اللي عندها مشكله في تغذيه الطفل تخبرنا بها وسنحلها باسرع وقت ممكن

عزيزتي (( moon-soon ))

ترتيب اوقات النوم لدى الطفل هو مشكلتك وليس

الغذاء!!!

فيجب ترتيب ساعات النوم اولا ومن ثم الغذاء سوف

يترتب،،

اذا يجب اولا تحديد ساعات النوم المناسبه لطفلك

وبعدها سوف اعدل لكي الغذاء

لان النوم يريح الجسم ويقوم بعمليات البناء للجسم

ويجعل الطفل نابها ونشيطا وبالتالي يقبل الطعام

وجدول طفلك للنوم الذي سوف اضعه لكي هو:

الاستيقاظ صباحا يكون الساعه 9:00

نوم الظهيره يكون الســــــــاعه 1:00
والاستيقاظ يكون في الساعه 3:00 واذا لم يستيقظ الطفل من نفسه عليكي ايقاظه وهذي نقطه مهمه

نوم الليل يكون في الساعه 9:00

يجب ان يكون الجدول صارما لا بد منه للعلاج

سوف اتتبع معكي ما يحصل لول باول خبريني ويستحسن يوميا

وسوف نتعب في البديه ولكن النجاح في النهايه ان شاء الله اذا اردتي طفلك يكون (( دبدوب وصحي )) ههههه

العزيزه (( ام منصور ))

احب اني اعطيك طريقه تبتدين فيها الطعام وراح يكون على ترتيب احطه لكي

وتمشين عليه لطفلك

عليكي شراء سيريلاك الاطفال على قمح وفولكه

وعطيه في الرضاعه لمده يومين يعني لما تعطينه الحليب ضيفي له ملعقه سيريلاك

وبعدها خبريني اذا اعجبه وبنكمل مع بعض ان شاء الله والرضعات تكون مرتين يوميا

بالسريلاك والباقي عادي بدون سيريلاك

هلا حبيبتي الله يعطيك العافيه

انا اخليه ينام فتره طويله يعني هو يصحى الساعه 11 الظهر وبعدين الساعه 3 العصر ينام ويصحى 5 وبعد كذا يرجع ينام الساعه 11 او 12 بالليل :sad:

وهو مزاجي بالاكل يعني اللي يحبه اليوم مايحبه بم=كرا معبني معاه واذا غصبته باللقمه ياكلها لانه جوعان بس مايبيني اااكله

أنا عندي بنت عمرها 3سنوات ونصف ماتاكل أكلها قليل ..ومو أي شي تاكله .. وكل أنواع الجبن أو الروب أو اللبن ماتاكله وماني عارفه شسوي .. وأهي ضعيفه حييييييييييييييييييييييييل ..
وبنتي الثانيه فيها جدري من 3 أيام وديتها المستشفى بس الجدري قاعد يزيد بجسمها يليت تفيدوني ..

عزيزتي (( ((moon – soon

الجدول النوم عندك لطفلك جدا متخربط لا يعني ان الطفل ينام بكميات كبيره يعني

صح لا عزيزتي ،،،

في اوقات في الجسم للانسان تنشط وتبطئ وتبني وغيرها ،،، وهي منظمه من الله

سبحانه وتعالى على طول اليوم ،،، في النهار لها عملها وفي الليل لها عملها الاخر ،،

ويجب ترتيب النوم والاستيقاظ على حسب هذي الاعمال للجسم ،،،

فيجب النشاط في النهار والنوم في الليل ،،، يبدا الصباح في الساعه الرابعه او الخامسه

والطفل يستيقظ في الساعه ال11 يعني الظهر وين الصبح عزيزتي والنشاط ،،، وتقبل

الطفل الطعام؟؟؟؟

يجب الان ان نرتب النوم ،،، للطفل حتى نحصل على النتيجه ،،، اوكي

يالله تساعدي مع نفسج وقومي من الصباح وساعدي طفلك ,,, والله يساعدك عزيزتي

علشان نبدأ بجدول الاكل الصحي للطفل ،،،

عزيزتي الفقيره الى الله

هلا عزيزتي ،، والله يشافي بنتك ان شاء الله تعالى

حبيبتي ياليت لو انحل مشكله البنت الاولى اللي عمرها ثلاث سنوات ونصف

ونكمل منها علشان انركز على المشكله وبعدين انروح حق البنت الثانيه والله يعينك ان شاء الله
،،،،،،،،،،،،،،،،،

