مشكلة محيرة وحساسة!

مسكينه الله يكون في عونها ويصبرها يارب ويهدي ابوها ويرزقها الزوج الصالح

والله يا أختى لن يقف أحد بوجه نصيبها

ولا أحد يقف امام ارادة الله وقدرته

خلى عندها يقين فى قدرة الله

وطالما العريس غير رأيه صعب انها تفرض نفسها عليه وخصوصا ان والدها مازال على موقفه ولم يتغير شئ

يعنى كانت بمشكلة أصبحت باتنين

لو كان العريس مازال يريدها كنت سأقترح أن تسأل شيخ فى كيفية التصرف مع والدها وما الحكم اذا تزوجت بغير ارادته


الله يكتب لها الخير وييسر امورها

الله يعيييينج ويهدي ابوووهاااا

الله يفرج عليها يارب




.::بحفظ الله ورعايته::.
.::عروسه بيتي::.

الله ييسر لها أمورها ويرزقها بالزوج الصالح اللي يسعدها ....

الحل تتزوج من غير رضى ابوها عن طريق اخوانها العمر يمشي ماراح تظل بجمالها ولا شبابها
ولا الناس اللي راح تتقدم لها

ومو شرط اللي تحبه احد ثاني

والاول تروح عند اخوانها وتقول للي تحبه انو تركت ابوي وراح اتزوج اي احد يتقدم لي اذا مو انت احد ثاني



وبالتوفيق

بارك الله بيكم خواتي واعانا واياكم على فعل الخير ومساندة بعضنا

ومشكورة لكل اللي تفاعلوا مع المشكلة وردوا علي

السموحة من الجميع على الرد التاخر :shy:
سامحوني النت عندي في شي غريب ومنتدانا الحبيب ما يفتح عندي مول:angry: اتمنى خواتي المشرفات يفتوني في امري
مادري بروحي والا صارت مع الكل

البنية الحين هادية شوي بس مشكلتها مثل ما هي

المعرس مافي منه اتصال، اخوانها رفضوا انها تبدل ولاية الامر في المحكمة (ما يبون فضايح، يقولون لو اضرينا بنسافر نعقد لج برع البلاد ونتفق ويا المعرس ما يخبر احد!!!). صدج تعالوا، يا ترى ممكن في الامارات اخوانها يعقدون لها اذا كان ابوها رافض من غير ما تغير ولاية الامر رسمي؟!

ابوها ولا على باله ولا جنه مسوي شي والبنية تقولي باتخبل تخيلي اني بدات ادعي على ابوي بالموت وبعدين ارد واتعوذ من الشيطان

وهي خايفة تتخذ اي خطوة تكلم فيها اللي تحبه ما تعرف شلون انسب طريقه نفتح فيها الموضوع او شلون تقنعه. واخوانها ما يبون يتدخلون في هذه السالفة وانا الصراحة ما عندي خبرة في هالامور شون تستميلين الريال لرايج؟


فديكم تدعون لها الله يفرج عليها ويرزقها كل اللي تتمناه ويبارك لها فيه

والله لا يحرمنا منتدانا الغالي اللي يحسسنا ان كلنا خوات وعلى قلب واحد

الواضح ان العريس صرف نظر يا أختى وما عنده استعداد يكمل معها والله اعلم بالنوايا طبعا

ولا انصح ان تكون مبادرة الاتصال منها

مالها الا الله .. تفوض امرها لله .. هو من يعلم الخير لها

وهذا قبل كل شئ ابتلاء واختبار من الله عز وجل لها

خليها تدعو الله وتلح فى الدعاء وان شاء الله الفرج قريب

خليها تعيش حياتها عادى ومتى يأتى النصيب فلن يرده شئ

مشكورة حبيبتي تنثر الكون عطرا على النصيحة

والله كل ما اقولها انسي واصبري، تقول ما ادري احس فيه شي اقدر اسويه اغير الامور
وطالما الريال شاريني وياني هالكثر انا بعد لازم اشجعه

والله ما ادري شقول ... كاسرة خاطري والاصعب ان المشكلة من عندها يعني باقي الناس بعد بتطفش من ابوها

بصراحة ختى هى تتعب روحها بتفكيرها ان بيدها شئ تسويه

لكن الأمور كلها بيد الله .. سبحانه من يقول للشئ كن فيكون

واذا اراد ان يسهل لها زواجها فستتزوج فى رمشة عين

ولكنه عز وجل لم يأذن بعد ولهذا فالأمور معقدة .. ولو شاء لتسهلت ..

المعرس مافي منه اتصال،

كيف شاريها وهو لم يعد يتصل .. وقد يكون معه حق لأنه لا يريد ان يتزوج البنت بدون رضا والدها

تَنْثُرُ الكَونَ عِطرَاً:
الله يكتب لها الخير ويوفقها

عندما يأذن الله ويأتى نصيبها فلن يرده شئ ..

عليها فقط أن تثق فى الله .. ولن يخيب الله ثقتها ابدا

خليها تكثر من الصلاة والدعاء والصدقة وتردد دائما .. حسبى الله ونعم الوكيل

وسيرزقها الله بإذن الله زوجا صالحا يعوضها عن كل ضيق مرت به

صدقتي والله..............

ما اعرف شلون ابتدي، خايفة وقلت مالي غير العرايس خواتي يشورون علي

اتصلت علي ربيعتي اليوم تقولي ابى ادور بيت بروحي باطفش من البيت
دام اني مستحيل اعرس ابى اعيش بروحي وعلى خاطري

جان اقولها استهدي بالله وش هالكلام الغريب وذكرتها برضى الله وان هذا ابتلاء
قالت لي انا ما باطلع علشان اسوي شي يغضب رب العالمين بس خلاص ما اقدر اجلس في البيت ومب قادرة اتحمل حد خصوصا ابوي
ابى اعيش بروحي وارتب حياتي على اني ما باعرس، على فكرة هي عمرها الحين 29

وانا من وقت المكالمة وما ادري سشوي بروحي عندي هم يكفيني، بس البنية واثقة فيني وما ادري حاسة بمسئولية
هي وايد عاقلة بس خوفتني يبين وايد مقتنعة بالفكرة

ما ادري انصحوني

:sad: حبيبتي عسا ان تكرهوا شيآ وهو خيرا لكم وعسا ان تحبوا شيآ وهو شر لكم والحب يي بعد الزواج مب قبل والله اعلم عسا انها تتوفق في حياتها ويبارك الله لها بازوج الصالح خليها تفكر بعقلها مب بقلبها والله يهدي ابوها:shy:

ذكرتيني بربيعتي

ابوها كان يقولها كيف تطلعين من جنسيتي وتروحين جنسية ريال غريب

حمدلله والشكر

بس اذا ما وافق تخلي اخوانها يملجون لها

محد بيفيدها عقب والاحسن انها تفهمه كل شي اقصد الخطيب وتحطه فالصوره وهو يقرر

يا بنات تكفون

ماحد قال لي شسوي ويا البنية

هذي سارت تدور شفل يديد وبيت عداله!!!!!!!!!

افا :angry:

ولا رد!!!!!!!!!