*من جديد* تجمع حوامل البحرين ~حياكم الله~

هذاني رجعت ليش

اي الروضة شفت عندهم اهتمام ومدرستهم على مستوى يعني كل جامعيات والمبنى جاهز بس للحين ما فيه اثاث فيه تقريبا 3 حجر ومطبخ وصالة وحوش وقالت اليي اذا شفنا العدد كبير بنفتح عليه المبنى الثاني يعني بيهدمون الطوف الي بينهم ورحت وشفت الصالة مالتهم والبركة بعد الصراحة عجيبة بس متخوفة وللحين مترردة انتين ويش رايش

عيون حشى من الحين الا ما يعرس البطل بتجين اليي بال صرت اني عجوز على هالحال اني خاطري اشوفش الحين مو بعدين ويش فايدة

عيون وينش يالله تعالي

ها ما خبرتيني عن عريكم صرتين كشخة ها

العرس كان عجيب واني عدلت روحي في البيت طلعت اوكي يمشي الحال بس اتصدقين قلت يمكن تجي ريمي وكل اطالع في المعازيم اقول يمكن تطلع هي :shy: ههههههههههههههههه

أني بالنسبة ليي في الروضة ما أركز على الجانب الكاديمي واجد
لأنه ولادنا بعدهم حهال وأني ولدي صار ليه سنتين في الروضة وبعد بيروح سنة
وثانياً ما شاء الله عليهم يفهمون ولادنا وأذكياء يعني مو لازم نكرفهم وفي الأول بيعلمونهم المعلمات كل شي
أني يهمني الجانب التربوي ومراقبة المعلمات للجاهل
لأن ما أدري قلت ليش اولا
أنه روضة ولدي زينة بس صراحة المعلمة ما تدري بهم ويش يسوون ولا ويش يقولون لبعض
يعني ولدي في البيت كلش ما يسمع كلام وسخ
وهالمرة بين كل فترة عقب ما أعصب عليه وحتى الضرب اضربه وينسى هقب فترة يرد يقول يعني المعلمة بتغفل مرة مو مية مرة وكم مرة يجي للي معضوض والطبعة مبينة
أني أدري ان الجهال شياطين والسيطرة عليهم صعبة بس مو لدرجة انه يتهاوشون وتوصل للعض وبعدين تنتبه المعلمة وانه ولدي يحفظ الكلمات الوسخة حفظ ومو وحدة ولا ثنتين وهي ما تدري خبر خير وقلت ليهم وبعد ما في فايدة

والله كان خاطري أجي بس
اني كنت كلش تعبانة وللحين حتى زوجي كل حين يتصل ليي يقول ليي استأذني وبجي ليش برجعش البيت بس مصبرة روحي
وحتى زوجي البارحة دخل نام قبلي
مو زام زامين يشتغل يهلك واجد
إن شاء الأفراح عندنا وعنكم جاية ونشوف بعض فيها

وتعالي ما اشتريتين غير الفراش بدي اشتري مو تخلين روحش أني الحين هلكانة ويا الحلاوة
وأمس فضيت كبت حمود القديم من العفايس عشان البيبي الجديد ومنجدي طهري حده منكسر
والحلاوة الستاند بارز القطع باقي درزنين ما لصقتهم ومن أرجع بس انسدح شوي واشتغل فيهم
من جدي خلصي شغلش الحين عن هلاك بعدين

وينش لو خرف الإنترنت بعد اليوم وقام مايطلع المشاركات

اها والله رايش صحيح واني بعد حمود صار اليه سنتين في الروضة ومستوه اوكي لاني اني على طول اتابعه في البيت بس ابغي ابدله من الروضة لانها اولا في بيت يعني ساكنين فيه والروضة فيه وثانيا واجد يعاقبون الاطفال على اتفهى الاسباب يعني حتى لو تكلم وي رفيقة يعاقبون او يحرمونه من اللعب في الالعاب او من الرياضة واحس ان هذا غلط بالنسبة للطفل وثانيا اني اهتم بالنسبة للمستوى التعليمي بعد ويوم اتصل هالروضة قلت ليها شنو المنهج المتبع ما فهمت اليها بالضبط شنو قصدت بس كانها تقول منهج مدرسة خولة بس ما فهمت تقول نفس الروضات الرسمية وعندهم مدرسة خاصة للانجليزي لان ابغي حمود يتقوى في الانجليزي بعد بس بعد ما ادري

انتين خلاص سجلتينه ولالا

صباحكم الخير
شلونكم ؟؟
وحشتوووووووني

أم خالد ها طمنينا عليش في جديد لولا

ان شاء الله على بداية الشهر بروح اكمل اغراضي والله يعني ترى من الحين من امشي شوي اتعب شلون بعدين

الكمبيوتر كل حين يشير بسوي اليه رستار وبرجع

أني للحين ما سجلت بس خلاص اتفقت أني ابو احمد انه هدي اللي بنوديه فيها مع إني ما رحت بس كلامش بعد شجعني
وتصدقين حتى روضة حمود يازعم حصة كمبيوتر
وهم كلهم الطلبة في كمبيوتر واحد
على قولة المعلمة يتهاوشون كل واحد يبغي يلعب

الحمد لله على كل حال؟......

تصدقون على حالتي وبعد أحصل ليي حركات ترفع الضغط
جايبة ليي عصير وحطيته في الفريزر ما رحت باخده اللا هو مفتوح ومشروب منه
شفتون الصفاعة والتحسر وقلة الأدب شلون
متى أولد وافتك منهم

أم خالد يعني ما في تطورات

وينكم حبايب

الخبر ما قولكم اباه يوم الاثنين ان شاء الله
يوم الاحد عندي موعد مع دكتورة موزة راشد