*من جديد* تجمع حوامل البحرين ~حياكم الله~

:shy:

بنت النواعم:
بسم الله الرحمن الرحيم
الحمد الله رب العالمين

شخباركم اليوم حوامل

اليوم مافي واجد هرار
لان اجازة لة
اني اليوم واجد تعبانة ماادري
ويش فيني
احس روحي راسي داير وابي انام
الله يستر ومضايقة حدي حتى اليوم زوجي قال بيطلعني
لكن قلت ماابي اطلع
مضايقة حدي من شنو ماادري
المهم حبيت اطل وااسلم عليكم

زين البراري ماتشوفين شر وانشاء الله البيبي سليم وبجيبنة بصحة وعافية بحق محمد وآل بيت محمد
بس بغيت اسالش اشلون يعني حركة مو طبيعية يعني شنو حسيتين وعرفتين ان حركة مو طبيعية؟؟

وسلامي الى الجميع

حبيبتي بنت النواعم الحركه مو طبيعية لما الله انشاء الله يبلغك وتدخلين الشهر التاسع (( طبيعيا تلاحظين ان حركة البيبي اقل من الاشهر الي قبله ولكن ما تكون معدومه على الاقل 10 الى 11 حركة باليوم ....)) طبعاً انا الدكتوره موصيتني من ادخل التاسع بحملي الاولي والثاني ان اعد حركات البيبي واذا شفته معدومه او اقل من 10 او 11 حركه أراجعه
اما بالنسبة لأحجم المراضيع ..
تاخذين الحجم الصغير جداً وهاي طبعاً يكون للماء فقط >>>>>>>> بالنسبة لي انا اخذ واحده فقط وبالنسبة للحملمات للمرضاعه الصغيره لان ماء فالياهل يغص اخذي له سمول وابتدي معاه حسب عمره ونفس الشي الحليب ابتدي معه من السمول واذا شفتي انه يتعب بالمص اخذي ميديم لان هاذ بعد لعود على حجم البيبي لما ينولد طريقة تنفسة وعدة عوامل ... انتي خليهم كل الاحجام من الحلمات متواجدين عندج واذا ما استخدمتيهم في البدايه ما راح تخسرينهم ...
تاخذين الحجم الميديم 2 اي مرضاعتين واحد تكون خاصه للحليب والثانيه للحركات الي خبرج حلوه او شكرداخ او اشياء اكيد انشاء الله امج او ام زوجك او خواتك الكبار راح يعلموك اياه واهي تخص الغازات الي ببطن الطفل واهو ما يلعوز الطفل في فترة النفاس ويلعوزنه

اما بالنسبة للمرضاعه الكبيره خليه لما يوصل 6 الى 8 اشهرمن عمره والله يبلغك انشاء الله وتشوفينه معرس ....ويبلغ جميع امة محمد عليه الصلاة والسلام :shy:

صباح الخير حوامل
زين البراري شخبارج اليوم
من قريت امس موضوعج وآنا احاتيج الله يسهل عليج يا رب وتولدين ولادة طبيعية

امونةة:
الله يسهل عليج يارب
وتولدين طبيعي
وبالسلامة يارب

انشاء الله الله يسمع منك امونه حبيبتي واولد بالسلامه وان الله يسهل علي وعليكم ويفرحنه كلنه بشوفة البيبيات.....:shy:

زين البراري
يعني ويش شكر داخ أول مرة أسمع عنه

أم جعفرين
أني ما شفت الوزن اللا في بداية الشهر الثامن فما عندي فكرة عن وزن ولادش زين لو لا

اليوم الهرارات الكبار ما دخلوا وأني يمكن انشغل عنكم لأن عاطيني شغلة يمكن تاخد وقت نشوفكم على خير

هلا عيون ريمي
انتي بعد موظفة شلونج مع عوار وكسار الظهر
لأني آنا بعد موظفة وتعب ظهري من القعدة وخايفة صراحة الله يستر ويسهل الامور وتعدي هالاشهر على خير

مناار:
بصراحه فى جلابيات احليوين حق البيت خبرش من ادشين السادس خلاص يبغى لج كله جلابيات واسعه اشوى علشان البيبى ياخذ راحته فى ترفس داخل بطنج ما اكون مخنوق غير انتين تبغين تتنفسين اشوى اذا كان اثيابش واسعه

او بعد فى افراشات او اكسسوارات يعنى اذا رحتين اكيد بتاخذين لج جم اغريضه

المعرض بكون مفتوح ياطويله العمر الى 7\5 يمديش اتروحين

اها يعني للاحد اها

عيون ريمي:
زين البراري
يعني ويش شكر داخ أول مرة أسمع عنه

أم جعفرين
أني ما شفت الوزن اللا في بداية الشهر الثامن فما عندي فكرة عن وزن ولادش زين لو لا

اليوم الهرارات الكبار ما دخلوا وأني يمكن انشغل عنكم لأن عاطيني شغلة يمكن تاخد وقت نشوفكم على خير

الــــشـــكــــر داخ
يا عيوني الشكر داخ هو تضعين الشكر على الضو وتحمرينه وتصبين عليه قليل من الماء وتخورينه بالقفشة بسرعم وتحطينه سيده في المرضاعه وهاي يستخدم للطفل الي في الاربعين .. واكبر بعد ..

سبب استخدامه :: للغازات ويسهل بطن الطف ويروح الغازات ....

