ادخلو عشان تنتبهون صارلي موقف مرعب!!!!

السلام اخواتي
اليوم صار معي موقف مرعب مره مره مـــــــره
من جد ابغى كل من دخل يقولي انا غلطانه ولا لا
وياليت تتخيلون الموقف وتتعضون عشان ان شالله متتكرر مع
غيري وتفكرون في اهلكم


انا اداوم في مركز نسائي صباحي وعماني وخوالي مايدرون بس اهلي الي معي في
البيت وعالساكت لاني محتاجه زياده في الدخل المادي بس الجماعه مو راضين
لاني بنت وتوني صغيره ويقولون يكفي راتب اخوي وامي الله لا يحرمني منهم
بس انا ماني راضيه لاني ابي اشوف اهلي وخصوص وخيات الصغار الي يتمنون
ابوي حي عشان يجيب الي يبون
المهم مابي ادخلكم في متاهت الها اول مالها تالي

اليوم من قرادتة حظي اخلو المركز بدري لصيانه وانا باقي على نهايت دوامي
خمس ساعات دقيت على اخوي وقلتله السالفه وقال ابستاذن واجيك
بس مديره عساه بمر امر من مري الي يحرق كبده
عيا عليه وقال اذا استاذنت اعتبره نهائي بالله مو حرام عليه
المهم اخوي دق علي وقالي روحي مع سواق المركز ولا مع وحده من الموظفات لبيتها
وانا اذا طلعت امرك
انا مابغيت ارتبط مع وحده واضايقهافاقلت اروح مع سواق المركز الي يودي الطالبات
واخليه يوديني
رحت كلمته وسألته اذا هو يدل الشارع الرئيسي الي معروف عند الناس لان بيت عند ه
قالي ايه ادله بس بشرط عسى بس ياكل خشته
بخمس طعش ريالا قلت مومشكله اهم شي اوصل لبيتي
المهم البنقالي نزل البنات كلهم وباقي انا اخر وحده قال ياله وصفي الطريق وين الشارع
قالت هماك تقول تقلقلت كبدك وريياك انك تدل
قام يضحك ويقول لا تنافخين علي انا ادل بس ماعرف من وين اجيه هذا مدينه
كبير مره في واجد شارع اسم سمسم ثاني
المهم قلت الشكوى لله يله يابنت وصفي اقول يسار يمسك يمين اقول خلك في الوسط
يجي وراى سياره انا مدري وشلون يفهم ذا القوطي المصدي
المهم ابن ؟؟؟بس مليت وانا اسب فيه اندبلت كبدي
مسكبي طريق الثمامه!!!!!!!!!!!!!!!!!!!!!!!!!!!!!!!!!!!!
انا انهبلت وقامت فيوزاتي تضرب
المهم قام ينافخ علي وقف على جنب وقالي انزلي جعل الماء ماينزل مع حلقه
قلت لا مانيب نازله قال بيت انتي مره بعيد والله الي مخ هو البعيد وخايف على كفر سيارته
جعلها توطاه تريلا محمله حصى ضلعان والي زاد الطين بله ان الجوال فضت بطاريته وانا
ماني حفظه رقم اخوي وانااحلفلكم عقب هاليوم ابحفظ رقم الجماعه كلهم صم اعبر من اسمي
اناا لوقت الي اخذه مع اخوي ثلث ساعه بس وهو اخذبي ساعه
قلت له وقفلي لموزين رجال سعودي من ديرتي يفهم علي عيى ال؟؟؟؟؟
وقال انتي روحي وقفي عيت وقعدت انافخ واهاوش مسويه فيها قويها على قولت اخوانا
المصرييين (خذوهم بالصوت تغلبوهم)وانا من جو ءخلاخل والبلا من داخل
المهم وقف لمزين يوم شافه سعودي اشرله رح عسى ريح زمهرير تاخذه واشر لمزين هندي
وقف البغل الثاني بس الحمد لله الرجال طلع نشمي واجودي عيا يروح وقام يتهاوش مع البنقالي
وسواق المزين الثاني انا قعد اصيح لا ن الشارع امتلا شباب الله يصلحهم وقمو يصارخون
المهم الرجال قالي اركبي انا عييت قالي اذا مركبتي ابالحقك الين
توصلين بيتك لاتخافين ترى اذا طولتي واقفه بتروحين في
خرايط ابوها لانك وقفه على طريق الثمامه والساعه عشر المهم الرجال قام يهدي فيني
ابن ؟؟؟؟؟ خلاني مع الرجال ورجع لسيارته وشخط وخلاني
المهم اودعت نفسي لربي وركبت بعد المهرجان الي سووه الشباب
قام العو د يقرى على ويهديني ويقولي انا مرضيت تركبين معه ابن؟؟؟؟
يقول اخذتني الحميه وقلت ان ماركبت معي ابلحقها المهم وصلت لبيتي بسلمة الله
وعطيت الرجال حقه مع انه حلف ماياخذه ونامارضيت يروح الاجودي
كذا المهم كبيت الوفلوس في السياره ودخلت البيت مع انه يستاهل فوق
حقه وزياده والود ودي احب راسه
الحمدلله دخلت للبيت وهات يمشاهق وبكي لدرجت الشغاله قامت تبكي وماتدري وش
السالفه انهبلت وقالت هاذي بتموت
وسلمت الله يسلمكم بعد الله ثم الرجال الاجودي
وعندي طلب تكفون تكفون تكفون

ادعوله من قلوبكم الله يحميه و يرزقه الجنه ويحميكم ويرزقكم
ونصيحه مني تراى الدنيا دواره اذا شفتو وحده واقفه على الطريق مالهداعي المهرجان
كنكم اول مره تشوفون حرمه

مع تحياــــي
الي رايحه في خرايطها





وتكفون اذاوحده منكم تعرف رقم سواق اجودي
ترسلي على الخاص لاانحرم من الوظيفه والسبه المواصلات
انا في الرياض




شكره الجميع على المرور