للي يزهبن شنطه المستشفى ...تعالو بقول شي؟؟

الله يسهل عليكم ..

انا بدخل التاسع 26-6

جهزت لي امي شنطة البيبي احس فيها ثياب وايد المهم انا اول حمل لي وماعرف خالتي بترقد معاي بالمستشفى وتعرف للاطفال وقالت لامي الاغراض اللي تحتااجها بالشنطه للبيبي صارت لي شنطه خاصه مترروسه للبيبي كلها ثياب ومهادات ومرضعتين ومرقد وكريم وشامبو وصابون وسفنجه ومشط وقبعه و4 فنايل وفوطه وطربال ولفافات وايد مادري حق شنو غير الاغراض اللي برع الشنطه من حفاظات وحليب وكيس البيبي مع شنطته لانه مثل مفررشي مسويته ..


وبخصوص شنطتي خلال هالايام بخلص منها امي كتب لي باقي الاغراض ..

الحين حطت لي شامبو وصابون وفووط وملابس داخليه وقمصان نوم وجلابيات خفيفه للنوم شرتهم لي امي من BHS فيهم ازرة من جدام بس خفاف وحلوين يقولون لاتلبسينهم لانهم قصار بس انا ماحب البس شي طويل ماارقد عدل هم للنوم بس ..
ومشط وعطور ودهن العود بس ماراح احط لي عطر وايد لانه مب زين للبيبي .. وكريم للجسم اذا كنت فاضيه بحط ههههههه بروحي متخررعه .. ومادري بعد شلي ناقص كاتبتهم بوورقه ..

وجهزنا كل شي للولاده من ملحف ودلال وستكانات وفنايل اشياااء وايد ..

والتوزيعات حجزتهم وكل شي لين ربيت بالسلامه بيوصلني المستشفى لانه الاغراض وايد مو كنج تجهزين للولاده .. كنج تجهزين لعرس ..


والله يسهل ع الجميع ياارب ..

بس في اغراض لين الحين ماحطيتهم بشنطتي باروح باشتريها كاتبتهم بورقه عشان مانسى

حبيبتي و أنا مثلك بكرية
و أهلي راح يساعدوني لاني توني بالشهر الثالث
ان شاء الله البنات يساعدونج
و لا تنسين ترى في المنتدى مواضيع واجد ممكن تفيدج
اتصفحي المنتدى و بتشوفين واجد مواضيع من ضمنها شو تحطين بشنطة المستشفى


ربي يسهل عليج و يقومج بسلامة