عزيزتي ياليت لو تكتبين لي الجدول اليومي للغذاء لها والجدول للنوم مع ذكر الاوقات بالساعات

ناطرتك عزيزتي،،

توتة البحرين;3790908:
العزيزه (( ام منصور ))

احب اني اعطيك طريقه تبتدين فيها الطعام وراح يكون على ترتيب احطه لكي

وتمشين عليه لطفلك

عليكي شراء سيريلاك الاطفال على قمح وفولكه

وعطيه في الرضاعه لمده يومين يعني لما تعطينه الحليب ضيفي له ملعقه سيريلاك

وبعدها خبريني اذا اعجبه وبنكمل مع بعض ان شاء الله والرضعات تكون مرتين يوميا

بالسريلاك والباقي عادي بدون سيريلاك

توتة البحريـــــــن.. تسلميييين الغالية..
أنا اشتريت له سيريلاكـ بالعسل من قبل ياكل منه كميات قليييييلة جدا واحيانا يرفض انه ياكله بالمرة, البارحة عطته امي وكل من ايدها الحمدلله..
وأنا ما اعطيه المرضعة (( الرضاعة)) ابدا من وهو صغير. أعطيه السوايل والاكل بالملعقة فقط. أمس هرست له بطاطس مسلوق واكل كمية قليييله بس. والله اني ما مقصرة معاه ابدا اسويله فواكه مطبوخة فالخلاط. وخضار مسلوقة. ورز مهروس مع الروب. واشتريت له انواااع كثيييرة من الأكل الجاهز بس هو يرفض هذا كله. بس الحمدلله ووزنه طبيعي ولله الحمد. يعني ما شاااء الله شكله وصحته وااايد تماااام. بس أنا ابغيه يتعود على الأكل ويقلل من الرضاعة الطبيعية.
اسمحيلي على الاطالة وبانتظار ردج..

اهاااااا يعني ترضعينه طبيعي وسؤالج كيف تقللين الرضاعه الطبيعيه ،،،

جوفي عزيزتي تحاولين تلهينه باي شي ،،، تلفزيون ،،، العاب ،،، يلعب مع الاطفال

لانه من يجوفج يبي يرضع ،،،، فتبتعدين عنه قليلا ،،، وحاولي ما يزعل او يتملل او يتضايق
علشان لا يفكر في الرضاعه ،،،

المهم الحين لازم تعلمينه على شرب العصائر بالكوب ،،، علشان يتعود على الكوب في هذي الايام

وخبريني شو صار معاج ،،،

السلام عليكم ..

بنات ارجوكم ساعدوني .. انا رب العالمين ولله الحمد رزقني طفله وزنها 1:800 .. وكانت ولاده مبكره يعني فالاسبوع 33 .. والحين هيه كملت شهرين وتوه وزنها واصل 3:600 واحس بعدها صغيره .. قولولي كم لازم يكون وزنهاالحين ..


انا اعطيها حليب نان وطبيعي بس .. .. المشكله الكبيره الغازات والامساك اللي فيها ..المشكله انا ما عندي قابليه كبيره على الأكل .. وبالتالي احس مافيني حليب كافي لها ما تحب تشرب الينسون .. شو تنصحوني اعطيها ...وعندي استفسار ثاني كم مره لازم الطفل يتبرز فاليوم .. وكيف اعرف اذا هذا الحليب ناسبها والا لا ؟؟؟

الاخت (( ريم الدماني ))

هلا عزيزتي ،،،

فيما يخص الوزن فالوزن مناسب جدا

فلا تحاتين ،،،

فيما يخص الغازات والامساك اللي في بنتج

في احتمالين ،،، من الحليب الطبيعي


من الحليب الصناعي

والحل هو ،،،

تقطعين عنها حليب نان وتعطينها فقط من حليبك

واذا استمر معاها الامساك والغازات فأنتبهي لغذائك

يمكن يكون تاكلين بيض او عدس او غيرها من الاكلات

اللي تسبب لها الغازات والامساك واكثري لها من السوائل

يعني تعطينها ماء كثيرا علشان يخفف عليها الامساك،،،

اما اذا استمر ت الحاله فيعني ان الحليب نان غير مناسب لها بتاتا

في ذي الحاله تستمرين على الرضاعه الطبيعيه ،، وتبدلين لها الحليب

الصناعي ،،،

اتمنى القى الحل عندج طفلي عمره 7 شور واسبوع من قبل شهر وشوي مرض والحين افضل من قبل تعافى بس مايبي ياكل مايبي الا يرضع من صدري بغيتك تقوليلي ايش الطريقه اللي استعملها عشان ياكل لأن من اقرب الرضاعه او الاكل يقلب وجهه الجهة الثانيه ؟؟بالعلم انه من قبل ياكل عادي

