*من جديد* تجمع حوامل البحرين ~حياكم الله~

مروووم انتي بأي شهر؟؟


اذا توش في البداية خطر الهمبة سمعت

mroom:
هلا ام النوح شخبارش خيوة

هلا والله بمروم شخبارش خيتو ان شاء الله تمام

ام النووووح

نسمع عنش ولا نشوفش.. قريت اسمش واجد في هالتجمع ولا حصل لي شرف الهدرة وياااش خخخ

شخبارش؟؟ وشخبار الحمل وياش؟

اي شهر انتي؟

عيون ريمي:
أني الليلة تعبانة ما اتمشيت والظاهر أم النوح اليوم صك عليها أبو محمود وقابلته وخلتنا
يالله تصبحون على خير ونشوفكم باجر

عيون شخبارج عمري ان شاء الله جتش علامات الطلق :shy:

مسكين ابو محمود شلون يصك عليي وهو في الشغل ما يجي الا عشر ونص بس لان بكرة حمود ما عليه روضة لان عندهم تخرج من كذي رحت عقب الصلاة بيت عمي خبرش قعدة وهدرة وي نسوان حميي وحمود يلعب وي ولاد عمه وما رجعت الا 11 الا لما جا ابومحمود من الشغل مر علينا .

بكرة ان شاء الله عيون بقابلة لانه اوف وان شاء الله اقدر ادخل عليكم الصبح بس ادعوا ان حمود ما يقعد من النوم الا الظهر علشان اخذ راحتي وياكم .

يالله بكرة ان شاء الله اشوفكم

هلا والله بثلج ونار

هذاني وياش الحين وهدري على راحتش

اني الحمد لله بخير وتمام واني بكرة ان شاء بكمل السابع وبدخل الثامن ان شاء الله

وانتين شخبارش خيتو ان شاء الله تمام وعلما عرفت انتين في الاشهر الاولى صح
الله يثبت لج ان شاءالله

اهلين بام غدير شخبارش

ويش عن الصور نزلتينهم ولالا؟

أم إيمان&:
هلا بناااااااااااااااااات شخبااااااااااااااااركم عسااااااااااكم بخير انشااااااااء الله


شلووووووووووون الحمل معاكم طيبين انشااااااء الله

اهلين بام ايمان شخبارش ان شاء الله تمام

واهلا بيك ويانا في هالتجمع

الله يزيد حوامل البحرين يارب:clap:

اني دخلت السادس هالاسبوع

والحمدلله ماشي الحال.. بس تعب ويا الجامعة والله

والحين كل يوم يزيد الثقل ويزيد التعب ويا هالجو الحليو الي عندنا

هلا ام النوح
لاوالله للحين حميي قال الليلة بجيب السيدي وللحين ماشوف جابة

الله يساعدش بس جامعة وهالجو معاناة

الحمد لله اني حملت بعد ما خلصت تربية عملية والحين في البيت انتظر التوظيف . بس احمد ربي اني ما اداوم في الجامعة لان تعب واجد

اي افتكيتين


اني الا الحمل هالفصل والولادة الفصل الجاي يعني الله يستر بعد

الي متواجدين هني كلكم شخباركم ويا الحمل؟؟

عيون ريمي باااااجر اذا جيتين ويا الباقي خففوا شوي جان يمديني.. عندي جامعه الصبح وبرجع اراجع عندي امتحاان يوم الاربعااء.. يعني مابرجع الا انتون شحنتون المنتدى والواجب ثقل وصار واجد

بقوم انااام جان اقعد من الصبح اراجع لي شوي قبل الجامعة


ام النوح والمتواجدين هنا تصبحون على ألف خير

مع السلامة

وانتي من اهله حبيبتي

نوم العوافي
والله يوفقش

بسم الله الرحمن الرحيم
الحمد الله رب العالمين

شخباركم اليوم؟؟

السلام عليكم

شخباركم


انا عضوة جديده حبيت اشارك معاكم

وهذا ثاني حمل لى عندى ولد عمرة سنتين وانا لحين حامل باول شهر

حبيت استفيد منكم

يقولون د فرح مسويه حادث تعرفون شخبارها لحين؟

حراااااااااااااااااااااااااااااااااااااااااااااااااااااام عليكم جذي... والله مايمدي نقرى الردود... عيوني عورتني من القراءة... حتى زوجي زفني يقول مو لازم تقرين كل شي... عاد انا ماعلي منه ههههههه.....

انتو شخباركم شمسويين.... انا اليوم رحت موعدي السلمانية والحمدلللللللللللللللللللللله رجعوني المركز بالزوووووور.. لان السكر مرتفع شوي... صج مابقى شي وادخل شهري... بس على الاقل افتكيت من قعدة الصبح وعوار الظهر من 7 ونص لي 9ونص.....

عيون ريمي وشوق.... الله يقومكم بالسلامة ويلاا شدوا حيلكم وولدوا بكرى... الله يسمع مني... عد لا تنسون تدخلون وتقولون لينا قصة ولادتكم... نحن بانتظاركم ياصاحبات الخبرة... الله يسهل على الجميع....

السلام عليكم

اي انا اليوم رحت امستشفى قالوا لي انها مسوية حادث وعندها اجازة اسبوع

بس مادري من متى !!

عيون يعني يبي لش تنتظرين اسبوع اذا تبينها هي اللي تولدش

اني اليوم يم ارح قالوا لي في د. سلام ودكتورة ثانية هندية ماعرف اسمها

واخترتها هي ...

ملووووكة ...

اذا عن اللوعة لاحقة

انا في البداية كانت في اليوم مرة لو مرتين

الحين وصلت لمرحلة كل ما آكل أو أشرب أرجع

الحبوب فادت وياي بس اول يومين

واليوم لما رديت رحت المستشفى عطوني حبوب جديدة اشربها ثلاث مرات

الحبوب الأولية أشربها مرة واحدة بس...

الله يسهل لنا على خير جميع يا رب

سلام شخباركم
واحنا وين ما نطقها عوجة
ويش يسويها حادث
الله يستر بس وتداوم قبل لا أولد
ولا تتأخر ما فيي شدة والله بولد عند اي أحد ما أقدر
اليوم بالذات تعبي تعب
وزوجي زافني زف على يوم أداوم
غير التعب وقلة النوم والتقلب طول الليل حمود طول الليل ما نام ولا خلاني أنام كل حين وجى ليي
والله يستر مني لتالي كان مو يدور راسي من التعب