بنات ممكن مساعده بخصوص ليلة العرس

وعوووده 10-04-2007 8 رد 488 مشاهدة
و
السلام عليكم ورحمة الله وبركاته


خواتي المتزوجات قريبا ممكن اعرف وش الي سويتوه يوم العرس
يعني من يوم ماصحيتي الى وقت الزفه وش صار وش ماصار كيف متى اخذتي الشاور كيف اعصابك كيف النفسية قبل الزفه كل شي بالتفصيل ودي اعرف افيدوني؟؟؟
م
وعوووده ذكرتيني ...بيوم عرسي

بقولج شلون قضيت يومي

___________________________________________

الليله اللي قبل العرس مادري شلون حيت اني ماقدر انام .... خايفه و احساسي كان غريب غريب

بس في الاخير نمت ... وصحيت الساعه 10 الصبح ...

نزلت وتفطرت ... والبيت في حالة ربشه ذيك الحزه يتجهزون عشان نروح الفندق ... لأن الوالد حجز لنا غرفتين عشان نتجهز فيهم في نفس الفندق اللي كان عرسي فيه ...

طبعا كانت اغراضي جاهزه في الشنطه ...

(شنطة قبل العرس ) والشنطه اللي باخذها معاي عقب العرس

لأن زوجي كان حاجز سويت في نفس الفندق نقضي فيه الليله الاولى

وبعدين

الساعه 12 تقريبا رحنا الفندق وانا اعصابي الحمدالله كانت منتهى البرود ماادري ليش مع اني الليله اللي قبلها كنت خايفه !!!

حتى الكل خواتي بناتعمتي معصبين ماادري ليش !! الا انا عاااااااااااادي

________________________________

رحنا الفندق وحطينا اغراضنا في الغرف .... ورحت للسويت اللي ببات فيه مع (زوجي )

غيرت الملحف ...وحطينا الورد وصفيت اغراضي ..

كلها الحمام ((حطيت طقم فوط خاص فيني)) والشامبو والصابون والكريمات اللي استخدمهم والعطور ...

وبعطين بعد جهزت ثيابي من قميص نوم وفستان الصباحيه والمكياج والعود والمدخن وماادري نسيت بعد اشحطيت !!!!


وبعدين طلعت من السويت ونزلت القاعه تحت ... اشوف التجهيز لي وين وصل !!!!

وكانت عفسه وكلها عمال ولا سوو شي ...بس الحمدالله في النهايه كان كل شي حلو ...

وعقبها رحنا فوق الغرفه انا وامي وخالتي وخواتي الصغار ...وبنت عمتي اللي هي صديقتي

طلبنا غدا وتغديناااا... في الباكونه :) والله كان حلو اليوم ولا حسيت اني بعرس ولا شي

وبعدين جاو الكوافيرات وابتدو باللي معاي .... وخلصت الوالده اولوحده على الساعه 6 ونزلت تحت القاعه تجهز .... الاغراض

وووو الساعه 6 تقريبا بدو فيني ... وخلت الغرفه مافي الا انا وبنت عمتي ...

وعقبها جاتني رفيجتيالغاليه علي وايد وكانت جاهزه وخالصه وتمو الثنتين معاي وكان شعووووري عااااااااااااااااااادي وهم يحسبوني خايفه ...

وبعدين يوم خلصت لبسوني الفستان ...والصندل خبرج مااقدر انزل والبسه من الفستان :)

والذهب والساعه .....

وعقبها جات المصوره .... وانتقلنا في الغرفه الثانيه لأنها ارتب وصورتني

وبعدها جوني رفيجاتي كلهم في الغرفه وقعدنا نصور وماحسيت بأي خوف ولا شي ...

ويوم جات الساعه 9 :30 نزلت ... وشافتني امي قبل لا اطلع على الناس وهني جاتني الصيحه :(

وعفست ويهي وقعدت اشاهق ...ورفيجتي تقولي لا لا

وفي الزفه والله ماادري اشصار لي مااقدر ااطالع الناس ... وتميت اصيح ... وخايفه وحالتي حاله ((صج ماعندي سالفه))

ماجاني الاحساس الا هالحزه :)

وبس ..... وطول العرس ماادري شالسالفه ....