هلا توته البحرين ....... أكيد مليتي من كثرة أسئلتي لج بس والله تعبت من ها الولد بيشيبني قبل لا أشيب ... المهم بدخل فالموضوع ولدي كان تعبان من يوم الخميس كان فيه حمى تنزل وترجع وديته الحوادث وفحصوه وسوله تحليل دم أو تكرمين بول وسئلوني إذا في عندنا بالعايلة وراثة الثلاسيما بسم الله ع عيالكم وقالو فيه نقص حديد وعطوه حديد وأمس رحت أشوف نتيجة تحليل البول وطلع ما في شيء الحمد لله بس إلي ذكرته في ...... وقالي الدكتور وزنه ناقص يعني ها الوزن زين حق إلي عمرهم سنة وأنا ولدي عمره سنة و5 شهور وسئلني شو الأكل إلي أأكله ياه قتله كل الخضروات والفواكة أعطيه الحمد لله ورضاعته طبيعي أرضعه بس حاليا أعطيه سيريلاك يعني من شهر بس وقالي عطيه حليب صناعي قتله إني جربت كذا نوع وما يتقبل يعني من الشكل يشوف لونه بس وما يبا وأغطي المرضعة بعد يطعم ويتفل والحين ما يعرف شي أسمه مرضعه والكوب يشرب في ماي بس والعصاير بعد ما يباها معني كنت أعطيه قبل وعادي عنده يشرب عصير لاكنور بس مب عادي عنده يشرب حليب لاكنور بنكهة الكاكاو أو الفراولة جان يقولي الدكتور إن الولد وايد متعبنج وشكلج ما عندج خبره لأن أول ولد لج بصراحة زعلت من كلامه لأني كنت أباله كل مفيد بس يوم شفت الحالمن سيء لي أسوأ قلت لو خبصتله وعطيته أي شيء مثل ما الناس اتسوي جان أحسن وحايا ولدي فيه( جديري ) وهو كله ينام ما ياكل إلا نتاتيف وبالموت وما أقدر أغصبه عشان ما يرجع وزنه بعد نزل 350 جرام وقالي حطيله إف علبة الاكنور حليب أو أخلطي مع عصير الاكنور عصير طازج وإسمحيلي طولت عليج واااايد بس أرتاح لنصايحج ...

توتة البحرين;3792363:
عزيزتي الفقيره الى الله

هلا عزيزتي ،، والله يشافي بنتك ان شاء الله تعالى

حبيبتي ياليت لو انحل مشكله البنت الاولى اللي عمرها ثلاث سنوات ونصف

ونكمل منها علشان انركز على المشكله وبعدين انروح حق البنت الثانيه والله يعينك ان شاء الله
،،،،،،،،،،،،،،،،،

عزيزتي ياليت لو تكتبين لي الجدول اليومي للغذاء لها والجدول للنوم مع ذكر الاوقات بالساعات

ناطرتك عزيزتي،،

مشكورةعلى أهتمامج أختي" توتة البحرين" .. سامحيني على التأخير .. وأبشرج بنتي الصغيرونة تشافت من الجدري بس أنتقلت العدوى حق أختها الكبيرة وأتمنى من الله يشافيهم ويعافيهم ..

