*من جديد* تجمع حوامل البحرين ~حياكم الله~

~شـــــــــوق~:
امونةة
انتي شلون البرمودات اللي تقصدينهم؟؟
وعلى فكرة انا من زود ما خذيت ملابس داخلية اقول حق امي شكلي بلبسها بس ملابس داخلية :smile:
خذيت على الاقل 15!! (ادري متخرعة)
وبالنسبة حق البدلات..اللي اجوفهم في المحلات كله من 0-3...وفي محلات لا تلاقين مثلا بنطلون مكتوب عليى 0 او 1 يعني بالاشهر

عيون ريمي
يعني ناخذ ثاب حق الاربعين غير؟؟ المفروض تعلمينه انتي خبرة الحين!!
انزين هم يجون من 0-3!!
اممم وعلى كلامي ..انا شفت ناس عيالهم تكمل السنه مو الشهر وهم ما يكشخونهم بحجة العين!!

ام جعفرين
مشكورة على السؤال حبيبتي
وانا ودي اكون معاكم على طول بس مثل ما قالت لج امونة زادت علي التجهيزات والمشاوير وصرت ما الحق على السوالف
كلما ادخل اقرا على الاقل 10 صفحات
ما شاء الله زايدة الهدرة

طــفلة و نور المدينة
حياكم الله معانه

مناار:
امونه

ويش اخبارج سويتين غداش لو بعدش انى اليوم غداى لحم فى الفرن امممممممممممممممم ياسلام بشفيش مثل ما اتشفينا

~شـــــــــوق~:
مناار
تصدقين انا كله اتمنى اولد اول ما ادش التاسع
من التعب واكثر لأن خاطري اشوف البيبي
بس التوزيعات انا اشتغل فيهم في البيت مع خواتي يعني حتى لو ما جهزتهم...الحمدلله يعرفون شنو يسسون


الا صج على طاري الحرارة عقب الاكل...والثلج
انا هالايام كله خاطري في سفن آب بااااااااااارد وثلج (طبعا آكل الثلج عقب :shy:)
او ايسكريم احمر (اهم شي يكون احمر) عاد امس تعبنه من الدوارة على بال ما لقينه احمر في كل مكان مخلص ماادري ليش

عيون ريمي:
طفلة
مشكورة وصلني ما تقصرين

أني اليوم أبو أحمد بيطلعنا بيغدينا برة من الشغل سيدة

شوق
مثل ما قلت ليش حبوبة
أني أؤمن انه في عين وفي حسد بس ما أخليها تاخد حيز أكبر في حياتي الحافظ رب العالمين وادري انه في ناس لو ترف عيونهم قالوا حسدوني واني ما يعجبني جدي

بس ما شريت منهم لأن من تجربتي أنه الطفل في الأربعين خصوصاص ما بتطلعين به وفي البيت كله مقمط
لأن يجون عظمهم لين فلازم على طول قماط عشان ظهورهم تنشد وما يخترب جسمهم وتنفتح رجايلهم من كثر التفلل من جدي يعني لاحقة على مشترى الثياب الكشخة
أني شتريت موديل الشباحات بس مو من العاديين يعني ديزاينهم حليو وفيهم موديل غير العاديين القطنيين واغلى منهم بعد وشفت أشياء كشخة عجبوني ومقررة آخذهم لعقب الربعين بس قلت خلني ابدي الأولى
وانتي مدام خذيتي القطنيين زين والكشخة خليهم لين بعيد الشر بتودينها فحص مستشفى او شي وحق عقب الربعين لين طلعتين وياهاعشان لو فليتينها بتعدلين قماطها والله شي
وعساها دوم كاشخة هالبنت الدليعة

ومتى بتخلص أعراسكم عشان نرجع نشوفش بكثرة مثل الأول

منااار
إي والله وهقة عشان جدي الوحدة دائماً تخلص أشغالها من وقت أحسن واهم شي جى بصحة وسلامة هدي الحلاوة
وهالمرة دلعي البيبي ودلعي روحش