وبعدين دخلو الريايل زوجي وجدي (الله يرحمه يا ربي) وعممامي وطبعا الوالد الله يحفظه ويخليه

وبس رحنا الغرفه فوق وجو معاي امي وامه وخواتي .... قعدو شوي ونزلو مره ثانيه العرس وتمينا بروحنا وصورنا ...

وعقب ابتلشت يوم جيت ببدل جان اتصل حق امي ..جان امي تتخرع ... تقوول لي اشفيج !!!

قلت لها مافيني شي بس تعالي ماقدر افتح شعري ..

وبس هذا هو اللي صار
_________________________________________



وعوووووده لا تخافين والله العرس تجربه حلوه وذكرى جميله

وبالتوفيق ان شاء الله
M
[grade="FFA500 FF1493 00BFFF 32CD32"]انا لسة ما تزوجت بس حبيت اقول لك الف مبروووك و الله يسعدك يا رب و يتمم لك على خير[/grade] :)

[grade="FFA500 FF1493 00BFFF 32CD32"]وادعو لي يا بنات انه الله يرزقني بالزوج الصالح عاجلا غير اجلا انا وجميع بنات المسلمين[/grade]
ع
مزوووووووووووووون
مشكوره فديتج الصراحه في شي مهم قلتي وهو تغير الحاف انا ما يه على بالي وحركت الورود
حلو مشكوره غناتي افدتيني

بس نحن نبي الحفله العوده( الزوج) كيف الواحد يبتعد الخوف عنه

انتظر حريم المعرسات
ق
يا حياااااااااتي
انا لسه زواااااااااجي بالصيف
ما اقدر افيدك بشي بس ماحبيت امر وما ارد
الله ييسر امرك واموووووووووورنا جميع آآآآآآآآآآآآآآآآآآآمين<<<<<<من قلب
ا
الله يوفقك حبيبتي
وييسر اموركـ

انا عرسي بالعطلة ... وان شاء الله المتزوجات ماراح يقصرون معاكـ
g
مبروك و عقبالي يارب
إنشاء الله البنات مابيقصرون معاك
ا
وعليكم السلام ورحمة الله وبركاته

ألف مبروك

وزي ماقالوا الأاخوات ترى كل الخوف والقلق يجي من الناس وكلامهم

وشخصساً كانت الليلة الأخيرة في بيت أهلي ، إزا حسبناها ليلة لأنه نصها راح هرج في التلفون
والنص التاني مابين جلستي مع أهلي والنوم

نمت حوالي الساعة 2 الفجر وقمت الساعة 5ونص صليت الفجر ونمت تاني إلين حوالي الساعة 9
وبعدها قمت وأخذت أغراضي حقت الفندق ومريت على اعز صديقاتي ورحنا الفندق شيكت على
جناح الهروسة ورتبت أغراضي وحطيت الفستان والجزمة اعزكم الله والطرحة والعباية والعطر والذهب
وبعدها نزلت القاعة كانت جازة بس خليتهم يقفلوا طاولتين لصاحباتي وبعدها خرجت انا وصاحبتي رحنا لفة على البحر
ورحنا بعدها أتغدينا على قولة صاحبتي وداعاً للعزوبية ومن بعدها رحت الصالون وبدأ عاد البادكي
والمانكير والذي منه
خلصت في حدود الساعة 11
رجعنا الفندق وبدأ التصوير
بس أول مرة احس بالتوتر لمن دخل جوزي وقت التصوير وشفته لأنه عندنا عادة العروسة ما تشوف
العريس شهر قبل الزواج
وفي حدود الساعة 1ونص بدأت الزفة والساعة خمسة ونص خلصنا وخرجنا من القاعة على الفندق أللي حجز فييه جوزي
وترى اللليلة تعدي حتى لو مرت عليك أمور صغيرة ممكن تحسي إنها توترك
أهم حاجة أذكري الله دايماًَ وحني نفسك وخلي الأمور ببساطة وراح تفضل أحلي ذكرى لآحلى يوم
وفعلا هي ليلة من أحلى ليالي العمر
ا
ان شاء الله هالموضوع يفيدج

http://www.3roos.com/forums/showthread.php?t=241086
X