بالنسبة للجدول : بنتي تقعد من النوم الساعة 10:00 أو 9:00 ص أول ماتقعد تطلب حليب كاكاو
وأقوم أسوي لها حميسة بطاط وطماط أو بيض بزيت الزيتون لأن تحبهم ولما أحط لها الأكل تقعد تاكل منه شوية وبعدين تلعب فيه وأروح أشيله منها وتقعد لما الساعة 12:00و1:00 بدون شي بس على العصير أو حليب الكاكاو الي تقعد تصيح علشان تشربة وأنا أحاول ماأعطيها علشان تجوع وتاكل غدا بس ماأقدر عليها .. ولما أحط الغدا تقعد تلعب بالغدا وتقوم .. وتقعد لما الليل والفترة ما بين الغدا والعشا تقعد تخربط فيهم باكاكاو والحلاو ولما أحط العشا تقول ماتبي وتروح تنام .. وتنام عالساعة 11:00 أو 12:00 .......
ولماتروح الحضانة طبعا نفس الشي بس الي يتغير جدول النوم .. تقعد من النوم الساعة 6:00 أو 5:45 وأقوم أعطيها حليب الكاكاو وأحط لها ريوقها في الجنطةطبعا حميسة البطاطا أو البيض وأكون محشيتة بالصمون وتقوم تفتح جنتها ولما تلقها فيها صمون تقوم تقطه في الزبالة وتقعد تبجي تقولي ليش تحطيلي صمون أنا ما أحبه تبيني أحط لها الحميسة خالية بدون شي ... وتنام الساعة 9:00 او 10:00 .. والله أني خايفة عليها من الضعف .. الله يحفظها ويرد لها عافيتها ...

حراااااااااام وين مشاركتي:qaq:


مين حذفها ؟؟؟؟؟؟؟؟؟؟؟؟؟؟؟ من متى انتظر الرد !!!:sad:

غريبة:angry::think:

انا كتبت وقلت ان عندي رضيع عمره 9 شهور:cry::mad2:

بنت أختى عمرها شهرين وبترضع لبن صناعى لكن بيسببلها غازات ومغص وأمها مانزلهاش لبن خالص ممكن حد يدلنى على طريقة لإدراراللبن الطبيعى عند الأم ولا لازم استشارة دكتور؟؟؟؟
وهل فى أمل بعد شهرين من الولاده. :cry: :cry: :cry:

السلام عليكم عمري أنا عندي بنت عمرها ثلاث سنوات وأربعة شهور بس اللي بشوفوها بحكوا وضعها مش طبيعي كانها سنة ونصف أو سنتين بالكتير عندي توأم أكبر منها بس ما شاء الله أكبر من عمرهم ببينوا و عمرهم 7سنوات ونصف أنا كتيييييييييييييييير خايفة عليها و حاسة إنها ما بتكبر شو أعمل مع العلم جبتلها فاتح شهية و مع هيك بتغلبني كتييييير بالأكل و سامحينا طولنا عليكي

لو سمحتي

انا بنتي عمرها ثمان شهور وضعيفه حيلل وما ترضى تاكل حتى الرضاعه ما تاخذها الا مرتين او ثلاث باليوم بس
ومن كان عمرها 3 شهور تناااااااام في الليل وما تصحى ترضع تسبحها 12 ساعه واكثر بدون حليب

وبالنسبه للاكل ايش اسويلها و فيني طعميها من الاكل العادي الي اسويه
ومشكوره حبيبتي على الموضوع

[GRADE="00008B FF6347 008000 4B0082"]أختي كاملة الأوصاف ديري بالك منيح على بنتك من هلأ لأنه إذا ما لحقتيها راح تضلها هيك و هذا اللي صار معي و نفسي ألاقي حل يكبرها بسرعة أو ينصحها شوي و أنا عارفة إنو ما في حل سحري بس يا ريت أخت توتة ترد علينا ضروري و مشكوووووورة على تعاونها[/GRADE]

تسلمين اختي على الردود المريحه وأتمنى تفيديني بخبرج

بنتي عمرها سنه ووزنها 8 كيلو واللي أتمناه انها تسمن لوشوي عشان اتبين طبيعيه

وبرنامجأكلها كالتالي:

أوعيها الصبح الساعه 9 وأعطيها حليب مع بسكويت فارليز فالرضاعه
الساعه 11 أعطيها الفطور (سمون مع جبن أو بيضه مسلوقه أو سيريلاك بالتمر أو الفواكه)
الساعه 1 أغديها (أرز مع خضرهأو دجاج أولحم أو سمك يعني من غدانا)
الساعه 3 أعطيها حليب مع بسكويت وبعدها اتنام
الساعه 5 تنش من النوم فأعطيها فواكه (تفاح مقشر أو كمثرى أو موزه) أو بسكويت أصابع وأحيانا شوربه+عصير
الساعه 7 أعشيها يا اما نفس الغدا أو معكرونه او نقانق مع شبس او بطاطا مهروسه
الساعه 9 أعطيها حليب بعدها تنام لين الصبح واذا صحت بالليل أعطيها ماي

فشو رايك بهذا النظام؟ على فكره بديت فيه من 5 أيام..وعن الحليب غيرته م يومين أعطيها نسلاك

أنتظر الرد