يفضل وقت استخادمه باليل وذلك لما تمسدين الطفل بدهن زيت الزيتون وتعطينه الشكر داخ ينام لج نومه حلوه وما يلوع جبدك وبيطلع الغازات الي ببطنه وبيسويه بعد ... :clap:

هلا امونة
سلمي عاد اول بعدين طخي هالردود وبعدين ابتديتين
ردي ما قلنا شي بس مو بهالطريقة صدقيني في بنات ينفرون من التجمع والسبة عدد الصفحات اللي على الفاضي يعني في اشياء مو لازم تردين عليها هي مجرد معلومات واذا في اي سؤال اسالي او تعليق مفيد وايجابي اوكي
يعني انتي الحين كاتبة اهاا في المشاركة اللي قبل احنا شنو استفدنا انتي شنو استفدتي بس طلعتي اليوم اللي يصادف تاريخ 7 حسبي الله على ابليسج والله اني اكتب وفيني الضحكة جنج تعاندين
واذا تبين يزيد عدد مشاركاتج تقدرين تشاركين في عدة مواضيع ولكن برد ايجابي اتمنى ما تزعلين وتفهمين الوضع علشان يتم هالتجمع مفتوح ونستفيد من خبرات بعض

بنت النواعم:
تعالوا بسالكم على طاري المراضع
اني مااعرف في هالاشياء
تنصحوني
كم حجم المرضعة الي آخذها
والحلامات شنو السايز مالهم؟؟

بنوته من الحين بتشتري المراضع؟

ام جعفرين

الف مبرووووووووووووووووووووك
الحمد لله يارب

والله يطمنج عليهم يارب




امم احمد


هلا والله
خلاص من عيوني يا الغلا

بس وصلت للالفية وهذا يكفي هههه



زين البراري

ان شاء الله يارب




بناات رحت اليوم تحليل السكر

جوع من الساعة 8 تعبت والله
والقهر امس اختي بالعناد تعشية عشايين
واشوه طلع عصيرهم برتقال لان الاناناس ماحبه ولا اشتيه
محلى من الدرجة الاولى
علطول رجعته
عن جد الله يعين

شخباركم بنات
وشلون دبيبكم
أني البارحة كلش ما نمت بس تقلب يمين ويسار والجسم متكسر
بس خلاص أفكر فعلاً إني آخذ إجازة يمكن من الأسبوع الجاي
إي صحي بقوليكم
ويانا وحدة في رابطة أمهات يونيو ولدت وهي بنص الثامن
ودمع الليل صار ليها يمكن عشرة أيام مختفية ولا بينت
الظاهر بعد ولدت
لكن ما قالت لينا خافت نروح ونقصر الحلاوة
المصرية

وينكم الكل صاخ

أمونةة يوم رجعتين العصير ما ردوا عطوش غيره
لأن عادة لين الوحدة رجعت يعيدون ليها ساعات يقولون ليها روحي وتعالي يوم غير بعد

بنات اليوم الدكتور اللي في الشغل جاي من السفر عاد قاعد يدور ويسلم علينا من الصبح
يقول ليي شخبارش
ألحين صرتين اكبر والتعب أكثر
ضحكني يوم قال أكبر
فشيلة الوحدة حامل وتشتغل ويا رجال مواقف تصيدني
وويانا ناس عندهم كل شي عادي يعطونش هديك الكلمة ولا كنهم مسوين شي

عيون

اخذي اجازة ريحي نفسج
اهم شي راحة البال والصحة
شفت مكان شغلج
امس طايفين بالسيارة انه وزوجي صوبه
تقريبا قريب للفندق الجديد

ويمكن دمع الليل لحين ماولدت
لان بالعادة يبشرونا

انتي بتخلين احد يبشرنا هههه


بالنسبة للترجيع رجعته بعد التحليل
فشلة لين يقول لج جذي
ههههه
ويحطون بالهم بعد اكبر ولا اصغر ياربي

أم أحـــــــــــــــــــــــــــمد حبيبتي توني شايفة ردج ومن مساعه ابي ارد عليج بس ما يصير كله يشير عندي ما ادرس اشفيه اليوم .......................الحمدلله الحين احسن واحس بحركة البيبي بس خايفة والله اخاف ايحطون علي طلق صناعي وانا ما ابي ابي طبيعي خاطري اجرب الطلق الطبيعي ايقولون وايد ارحم من الصناعي ............

بنات


تفضلوو بيض عيون وطماط

رشيت عليه ملح وفلفل

انه ابغي اعرف شي واحد

متى يقولون لي طبيعي ولا قيصرية
باي شهر

وشلون حالات القيصرية؟

انا ويش فيني اليوم مرتين اقوم بطرش رد ويروح الرد بدون ما ادري اشلون اطغط على شي في هني وروح الدر
من شان الشغل عيون الريمي الهنود ويانا راح يموتون وعرفون ليش شكلي كله تعبانه .
اشوى اني تحت العباءة ما بين اذا كانت حامل ولا لا بس مني لنهاية الشهر اكيد راح يبرز اكثر

أمونةة
حرام عليش هالعذاب
أني جوعانة أمس كله لايعة جبدي ما تغديت ولا تعشيت وعلى الخفايف بس
ابغي من ريوقش
ويالله أكو دليتين شغلنا
تعالي وجيبي ليي
وأكيد وصيت زوجي ووصيت صديقتي أنه من أولد يدخلون ويبشرونكم بخليهم يكتبون موضوع ويدخلون بعد على الرابطة يمكن محد يقرى الموضوع
وعلى فكرة في البيت ويا زوجي كله سوالف عنكم فلانة وفلانة
حتى هو حفظ الأسامي