع يبا ينام بطير النوم عنه والحمدلله سار لو عرف إني أبي أفطمه عن رضعه الليل جان ما هدني إلا وأنا مرضعتنه بس إرقاده أخترب وما رضى يشرب ماي وسهرنا من الساعة 4 لين 9 الصبح وحبيبي كنت محطتنه عدالي وأقوله نام ساعات يتم يتجلب وينام بروحه بس هاي المرة ما رضى تقريبا ساعة كاملة وهو يتجلب ويوم قتله ليش ما تنام يوعان حط إيده إف حلجه ويحرك حلجة أون ياكل ع طول سرت أأكله. المهم اليوم الخامس: رقد 6 ساعات وربع وااايد استانست ونش بس من هزيته رد رقد جنة قال فخاطره ها ما منها فايدة خلن أرقد أحسلي . بس للأسف اليوم السادس والسابع كان يرقد من وقت وما يكون متعشي ( عشا دسم ) فاليوم السادس رقد الساعة 11 ونش 1:30 رضعته وعقب ما رضعته لين الساعة 5 أو 6 ما أذكر واليوم السابع نفس الشيء وهاي القصة وأسمحولي طولت عليكم ..

بس صح إلي سويته ولا لا.[/grade]