للتصويت على الأطباق المشاركة في مسابقة أفضل طبق رئيسي..حياكم..

همسه الشوق:

المشاركة التاسعة:الملفق الحساوي

الملفق اكله يشتهر بها اهل الشرقيه وخاصه اهل الاحساء وصراحه من اجمل الاكلات والذها ...
وحبيت اشارك بطريقتها واتمنى ماتكون مكرره ...

المقادير



زي ماهو واضح بالصوره

قطع لحم صغار يعني جيبي اللحم وقطعيه صغار وخلي به شوية شحم ..لن المفلق كلما
كان ريان بالدهن كان أحلى
بصلتين مفرومه ناعم
ثوم مفروم حسب الرغبه
بهارات مشكله
ماجي حبتين اوملح
جزر مقطع او اي خضار حابه تحطينها
فلفل حار ثلاث
اربع حبات طماط مطحون
ثلاث كاسات حب مفلق وتلقينه بمحلات السوبر ماركت ...وهذي صوره تقريبيه للحب



الطريقه
تحمسين الثوم و البصل وحطي الفلفل الحار ..وحطي عليهم البهار والملح والليمون ..والحين جيبي اللحم وحمسيه
معاهم وبعدين حطي الصلصل او الطماط المطحون وكبي الماي المغلي عليهم والحين جيبي المفلق وتكونين غاسلته ومنظفته
من وقت ومنقع في ماي حار مدة نص ساعه ..وكبيه وحركيهم مع بعض ..بس لازم يكون الماي زايد
يعني مرتفع عن المفالق أكثر من الرز..لأن المفلق يبي له وقت أكثر عشان ينضج ..الحين اتركيه على نار
عاليه شوي وبعدين قصري عليه وجهزي الفرن أذا تبين ..وأذا ماتبين خليه فوق بس قصري عليه ..بس الفرن
احسن عشان مايتحرق من تحت ..وخليه من ساعه ألى ساعه ونص..وبالهناء والعافيه
ملاحظه ( في ناس يحبونه نثري وناس يحبونه لين تقدرين تتحكمين فيه من كمية الماي )
أنا بصراحه أحبه لين مره ومغرق دهن ..والناس اذواق
ملاحظه بعد ( في ناس تحب تحط معاه اللوبه الحساوي اللي لونه بني أو اللوبه الطازج وكلا حسب رغبتك

وهنا توضيح للطريقه بالصور....

حمسنا البصل والثوم ووضعنا الفلفل ...



اضفنا للحمسه اللحم وتركنا قليل يتسبك معها


ثم اضفنا الصلصه او الطماط المطحون...



بعده نضيف الماء ...ونتركه لين يغلي الماء



بعدها نصفي الملفق المنقوع نص ساعه بماء ساخن تصفيه كامله ونضيفه للقدر



بعدها نتركه على الفرن لمده ساعه او ساعه ونص ..وهذا صوره للطبق بعد ماخلص



وهذي صوره قريبه للمفلق



وهذا لما قدمته ...وحيييياكم والف عافيه على قلوبكم ...