عيون ريمي:
شوق
أني من زمان طايحة في الثلج وتوي مخلصة كاس مقرضتنه تقرض
وصرتين مثل دمع الليل متنسية على آيسكريم المهرج ما دورت إلا المهرج

أني بعد خاطري أولد من بداية التاسع بس عقب ما أسوي شيرة مو أتورط بعد ما أبغي اسوي موس

~شـــــــــوق~:
عيون ريمي
الله يسلمج اعراسنه زادت واحد...ان شاء الله آخر عرس تاريخ 10/5
وبالنسبة للثياب
انا خذيت اللي يصيرون شبك بس مو وايد (4)
وخذيت بدلة وحدة بس حق المستشفى (new born)
وباقي البدلات من 0-3
يعني بعد آخذ زود؟؟

وايسكريم المهرج المشكلة كل برادة يقولون لي ما ينزلونه الحين مافي الا قرصان
واي شي احمر مخلص!! ما اعرف شسالفتهم

عيون ريمي:
شوق
إي حبيبتي افضل اشتري ليش بعد من الشباح القطن العادي حوالي اربع
واخذيهم (0_3) بس يكونون من النوع الصغير لأن ساعات يكتبون (0_3) وهم ويش قدهم
وخصوصاً انش أول وحدة في بيتكم بتجيب بيبي
يعني مو مثلي خواتي يولدون قبلي ويعطوني مال اولادهم
وحتى اللي يجونش هدية يكونون اكثرهم مال ابو 6 شهور

أني خذيت شباحات قطن بدون موديل 8
وخذيت 3 موديلهم أحلى يعني ستايل يصلحون لكشخة

وعندي مال أختي اللي توها والدة ولدها عمره ستة شهور الصغار كلهم عطتني اياهم
وعقب الربعين بنشتري الكشخات

وه ما أقدر اتكلم عن ثياب البيبي اتخيله فيهم واني انقزه وهو يضحك اخ عليه وعلى جماله

عيون ريمي:
أمونةة
وينكم من طلعتون الصبح ما شفناكم
وحشتنا هدرتكم انتين وام النوح
الظاهر مقابلة أبو محمود بما أنه هو في البيت
ولا قالت لينا ويش ريوقها الكشخة اليوم

نور المدينة:
هلا اختي أنوار المودة..

انتي طبعاً لازم تاخذي موعد اتصلي على رقم 17812222

واطلبي عيادة الحوامل ..

وبعدها اخدي الموعد ..
بالنسبة للسعر الالتاساوند ب 20 دينار غير الأدوية ..

بس انتي تقولين راح تروحي لها الشهر السابع عشان تشوفي جنس الجنين أتوقع لو تروحي قبل أفضل لأني انا في الراعب وقالت لي الشهر الجاي راح نعرف جنس الجنين يعني في الشهر الخامس بإذن الله ..

اختي اشوفها شاطرة وفاهمة وبالنسبة للتفلزيون عندها واحد تشتغل عليه والثاني يصير مقابل للسرير الا انتي نايمة عليه بحجم أكبر..

وتقول كل شي عن وضع المشيمة وحركات البيبي وطوله ووزنه ..

انا بصراحة تعجبني..

الله يسهل عليش ..

بنت النواعم:
بسم الله الرحمن الرحيم
الحمد الله رب العالمين

شخباركم حوامل
بقول لكم صباح الخير على حسب التيم عندي
توني قاعدة من شوي
وقاعدة اتريق واني اقراء ردودكم
لان البارحة كنت سهرانة

عيون ريمي شنو تقصدين في الشباحات الكشخة يعني اشولن شكلهم غير الشباحات العاديين؟؟

عيون ريمي:
عفية عليش أمونةة
إي مو متعودة على قعدة الصبح
عجل أني حتى يوم الإجازة من كثر ما متبرمجة على القعدة من وقت
إدا بطول 7.30 أو ثمان يعني واجد ماخدة راحتي وإجازة